२७ श्रावण २०७९, शुक्रबार

Aug 12, 2022

दाङ ।  दाङको तुलसीपुर क्षेत्रमा पानी आपूर्ती भइरहेको खाने पानी मुहान क्षेत्रमा चुन ढुंगा उत्खननको तयारी गरिएको छ । खानेपानीको मुहान क्षेत्रमा चुन ढुंगा उत्खननको प्रक्रिया अघि बढाएपछि सरोकारवालाले खानेपानीको दीर्घकालिन संकट चुलिन सक्नेभन्दै चिन्ता व्यक्त गरेका छन् । 

Advertisement

खाने पानीको मुहान क्षेत्रमा चुनढुंगा उत्खनन्को प्रक्रिया अघि बढेपछि दीर्घकालिन रुपमा खानेपानीको क्षेत्रमा असर पर्ने भन्दै तुलसीपुर खानेपानी संस्थाले विरोध सुरु गरेको छ । 

सुनगाभा माइनिङ प्रालिले तुलसीपुर क्षेत्रमा आउने खाने पानीको मुहानक्षेत्रमा चुनढुंगा उत्खनन प्रक्रिया अघि बढाएको हो । पटक पटक रोकिँदै आएको उत्खनन प्रक्रिया यस पटक अन्तिम चरणमा पुगेको खानी विभागले जनाएको छ । तर उत्खनन् प्रक्रियालाई रोक्नका लागि स्थानीय सरकारले चासो दिएको छैन । 

तुलसीपुर–३ र ४मा रहेको खानेपानीको स्रोतलाई संकटमा पार्ने गरी चुनढुंगा उत्खननको प्रक्रिया अघि बढेको खानेपानी संस्थाले बताएको छ । उत्खनन् गर्ने भनिएको क्षेत्रमा तुलसीपुर खानेपानी उपभोक्ता सरसरसफाई संस्थाका सात ओटा मुहान रहेका छन् । राम्री, चिसापानी, धैरेनी, बाक्रे, छरछरे र पहरे लगायतका ठाउँको पानीका मुहानलाई प्रत्यक्ष प्रभाव पार्ने गरी चुनढुंगा उत्खनन हुन लागेको भन्दै त्यो रोकिनु पर्ने खानेपानी संस्थाका अध्यक्ष यमकान्त भण्डारीले बताए । 

‘दिनदिनै खानेपानीको माग बढ्दै गएको अवस्थामा भएका स्रोतलाई संकटमा पार्ने गरी चुनढुंगा उत्खनन् हुनुहुँदैन् ’ उनले भने‘तुलसीपुर क्षेत्रमा खानेपानी आइरहेको मुहानमाथिबाट चुनढुंगा उत्खनन् हुनबाट रोक्न सबैको सहयोग आवश्यक छ ।’ खानेपानी संस्थाले अहिले विभिन्न सरोकारवाला निकायसंग खानेपानी क्षेत्रमा चुनढुंगा उत्खनन् प्रक्रियालाई अघि बढ्नबाट रोक्नका लागि विभिन्न ठाउँमा धाउने गरेको उनले बताए । ‘तुलसीपुर–३ मा रहेको चुनढुंगा उत्खनन भयो भने तुलसीपुरको भविष्य नै संकटमा पर्ने निश्चित छ ।’ उनले भने–‘चुनढुंगा उत्खनन्को असर अन्य ठाउँमा देखेकै छौँ ।’

तुलसीपुर क्षेत्रमा पानीको अभाव चुलिदै गएको अवस्थामा मुहानलाई संकटमा पार्नेगरी चुनढुंगा उत्खनन् हुन नसक्ने उनले बताए । खानेपानी संस्थामा आफुहरु निर्वाचित भएर आएपछि चासोका साथ हेरेको र प्रक्रिया अघि बढ्न नदिनका लागि विभिन्न ठाउँमा पहल गरिरहेको अध्यक्ष भण्डारीले बताए । ‘उत्खनन गर्ने कम्पनिमात्रै पत्ता लागेको छ, व्यक्ति पत्ता लागेको छैन् ।’ उनले भने–‘अब अहिले पनि उत्खनन्का लागि अघि बढीरहेको अवस्थामा यसलाई रोक्न स्थानीय र स्थानीय सरकार अझ बढी लाग्नुपर्ने छ ।’

