१३ माघ २०७८, बिहीबार

Jan 27, 2022

भैरहवा । जनता समाजवादी पार्टी, नेपालका राष्ट्रिय अध्यक्ष उपेन्द्र यादवले निर्वाचन प्रणालीमा प्रयाप्त सुधार गर्नुपर्ने आवश्यकता औल्याएका छन् । जनता समाजवादी पार्टी, नेपालले भैरहवामा आयोजना गरेको कायकर्ता अभिमुखीकरण कार्यक्रममा बोल्दै उनले अहिलेको निर्वाचन प्रणाली महङो भएकोले यसलाई बदल्नु पर्ने बताउँदै सिमान्तकृत वर्ग र गरिब नागरिक समेत लड्न सक्ने समानुपातिक निर्वाचन प्रणाली अगाडी बढाउनु पर्नेमा जोड दिए ।

Advertisement

यादवले लामो लडाई लडेर प्रतिगमनकारीलाई परास्त गरेको र लोकतन्त्रको रक्षा गरेको जिकिर गरे । उनले लामो लडाईबाट प्राप्त भएका उपलब्धिहरुलाई जोगाउन कार्यकतालाई अनुरोध गरे । भाषणको सुरुमा हिन्दीमा गर्ने कि नेपालीमा गर्ने बिषयमा अन्यौल देखिएका यादवले कार्यकर्ताको राय लिएका थिए । अधिकांश कार्यकर्ताले हिन्दी भाषामै जोड दिए पछि हिन्दीकै बोल्दै उनले कसैले भाषा नबुझे हात उठाएर सोध्न पनि आग्रह गरेका थिए ।

कार्यक्रममा बोल्दै यादवले संविधान अहिले पनि त्रुटिपूर्ण रहेको हुँदा यसमा सुधारको कुरा उठाए । उनले ७ वटा प्रदेशको संरचनालाई बदल्नु पर्ने बताए । उच्चस्तरिय राज्य पुर्नसंरचना आयोगले दिएका सुझाव अनुसार १० प्रदेश वा १० जोड १ प्रदेश उत्तम रहेको सुझाव दिए ।

यादवले नेपाल भित्र जन्मेका हरेका नागरिकले नागरिकता पाउनु पर्ने धारणा राखेका छन् । यादवले नेपालको नागरिक हिमालमा जन्मे पनि, पहाडमा जन्मे पनि र तराईमा जन्मे पनि उ नेपाली नागरिक भएको बताए । अहिलेको नागरिकता कानूनमा बिभेद भएको कारण सो कानून पनि संशोधन गर्नु पर्ने उनले धारणा राखे । नागरिकसम्बन्धि मस्यौदा आफुहरुले गरे पनि त्यो संसदमै अड्किएको उनले बताए ।

जनता समाजवादी पार्टी, नेपाल लुम्बिनी प्रदेशको समन्वयमा भएको कार्यक्रममा पार्टीका वरिष्ठ नेता अशोक कुमार राईले कार्यकर्तालाई योजनावद्ध, उत्साहपूर्ण, सक्रिय र बुद्धिमतापूर्ण तरिकाले अगाडी बढे आगामी चुनावमा राम्रो परिणाम ल्याउने भएकोले कार्यकर्तालाई सोही अनुसार अगाडी बढ्न अनुरोध गरे ।

प्रतिकृया दिनुहोस्

Flash News

भिजिट भिसामा श्रम गन्तव्य मुलुक पुगेर पीडित बनेकाहरुको लागि ‘मार्सल टिम’ प्र्याङ्क भिडियो खिच्नेलाई अब कारबाही हुने दाङका २ सय ७ कुकुरको बन्ध्याकरण र रेविजविरुद्ध खोप क्रिकेट खेलाडीको बर्गीकरण : सन्दीपसहित पाँच जना ग्रेड ए मा,रुपन्देहीका भुर्तेल ग्रेड बी मा प्रदेश एकमा अन्तर्घात गर्नेहरुलाई एमालेले कारबाही गर्ने अछामको जनसंख्या साढे २८ हजारले घट्यो अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा