१२ जेष्ठ २०७९, बिहीबार

May 26, 2022

तिलोत्तमा । स्थानीय निर्वाचन–२०७४ मा नेकपा एमालेबाट बासुदेव घिमिरे तिलोत्तमाको नगर प्रमुखमा निर्वाचित भए। तत्कालीन निर्वाचनमा नेपाली काग्रेस र राष्ट्रिय जनमुक्ति पार्टीको गठबन्धनका नगरप्रमुखका उम्मेद्वार रामकृष्ण खाँणलाई पराजित गर्दै घिमिरे नेकपा एमालेको तर्फबाट नगरप्रमुखमा विजयी भएका थिए । तत्कालीन निर्वाचनमा नगरप्रमुख बासुदेव घिमिरेले १९ हजार ८४ मत प्राप्त गर्दा गठबन्धनका रामकृष्ण खाँणले १६ हजार २ सय ६८ मत प्राप्त गरेका थिए ।

Advertisement

यसरी गत निर्वाचनमा तिलोत्तमा बासीको मन जिते नगर प्रमुखमा विजयी भएका नगर प्रमुख घिमिरेले नगरको विकासमा शालिन, निडर र इमान्दार जनप्रतिनिधिको रूपमा आफूलाई स्थापित गराएका छन्। एउटा नगर प्रमुखमा हुनुपर्ने विशेषता घिमिरेमा देख्न सकिन्छ ।
यसैगरी २०७४ कै स्थानीय निर्वाचनमा नेकपा एमालेको तर्फबाट जागेश्वरी देवी चौधरीले १९ हजार २ सय २४ मत प्राप्त गरी तत्कालीन नेपाली काग्रेश र राष्ट्रिय जनमुक्तिको गठबन्धनका उपप्रमुख पदका उमेदवार गिता सारू मगरलाई फराकिलो मतले पराजित गर्दै तिलोत्तमाको उपप्रमुखमा विजयी बनिन्। उपप्रमुख चौधरीले पनि यो पाँच वर्षको अवधिमा समग्र नगरको विकासमा आफूलाई शालीन, निडर र इमान्दार व्यक्तिका रूपमा प्रस्तुत गरिन्।

तिलोत्तमा नगरपालिकामा प्रमुख र उपप्रमुख सँगसँगै वडा नम्बर एक , दुई , तीन , चार , पाँच , छ , सात र आठमा अध्यक्ष पदमा नेकपा एमालेको जीत भएको थियो । त्यसैगरी वडा नम्बर एघार , बाह्र , तेह्र , चौध र पन्ध्र गरी १३ वडामा २०७४ को निर्वाचनमा नेकपा एमालेको जीत भएको थियो । भने वडा नम्बर नौ , दस , सोह्र र सत्रमा नेपाली काग्रेसले जीत हाँसिल गरेको थियो ।

नगरप्रमुख घिमिरेको नेतृत्वमा सिंगो टिमले नगरको विकासका लागि विभिन्न रचनात्मक र सृजनात्मक काम गरेको नगरबासीले अनुभूति गरेका छन् । त्यसैको फलस्वरूप नगर लगातार दुई पटक उत्कृष्ट नगरको रूपमा पुरस्कृत भयो । पहिलो पटक २०७७ चैैत्र ११ गते र २०७८ फाल्गुण २९ गते नेपाल नगरपालिका संघबाट नेपालकै उत्कृष्ट नगरको रूपमा पुरस्कृत भयो । यसले गर्दा साच्चिकै नगर विकास र उन्नतिमा अगाडि बढेको आभास नगरबासीले गरेका छन् ।

