रुपन्देहीमा चेन होटल सानिभा इन संचालनको सम्झौता

बुटवल । विश्वभर नै गुणस्तरीय सेवासहित चेन होटल बिस्तारलाई तिब्रता दिएका लुभरे होटल्स ग्रुप, गोल्डेन टुलिप ब्रान्डमा सरोवर होटल एण्ड रिसोर्ट्सको ब्यवस्थापनमा रुपन्देहीमा चेन होटल संचालनमा आउने भएको छ । नेपालमा पहिलो गोल्डेन टुलिप होटल सानिभा इन बुटिक होटल एण्ड स्पा का सिईयो सन्तोष कुमार केसी र सरोवर होटल एण्ड रिसोर्ट्सका प्रबन्ध निर्देशक अशोक कुमार बकायाका बिच व्यवस्थापन सम्झौतामा शुक्रबार हस्ताक्षर भएको छ । एक वर्षभित्र संचालन हुने गरि तिब्र रुपमा पुर्वाधार काम अघि बढेको सानिभाका सिईयो सन्तोष कुमार केसीले बताए ।

सानिभा इन बुटिक होटल एण्ड स्पाका सिईयो सन्तोष कुमार केसीले निक्कै द्रुत गतिमा पुर्वाधारको काम अघि बढेको बताए । ‘फागुन २०७९ मा शुरु गरेर निक्कै छिटो काम भैरहेको छ ।’-उनले भने । अबको एक वर्षमा होटल संचालनको तयारी रहेको उनले बताए । भैरहवामा सबैभन्दा लक्जरी होटलका रुपमा चिनिने गरि पुर्वाधार तयार गर्न लागेको उनले बताए । ‘यो कठिन समयको च्यालेन्जरलाई ट्याकल गर्ने रुपमा रणनिति पनि हो ।’-उनले भने । जिङज्याङ कम्पनी जसको १३ करोड लोयल्टी मेम्बर छन । यो मेम्बरलाई लक्षित गरि रणनिति बनाएको भन्दै उनले सानो पर्यटक ल्याउन सकेपनि राम्रो उपलब्धि हुने बताए । अहिले होटलमा ५२ बढि रुमहरुबाट शुरु गर्ने लक्ष्य रहेको उनले बताए । विज्ञ समुहसहितको टिमको सहयोगमा काम अघि बढ्ने बताए । जग्गाको मूल्य छोडेर ५० करोड रुपैया लागत रहेको होटलमा स्थानियलाई रोजगारमा प्राथमिकता दिने बचन दिए ।

होटलमा रुफ टप बार, स्विमिंग पूल सहित अत्याधुनिक फिटनेस सेन्टर, स्पा, अत्याधुनिक बैठक कक्षहरु रहने छन जसले यस होटललाई सम्मेलन, सेमिनार र विशेष कार्यक्रमहरूको लागि एक आदर्श विकल्प बनाउनेछ । एक मनोरञ्जन क्षेत्र र एक क्यासिनो पनि निकट भविष्यमा नै सञ्चालनमा ल्याउने योजना रहेको छ । नेपालमा सरोवर समूहको होटलहरू बढ्दो पाइपलाइनमा छन् जसमध्ये सरोवर पोर्टिको वीरगन्ज, रोयल टुलिप सौराहा चितवन र मिराज सरोवर पोर्टिको काठमाडौं मा २०२४÷२५ सम्म खोल्ने तालिका रहेको छ ।

कार्यक्रमको उद्घाटन गर्दै लुम्बिनी प्रदेशका प्रवक्ता तथा आन्तरिक मामिलामन्त्री सन्तोष कुमार पाण्डेले भारतिय पर्यटक ४ लाखभन्दा बढि रकम लिएर आउन पाउने गरि नीति बनाउन संघ सरकारमा सुझाव दिएको बताए । काठमाडौ भनेको नेपाल भन्ने सोचलाई परिवर्तन गर्न जरुरी रहेको भन्दै नेपाल भनेको लुम्बिनी पनि हो भन्ने बुझाउन जरुरी रहेको उनले बताए । कार्यक्रममा नेपाल पर्यटन बोर्डका बरिष्ठ प्रबन्धक लक्ष्मण गौतमले अन्तर्राष्ट्रिय बिमानस्थल शुुरु भैसकेको उनले दाबी गर्दै थप समस्याहरु हट्ने बताए ।

कार्यक्रममा हानका केन्द्रीय सदस्य गोपाल रानाले पर्यटनलाई कृषिसंग जोडेर आर्थिक रुपमा सबल हुन सकिने सिकाई कोभिड संक्रमणको समयमा देखिएको बताए । कार्यक्रममा सरोवर होटल एण्ड रिसोर्ट्सको सिईयो अशोक कुमार बकायाले पर्यटनबाट विकासको ढोका खोल्न सकिने भन्दै नेपाल पर्यटकका लागि उत्कृष्ट गन्त्ब्य भएको बताए ।

