तिलोत्तमा । बर्खायाममा हुने डुवान नियन्त्रणकालागी तिलोत्तमा नगरपालीकाले सक्र्रीयता देखाएको छ । विपद्को पुर्व तयारीकालागी डुवान प्रभावित क्षेत्रहरुमा रहेका खोला नाला र ढलको सरसफाई थालीएको छ ।
बर्षात सुुरु हुनु पूर्वनै खोला नाला तथा ढलको सरसफाई गरी ढुवान हुन नदीन पुुर्व तयारी थालीएको तिलोत्तमा नगरपालीका प्रमुख (मेयर) रामकृष्ण खाणले जानकारी दिए । यसै क्रममा उनले आईतवार वर्षायाममा डुवान हुने क्षेत्र मध्येको एक तिलोत्तमा–११ स्थित सुखौरा खोला सफाई कार्यको निरीक्षण समेत गरेका छन् । निरीक्षण गर्दै पानी नपर्दै काम सम्पन्न गर्न र प्रभावकारी रुपमा काम गर्न समेत उनले निर्देसन दिए । अनुगमनमा नेपाली कांग्रेस तिलोत्तमा नगर सभापति हरिलाल पाण्डे, तिनपा–११ का वार्ड अध्यक्ष विष्णु बहादुर बराल समेत सहभागी रहेका थिए।
प्रतिक्रिया