तिलोत्तमा नगरमा धेरै विकास निर्माणका कामहरू समपन्न भएका छन् । साना ठूला गरि यहाँ धेरै कामहरू भएका छन् । समुन्नत सुरक्षित र वातावरणमैत्री सुन्दर शहर शुसासनयुक्त पर्यटकीय तिलोत्तमा नगर भन्ने दीर्घकालीन सोचका साथ नगरले भौतिक तथा सामाजिक विकास निर्माणका काम योजनावद्द रूपमा गरेको छ । तिलोत्तमा नगरपालिका स्थानीय तहको कानुन निर्माण गर्ने पहिलो स्थानीय तह हो । नगरले १०९ नीति एन नियम निर्देशिका कार्यविधि निर्माण गरेको छ । नगरले काठमाडौं बाहिर पहिलो पटक ऐतिहासिक लगानी सम्मेलन गरेको छ । जहाँ १६ अर्बभन्दा बढीको लगानी प्रतिवद्दता आएकोमा विभिन्न परियोजना कार्यान्वयनको चरणमा रहेका छन् ।

पाँच वर्षे अवधिमा साना ठूला गरी करिब ५०० किलोमिटर सडक कालोपत्रे भएका छन् भने सोही अनुपातमा सडक ग्राभिलिङ गरिएको छ । तिलोत्तमा रिङरोडको निर्माण र स्तरोन्नति अघि बढेको छ । सबैको सक्रियतामा नगरलाई शून्य प्लास्टिकमुक्त नगर बनाइएको छ । नगरको मध्य भागमा रहेको मुख्य राजमार्गको छेउछाउमा विभिन्न प्रकारका फूलहरूले नगर अझ रमणीय र सुन्दर बनेको छ । नगरका बाटाघाटा र विभिन्न स्थान सफा बनाउन सरसफाइका कर्मचारी खटाइएको छ । भने महिनाको दुई पटक स्वयम् स्थानीयको सक्रियतामा गाऊँ टोल सफा गरिन्छ । समयसमयमा नगरप्रमुख , उपप्रमुख वडा अध्यक्षलगायत जनप्रतिनिधि सक्रियताका साथ सरसफाइ अभियानमा लाग्ने गरेका छन् ।

तिलोत्तमा नगरपालिकालाई पर्यटकीय दृश्टिकोणले पनि अगाडि बढाइएको छ । नगरको वाड नम्बर एक र दूईमा फैलिएको प्रदेशकै परिचित र महत्त्वपूर्ण वनवाटिकामा आकर्षक बहुउद्देश्यीय भ्यू टावरको गत महिना मात्रै नेकपा एमाले अध्यक्ष केपी ओलीले उद्घाटन गरेका थिए। जसबाट स्थानीयले रोजगारी र वनवाटिकाले अझ पर्यटक तान्ने आशा गरिएको छ । एक वाड एक रमणीय पार्क बनाउने उदेश्यअनुसार वाड नम्बर छ मा तिलोत्तमा पार्क , दशमा वेवरी पार्क , वाड नम्बर तेह्र र चौधमा बाउन्नकोटी पार्क , एतिहासिक नन्दभाउजू ताल , वार्ड नम्बर छ मा कुञ्ज पार्कजस्ता अन्य थुप्रै पार्कलाई रमणीय र स्तरवृद्दी गर्न नगरले चासो देखाएको छ ।

त्यसो त नगरका विभिन्न वार्डमा रहेका मठ मन्दिरहरूको संरक्षण गरेको छ । त्यसो त सामुदायिक विद्यालयप्रतिको दृष्टिकोण परिवर्तन गर्न नगर तल्लीन भएको छ । संस्थागत विद्यालयसरह सामुदायिक विद्यालयको गुणस्तर वृद्धिका लागि शिक्षकहरूलाई तालिम , एकै प्रकारको रङरोगन , कम्पाउण्ड , विद्यालय हाताभित्र मनोरम बगैँचा , डिजिटल हाजिरी , विद्यार्थीका लागि दिवा खाजाको व्यवस्था , विद्यार्थीका लागि यातायातको सुविधा , एक विद्यालय एक नर्स दरबन्दी , जस्ता उल्लेखनीय काम शैक्षिक क्षेत्रमा भएका छन् ।

