रुपन्देहीमा पछिल्लाे २४ घण्टामा मृतकको संख्या शून्य, सक्रिय संक्रमित २ सय

बुटवल । ​रुपन्देहीमा बिगत केही समयदेखी कोरोना संक्रमितहरुको संख्या घटिरहेको छ । स्वास्थ्य कार्यालय रुपन्देहीका अनुसार जिल्लामा पछिल्लो २४ घण्टाको अवधीमा २२ जनामा संक्रमण पुष्टि भएको छ भने ९५ ​जना निको भएका छन् ।

१८५ जनाको नमुना परीक्षण गर्दा २२ जनामा संक्रमण देखिएको हो । स्वास्थ्य कार्यालय रुपन्देहीका अनुसार पछिल्लो २४ घण्टामा तिलाेत्तमा नगरपालिकामा ७ जना , बुटवल उपमहानगरपालिकामा ५, देबदह नगरपालिकामा ४, सैनामैना नगरपालिकामा २ , सिद्धार्थनगर नगरपालिका, ओमसितया गाउँपालिका, कञ्चन गाउँपालिका र सुद्धाेधन गाउँपालिकामा १-१ जना संक्रमित थपिएको थियो । जिल्लामा हाल कोरोनाका संक्रिय संक्रमितको संख्या २०० रहेको छन् ।

​रुपन्देहीमा पछिल्लो २४ घण्टाको अवधीमा कोरोनाबाट कुनैपनि संक्रमितको ज्यान गएको छैन । जिल्लामा अहिलेसम्म जिल्लामा ४८२ जनाको ज्यान गईसकेको छ ।कोरोनाको दोस्रो लहर शुरु भएसंगै मृतकको स‌ख्या शुन्य भएको यो चौथो पटक हो