बुटवलमा आज बिहानैदेखि ७ घण्टा विद्युत अवरुद्ध हुने

बुटवल । बुटवलमा सोमबार विहानदेखि ७ घण्टा विद्युत अवरुद्ध हुने भएको छ । नेपाल विद्युत प्राधिकरण बुटवल वितरण केन्द्र अन्तर्गत राजमार्ग चौराहदेखि गोलपार्कसम्मको पूर्व फिडर अन्तरगत ११ केभिए लाइन विहान ७ बजेदेखि बन्द हुने भएको हो ।

प्राधिकरणले आइतबार एक सूचना जारी गर्दै सोमबार विहान ७ बजेदेखि दिउँसो २ बजेसम्म विद्युत अबरुद्ध हुने जनाएको छ । राजमार्ग चौराहदेखि गोलपार्कसम्मको ६ लेन सडक विस्तार अन्तरगत सडकमा रहेका विद्युत पोल सार्नका लागि विद्युत लाइन काटिने भएको हो ।