बुटवलमा एक चिहान नाटकको मञ्चन हुने

बुटवल । बुटवलमा एक चिहान नाटकको मञ्चन हुने भएको छ । बुटवल स्थित अन्तर्राष्ट्रिय सम्मेलन केन्द्रमा यहि फागुन ३,४ र ५ गते  एक चिहान नाटकको मञ्चन हुन लागेको हो ।

हृदय चन्द्र सिंह प्रधानको लेखन रहेको नाटकको निर्देशन नकुल पौडेलको रहेको छ । बुटवल ८ सुख्खानगर रहेको रागश्री संगीतालयको आयोजनामा हुन लागेको मञ्चनको तयारी पुरा भएको संगीतालयका व्यवस्थापक सुरेश सेञ्चुरीले पत्रकार सम्मेलन मार्फत जानकारी दिए । कक्षा  १२ को कोर्षमा एक चिहान रहेकाले १२ कक्षाका विद्यार्थीलाई लक्षित गरि नाटक मन्चन गर्न लागिएको उनले बताए ।

काठमाडौंमा आउने ११ जना र स्थानिय ५ कलाकार गरी नाटकमा कुल १६ कलाकारले विभिन्न भुमिकामा नाटक खेल्नेछन् । कुल ९ लाख खर्च अनुमान गरिएको नाटक मञ्चन  विहान साढे ८ बजे, १ बजे र ३ बजे नाटक मञ्चन हुनेछ ।

 पत्रकार सम्मेलनमा कलाकार बावुराम घिमिरे, संगीतालयका सदस्य माधव भण्डारी लगाएतले बोल्दै मोफसलमा हुन थालेको बहुचर्चित नाटकलाई अवलोकनका लागि आउन आग्रह गरे।