बुटवल । शहिददिवसको अवसरमा लुम्बिनी ईन्टिगेरेटेड एकेडेमी तिलोत्तमा ३ रुपन्देहीमा राष्ट्र निर्माणमा शहिदहरुको भुमिका विषयक वकतृत्वकला कार्यक्रम भएको छ। कार्यक्रममा दुईवटा संकाय बिएस्सि फरेष्टि र बि ए कानुनका १४ जना विद्यार्थीहरुको सहभागीता रहेको थियो ।
कार्यक्रममा प्रथम नवराज उपाध्याय, दोस्रो वर्षा पाण्डे र तृतीय विकास बिसी भइन् । एकेडेमीका शैक्षिक निर्देशक अशोक कुमार मल्लिकले कलेजले शैक्षिक कार्यक्रमका अतिरिक्त विद्यार्थीहरुका अन्तरनिहित प्रतिभा प्रस्फुटन हुने खालका गतिविधि गर्ने र सोहि क्रममा आज शहिद दिवसको अवसर पारेर यो कार्यक्रम गरिएको बताए। कार्यक्रममा उपप्रध्यापक दामोदर घिमिरेले नेपाला शहिद दिवस मनाउनुका कारण र शहिदको अवधारणा तथा प्रचलित कानुनी परिभाषाका बारेमा आफ्नो प्रस्तुतीकरण गरेका थिए ।
कार्यक्रम एकेडेमीका शैक्षिक निर्देशक अशोक कुमार मल्लिकको अध्यक्षता तथा विद्यार्थी रश्मि पौडेलले स्वागत मन्तव्य राखेका थिए । कार्यक्रमको सञ्चालन विद्यार्थीहरु हिमाल र मिना बुढाले गरेका थिए ।
प्रतिक्रिया