१३ असार २०७९, सोमबार

Jun 27, 2022

बुटवल । रुपन्देहीको भैरहवास्थित गौतमबुद्ध अन्तरर्राष्ट्रिय विमानस्थलमा जहाज पार्किङको समस्या देखिएको छ । विमानस्थलमा पार्किङ क्षेत्र सानो र भैरहवाबाट उडान हुने विमानहरुको संख्या धेरै हुन थालेपछि पार्किङको समस्या भएको गौतम बुद्ध अन्तराष्ट्रिय विमानस्थल नागरिक उड्डयन कार्यालय, सिद्धार्थनगरका निमित्त महाप्रबन्धक प्रेमनाथ ठाकुर बताउँछन् ।

Advertisement

अहिले विमानस्थलमा घरेलुतर्फ दैनिक ४ वटा मात्रै विमान पार्किङ गर्न मिल्ने भएपनि ७ वटासम्म जहाज पार्किङ गर्न बाध्य रहेको उनी बताउँछन् । उनी भन्छन्, ‘विमानस्थलमा जहाज पार्किङ एरीया साघुँरो छ । दैनिक ४ वटामात्रै विमान पार्किङ गर्न मिल्ने अवस्था छ । उडानहरु थपिदैँ पार्किङको लागि हम्मेहम्मे परेको छ ।’

उक्त विमानस्थलबाट दैनिकी १७/१८ उडान सञ्चालन भइरहेको ठाकुरको भनाई छ । मौसमी खराबी, चराचुरुङी लगाएतको अवरोधले उडानमा समस्या हुने गरेर र विमानलाई होल्डमै राख्न बाध्य हुने उनी बताउँछन् । विमानस्थलबाट यति एअरलाइन्स, सौर्य एअरलाइन्स, श्री एअरलाइन्स, बुद्ध एअर लगाएतका विमानहरुले उडान भर्ने गरेका छन् । गौतम बुद्ध अन्तराष्ट्रिय विमानस्थलको निर्माणको कामले गर्दा पनि उडान र पार्किङमा सास्ती खेप्नु परेको उनको भनाई छ ।

उक्त विमानस्थलाई ‘वैकल्पिक’ विमानस्थलको रुपमा समेत प्रयोग गरिदैँ आएको छ । त्रिभुवन अन्तरर्राष्ट्रिय विमानस्थलमा भिड–भाड तथा लामो समय आकाशमा होल्ड गर्नुपर्ने अवस्था सिर्जना भएमा धनगढी, सिमरा विमानस्थलबाट छुटेका विमानहरु भैरहवा विमानस्थलमा पार्किङको लागि आउने गरेको उनको भनाई छ ।

उनी भन्छन्,‘भैरहवा विमानस्थल ‘वैकल्पिक’ विमानस्थल पनि हो । मौसमी तथा अन्य कारणले काठमाडौंबाट उडान भर्न नसक्ने, काठमाण्डौंको आकाशमा भीड हुने लगाएतका समस्याहरु देखिएको खण्डमा धनगढी, सिमरा, पोखराबाट छुटेका विमानहरु यतै आउँछन् । यस्तो अवस्थामा पार्किङको लागि ठाउँ नहुँदा समस्या उत्पन्न हुने गरेको छ ।’ विमानस्थलमा आपतकालीन अवस्थाका लागि समेत पुग्ने पर्याप्त ठाउँ नपुग्ने गरी पार्किङ गर्न बाध्य हुने ठाकुर बताउँछन् । हाल भैरहवाबाट काठमाडौं, पोखरा, भरतपुर, नेपालगञ्ज लगाएतका क्षेत्रमा दैनिकी उडान हुने गरेको छ ।

यस्तै, त्रिभुवन विमानस्थलको ‘वैकल्पिक’ मानिने यस विमानस्थलमा हेलिप्याड नहुँदा पनि सर्वसाधारणले सास्ती खेप्नु परेको छ । आपतकालिन अवस्थाका लागि समेत हवाई जहाजलाई पार्किङ गर्ने ठाउँ नहुँदा सास्ती खेप्नु परेको उड्डयन कार्यालय, सिद्धार्थनगरका निमित्त महाप्रबन्धक ठाकुरले बताए ।

भैरहवा विमानस्थलको वार्षिक आम्दानी ८ करोड हुने भएपनि विमानस्थलमा सरकार र प्राधिकरणको खासै ध्यान पुग्न नसकेको उनको भनाई छ । अझै २/३ वटा जहाज पार्किङ गर्ने क्षेत्रफल थपिए पार्किङको लागि समस्या हट्ने उनी बताउँछन् ।

प्रतिकृया दिनुहोस्

Flash News

सरकारले अमेरिकालाई एसपीपीमा संलग्न नहुने पत्र पठाइसक्यो : गृहमन्त्री खाँण गोठमा आगलागी हुँदा १२ पशुचौपाया मरे खोला छ किनार छैन, सरकार छ सरोकार छैन ! नेप्सेमा दोहोरो अंकको गिरावट नेता आउँदा एयरपोर्टमा माला र खादा लिएर लावालस्कर लाग्ने संस्कार छोडौं : एमाले उपाध्यक्ष पौडेल पाल्पाको रिब्दिकोटमा १२ वर्षीया बालिकामाथि करणी गर्ने युवा पक्राउ आगलागी हुँदा निसास्सीएर ६ वटा पशु चौपाया मरे रुपन्देहीमा निर्वाचन क्षेत्र रणनैतिक सडक अन्तरगत झुलनीपुर-अजमा सडक शिलान्यास जापानका ३ करोड ७० लाख मानिसलाई भनियो– बिजुली कम प्रयोग गर्नू निरन्तर वर्षा, समय अघिनै रोपाइँ सुरु सर्वोच्चको आदेश- कैदीबन्दीले भोट हाल्न पाउने व्यवस्था गर्नू काठमाडौँ उपत्यकामा १२ जनामा हैजा देखियो आलिया भट्ट गर्भवती, दिइनु चाँडै बच्चा आउने जानकारी नेकपा एसको पहिलो केन्द्रीय परिषद् बैठक जारी, मन्त्रीबाट हटाइएका नेता गएनन् क्षमताअनुसार काम गर्छु, पदको दुरुपयोग गर्दिन : सहरी विकासमन्त्री चौधरी नवनियुक्त मन्त्रीहरूले लिए पद तथा गोपनीयताको शपथ ११ महिनामा ३४ अर्बभन्दा बढीको तरकारीजन्य वस्तु नेपाल भित्रियो १२ सय लिटर तेलसहित चार जना पक्राउ जिपको ठक्करबाट पैदलयात्रीको मृत्यु देशभरी मनसुनी वायुको प्रभाव थप सक्रिय, यी प्रदेशमा हुनेछ आज भारी वर्षा