भारतमा सबैभन्दा तीब्र रुपमा अघि बढिरहेको होटल समूह सरोवर होटल्स एण्ड रिसोर्ट्सले नेपालमा गोल्डेन टुलिप ब्राण्डको होटल खोल्न शनिभा इन बुटिक होटल एण्ड स्पासँग व्यवस्थापन सम्झौतामा हस्ताक्षर गरेको छ । गोल्डेन टुलिप भैरहवा सरोवर होटल्स एण्ड रिसोर्टको बढ्दो पोर्टफोलियोमा १२ औं तथा नेपालमा पहिलो गोल्डेन टुलिप हुनेछ । मे २०२४ सम्ममा पूर्ण सञ्चालनमा ल्याउने योजना रहेको यो होटल गौतम बुद्ध अन्तर्राष्ट्रिय विमानस्थलबाट ८ किलोमिटर टाढा अवस्थित छ । यसमा आधुनिक सौन्दर्यशास्त्रका साथ डिजाइन गरिएका ५२ वटा विशिष्ट र सुसज्जित कोठाहरू हुनेछन । दुई उत्कृष्ट रेस्टुरेन्टहरूले पाकशास्त्रिक यात्रा प्रदान गर्नेछन । जसले शहरको समृद्ध खानाको दृश्यलाई पूरक बनाउने छ । यस होटलमा रुफ टप बार, स्विमिंग पूल सहित अत्याधुनिक फिटनेस सेन्टर, स्पा, अत्याधुनिक बैठक कक्षहरु रहने छन जसले यस होटललाई सम्मेलन, सेमिनार र विशेष कार्यक्रमहरूको लागि एक आदर्श विकल्प बनाउनेछ । एक मनोरञ्जन क्षेत्र र एक क्यासिनो पनि निकट भविष्यमा नै सञ्चालनमा ल्याउने योजना रहेको छ ।

नेपालमा सरोवर समूहको होटलहरू बढ्दो पाइपलाइनमा छन् जसमध्ये सरोवर पोर्टिको वीरगन्ज, रोयल टुलिप सौराहा चितवन र मिराज सरोवर पोर्टिको काठमाडौं मा २०२४/२५ सम्म खोल्ने तालिका रहेको छ । सरोवर होटल्स प्रा। लि। भारतभरि र बाहिर सरोवर होटल्स प्रा। लि। एक अग्रणी होटल व्यवस्थापन कम्पनी हो र भारतमा सबैभन्दा छिटो बढ्दो होटल चेनहरू मध्ये एक हो । उद्योगका दिग्गजहरूको टोलीको नेतृत्वमा कम्पनीले सरोवर प्रिमियर, सरोवर पोर्टिको, होमटेल र गोल्डेन टुलिप ब्रान्डहरू अन्तर्गत भारत र विदेशमा ७० बढी गन्तव्यहरूमा १०० भन्दा बढी होटलहरू सञ्चालन तथा व्यवस्थापन गर्दछ । ब्रान्डहरूले ३, ४ र ५–तारे स्पेक्ट्रम कभर गर्दछ ।

सरोवर होटल्सले विभिन्न प्रतिष्ठित बिजनेस स्कूलहरूमा सेवाहरूको व्यवस्थापनका साथ कर्पोरेट आतिथ्य सेवा विभाग पनि सञ्चालन गर्दछ । भारत भरि १२ क्षेत्रीय सेल्स तथा रिजर्भेशन कार्यालयहरु सहित सरोवर होटल्स एण्ड रिसोर्ट्स आज भारतमा सबै भन्दा ठूलो र सबै भन्दा विविध होटल व्यवस्थापन कम्पनीहरु मध्ये एक बनेको छ । सरोवर होटल्स पेरिसमा मुख्यालय रहेको विश्वव्यापी आतिथ्य उद्योगको एक प्रमुख खेलाडी ग्रुप डु लुभ्री को एक हिस्सा हो जसको पोर्टफोलियोमा अहिले ६० देशहरूका १७ सय होटलहरू समावेश छन् । सरोवरले आप्mनै ब्रान्डहरुको साथमा ग्रुप डु लुभ्रीको ऐतिहासिक ब्रान्डहरू (गोल्डेन टुलिप, रोयल टुलिप, टुलिप इन) का ३ देखि ५ तारेसम्मको पूर्ण होटलहरु सञ्चालन गर्दछ ।