उत्खनन् प्रक्रिया रोक्न मागसहित खानेपानी संस्थाले खानी तथा भुगर्भ विभाग, स्थानीय सरकार तुलसीपुर उमहानगरपालिका, वडा कार्यालय ३ र ४ लाई गतवर्षको माघ १४ मै पत्राचार गरिसकेको जनाएको छ । गतसाल नै माघ १४ गते सर्वदलिय बैठकले खानेपानीको मुहान क्षेत्रमा चुनढुंगा उत्खनन् रोक्नुपर्ने निर्णय गरेको छ । सर्वदलिय बैठकको निर्णयसहित बन तथा बातावरण मन्त्रालय, खानेपानी तथा सरसफाई मन्त्रालय, खानी तथा भुगर्भ विभाग, खानेपानी तथा ढल निकास विभागमा डेलिगेशन पुगेको कोषाध्यक्ष भोलाप्रसाद थापाले जानकारी दिए । यस्तै जिल्ला प्रशासन कार्यालय दाङ, डिभिजन बन कार्यालय दाङ, सब डिभिजन बन कार्यालय तुलसीपुर पनि उत्खनन्को प्रक्रिया रोक्न मागसहित गत असार १० गते पत्राचार गरिसकेको कोषाध्यक्ष थापाले बताए ।

 उनले चुनढुंगाले पानीको संचित गर्ने भएकाले पानीको स्रोतलाई बचाउन उत्खनन् रोक्नुको विकल्प नभएको बताए । यस्तै वडा नम्बर ४ को भगवती सामुदायिक बन उपभोक्ता समुह, वडा नम्बर ३ र ४ को कार्यालयलाई उत्खनन्को प्रक्रिया अघि नबढाउन मागसहित पत्राचार गरिसकेको उनले बताए ।
 

प्रतिकृया दिनुहोस्

Flash News

आर्थिक मन्दिका कारण अलिबाबाले गर्यो दश हजार कर्मचारी कटौती साउदीबाट ९३ नेपालीलाई एक्जिट भिषा, ६० दिन भित्र देश छाड्नु पर्ने बढ्दै जनैको महत्व, गत वर्ष साढे १७ करोडको आयात देशैभर आज पनि वर्षाको सम्भावना, भोलि र पर्सी ठूलो पानी पर्ने आज रक्षाबन्धन तथा जनैपूर्णिमा मनाइँदै बुटवलको अन्तर्राष्ट्रिय सम्मेलन केन्द्र : कसले सञ्चालन गर्ने बारे अन्यौल अन्तर्राष्ट्रिय युवा दिवस : युवाका समस्या जस्ताको त्यस्तै अक्सफोर्डका विद्यार्थीलाई स्वागत तथा सम्मान ‘अमेरिका मेरो बुढा छ’ सार्वजनिक एकिकृत समाजवादीका अध्यक्ष नेपाललाई कोरोना संक्रमण गुल्मीको वार्षिक समीक्षा गोष्ठीमा जे देखियो… सामाजिक सञ्जालमार्फत महिलालाई सास्ति दिएको भन्दै एक जना पक्राउ सनराइज बैंकको लगानीमा चौतारी निर्माण एमालेले गठन गर्‍यो ओलीको नेतृत्वमा केन्द्रीय निर्वाचन परिचालन कमिटी लुम्बिनीका १० सहित ६३ पालिकाले अझै बजेट पेश गरेनन् चाउचाउपछि फिल्मी क्षेत्रमा रुपन्देहीको यशोदा समूह, चलचित्र ‘फूलबारी’ निर्माण गर्दै माओवादीबाट ३ पटक जितेका टोपबहादुरले एमालेबाट के गर्लान्? कोरोना संक्रमणबाट एकै दिन पाँच जानाको मृत्यु राप्रपा रुपन्देही उपाध्यक्ष गुप्ताद्वारा पदबाट राजीनामा (पत्रसहित) भुवन केसीको नियुक्ति प्रक्रिया बदरको माग गर्दै सर्वोच्चमा रिट दायर, सोमबार पेसी