जसका कारण सामुदायिक विद्यालयमा पातलिएको विद्यार्थीको संख्यामा वृद्धि भएको छ । त्यसतै नगरप्रमुख छात्रवृत्ति कोषबाट नगरका प्रत्येक विद्यालयका एकएक जना विद्यार्थीका लागि छात्रवृत्ति वितरण गरिएको छ । नगरका वर्थिङ सेन्टरमा सेवा लिने महिलाका लागि प्रोत्साहन भत्ता , गर्भवती महिलाको लागि निःशुल्क औषधि वितरण , सुत्केरीसँग उपप्रमुख कार्यक्रमजस्ता प्रभावकारी कामहरू भएका छन् ।

यसैगरी कृषितर्फ पशु प्राविधिक नियुक्ति गरि पशुहरूमा हुने विभिन्न समस्यालाई समाधान गरिएको छ । कृषिको लागत घटाएर विभिन्न बिउ–विजन मल लगाएतमा अनुदान दिएको छ । कृषकलाई दूधमा प्रतिलिटर एक रूपैया अनुदान उपलब्ध गराएको छ भने छाडा चौपायाको व्यवस्थापन , कृषियोग्य जमिन बाँझो राख्न नपाइने नियम बनाइएको छ ।

नगरपालिकाले नगरमा आवश्यक भौतिक संरचनालाई निर्माण गर्न उत्तिकै चासो देखाएको छ । खानेपानीको व्यवस्था बोरिङ सिञ्चाई , किरिया पुत्री भवन , सामुदायिक भवन , कभर्डहल , विद्युत पोल , नाली निर्माण , सार्वजनिक शौचालय , ढलनिकास , खरको छाना भएकालाई जस्तापाताको छानाको व्यवस्था जस्ता उल्लेखनीय काम गरेको छ ।

एक वार्ड एक स्वास्थ्य संस्थाको अवधारणा अनुसार हरेक वार्डमा आधारभूत स्वास्थसंस्था सञ्चालन भएका छन् । ज्येष्ठ नागरिकका लागि घरघरमै नगरले स्वास्थ सेवा उपलब्ध गराएको छ । कोभिड १९ को संक्रमितलाई घरघरमै पुगी स्वास्थ्य सामग्री वितरण गरि संक्रमितको मनोबल बढाउने काम नगरप्रमुख घिमिरे नेतृत्वकै सरकारले गरेको छ । त्यसैगरी सोही समयमा राहतका विभिन्न कार्यक्रमले नागरिकलाई राहतको महसुस भएको छ ।

नगरको वार्ड नम्बर चौधमा प्रदेशिकस्तरको बसटर्मिनलको डिपिआर निर्माण भएको छ । त्यस्तै चौधमै सिटी कलेज निर्माण सम्पन्न भएसँगै सम्न्धबनको लागि सिटिइभिटीसँग पहल भैरहेको छ । नगरले कृषिको लागत घटाउन कृषि उपजमा अनुदानको व्यवस्था गरेको छ । पशु प्राविधिक नियुक्ति गरि पशुपन्छीका समस्या समाधान , वीमा शुल्कमा ५० प्रतिशत अनुदान, छाडा चौपायाको नगरले व्यवस्थापन गरेको छ ।

कृषियोग्य जमिनलाई खण्डीकरण रोक्न सामुहिक , करारखेती जस्ता कार्यक्रम गरिएको छ । साथै खेतीयोग्य जमिन बाँझो राख्न नपाइने नगरले नियम बनाएको छ । हरेक वाडमा रहेका खेलकूद मैदान निर्माण गर्ने , भएका खेलमैदानलाई स्तरीय बनाइको छ । साना र मझौला उद्योगको प्रोत्साहनका लागि विना धितो ऋण उपलब्ध गराइएको छ । भने एकल महिलाको प्रोत्साहनका लागि १५% छुटको व्यवस्था गरिएको छ ।

वडा नम्बर १० मा साना उद्योगका लागि औधोगिक ग्रामको स्थापना भएको छ । वडा नम्बर १३ मा थारू संस्कृतिको संरक्षण गर्दै होम स्टे सञ्चालन गरिएको छ । उद्यमशीलताका लागि विभिन्न कार्यक्रम गरिएका छन् । नगरले सामाजिक सशक्तीकरणका कार्यक्रमलाई विशेष जोड दिएको छ । पुराना घरहरूलाई नक्साङ्कन प्रक्रियामा ल्याइएको छ भने नगरका हरेक घरमा एकरूपता ल्याउन कलरकोडको व्यवस्था गरिएको छ ।

तिलोत्तमा नगरपालिकामा खादा र व्याचलाई निरूत्साहित गरि फूलको प्रयोगलाई बढाएको छ । फूलमा व्यवसायिकता फस्टाउदो छ भने प्रदेशमै फूलको उत्पादनमा आत्मनिर्भर हुनका लागि गृहकार्य भैरहेका छन् । उपभोक्ताको अधिकारलाई स्थापित गर्न बजार अनुगमनलाई नगरले निरन्तरता दिएको छ । नदीजन्य वस्तुको अवैध उत्खनन रोक्न नियमित अनुगमन गरिदा नगरको आन्तरिक आयमा वृद्धि भएको नगरले जनाएको छ ।

प्रदेशमै पहिलो पटक आफ्नै स्रोतमा ट्राफिक लाइटको व्यवस्था गरिएको छ । गाउँनगरमा हुने हरेक साना ठूला काममा नागरिकलाई सकृय बनाउन १८९ वटा टोल विकास संस्था गठन गरिएको नगरका वरिष्ठ सामाजिक परिचालक अल्पा घिमिरेले जानकारी दिइन्। यसरी यी र यस्ता विभिन्न सृजनात्मक र रचनात्मक काम गरि पटक-पटक नगर उत्कृष्ट बनेकोमा स्थानीय देवी गिरी हर्षित छन् । उत्कृष्ट र चर्चित नगरको नगरबासी हुन पाएकोमा अर्का स्थानीय ज्ञानेश्वर पन्थले पनि खुसी व्यक्त गरेका छन् ।

प्रतिकृया दिनुहोस्

Flash News

१५ वर्षीया छात्रालाई बलात्कार गरी फरार रहेका प्रिन्सीपल पाँच वर्षपछि पक्राउ हजुरआमाको हत्या गरेको अभियोगमा नाती पक्राउ निजगढमा अन्तर्राष्ट्रिय विमानस्थल बनाउन सर्वोच्चले लगायो रोक ६८ हजार बढी विद्यार्थीले लुम्बिनीबाट एसएलसी दिदैँ तिलोत्तमामा खाँण ८४५ मतले अगाडि, अब ३ हजार मत गन्न बाँकी ओलीले नीति तथा कार्यक्रममा लिम्पियाधुरा, लिपुलेक खोजेपछि प्रकाशमानले दिए जवाफ निर्वाचन शान्तिपूर्ण र धाँधलीरहित सम्पन्न भाे: झलनाथ शुक्रबारबाट क्यूएफएक्ससहित देशभरका हलमा ‘कबड्डी-४’ सत्तारुढ गठबन्धनले नेपालको स्वतन्त्र र असंलग्नता परराष्ट्र नीति परित्याग गरेको हो : रावल दश महिनामा एक अर्ब २१ करोडको फेसमास्क नेपाल भित्रियो इपीजी प्रतिवेदन बुझ्न प्रधानमन्त्री देउवालाई ओलीको आग्रह विद्यालय जाँदै गरेकी बालिकामाथि बलात्कार प्रयास वाइडबडी र सुनकाण्ड छानबिन गर्न सरकारलाई ओलीको चुनौती आगोले जलेकी विरामीलाई छाडेर फर्कियो बुद्ध एयर, चर्को आलोचनापछि प्रस्टीकरण हवाइजहाजको टिकट पाउन पनि शक्ति केन्द्रको भर ३५ हजार ३४ जनप्रतिनिधि निर्वाचित, कुन दलले कति जिते ? परराष्ट्र नीतिलाई असन्तुलित र सत्ता स्वार्थमा संकुचित गरिएकाे ओली आराेप एमाले सत्यसँग लड्दैन, शक्तिसँग झुक्दैन : ओली विश्वव्यापी मन्दी आउन सक्ने विश्व बैंकको चेतावनी सरकारको नीति तथा कार्यक्रम चास्नीमा नडुबाएको जेरी जस्तो : ओली