५ माघ २०७८, बुधबार

Jan 19, 2022

भैरहवा । लुम्बिनी प्रदेशका मूख्यमन्त्री शंकर पोखरेलले नागरिक उड्डययन प्राधिकरण र मन्त्रालयले परिक्षण उडानको छिटो ब्यवस्थापन गर्ने हो भने यसै आर्थिक बर्ष भित्र गौतम बुद्ध अन्र्तराष्ट्रिय बिमानस्थलबाट उडान अवतरण हुने बताएका छन् । समयमै यसलाई सञ्चालन गर्ने क्रममा परिक्षण उडानको खाँचो रहेको र यसलाई प्राधिकरण र मन्त्रालयले ब्यवस्थापन गर्नु पर्ने बताए ।

Advertisement

गौतम बुद्ध अन्तर्राष्ट्रिय बिमानस्थलको अवलोकनको क्रममा मूख्यमन्त्री पोखरेलले चिनिया निर्माण कम्पनीले बिमानस्थलमा घाटा सहेर पनि बिमानस्थल निर्माणमा देखाएको तदारुकताको प्रंशसा गरेका छन् । उनले चुनौतीको रुपमा रहेको उपकरण जडानको समस्या हल भएको दावी गरे । उनले उपकरण जडानको काम अगाडी बढेको र यसले परियोजना सम्पन्न गर्ने बलियो आधार तय भएको जिकिर गरे ।

मूख्यमन्त्री पोखरेलले यसलाई असार महिना भित्र सञ्चालनमा ल्याउन सकिने सम्भावना देखाए पनि निर्माणाधिन गौतमबुद्ध बिमानस्थल आयोजनाका आयोजना प्रमुखको भनाई भने फरक रहेको छ । मूख्यमन्त्रीलाई परियोजना बारे बिस्तृत जानकारी दिने क्रममा परियोजना प्रमुख प्रवेश अधिकारीले परिक्षण उडानको लागी थाईलैण्डबाट बिशेष प्रकारको जहाज ल्याउनु पर्ने बताए । तर थाई सरकारले अहिले सम्म आफ्नो देशका नागरिकलाई बाहिर जान नदिएकोले बिशेष जहाजबाट परिक्षण गराउन समय लागेको बताए । उनले अहिले रनवे लगायतका ठाउमा लाईट लगाउन करिब २ महिनाको समय लाग्ने र त्यसलाई परिक्षण गर्न थप १ महिना समय लाग्ने बताए । उनले थाई बिशेष बिमानको सट्टामा विकल्पको रुपमा अन्य देशबाट बिशेष जहाज मगाउने कुरामा केन्द्रबाट पहल भै रहेको बताए ।

आईसीबी १ अन्र्तगत बिमानस्थलको भौतिक प्रगति ९६ प्रतिशत भए पनि आईसीबी २ को धेरै काम अझै नै बाकी रहेका छन् । बिशेष गरि थाईलैण्डबाट आउनु पर्ने दक्ष जनशक्तिहरु आउन नसक्दा उपकरणका जडानका काम रोकिएका छन् । बिमानस्थलको रनवेमा अधिकांश लाईट जोडिएका छन् । यस संगै ट्याक्सी वे र जहाज पार्किङ क्षेत्रका काम सकिएको छ । कन्ट्रोल टावर र प्रशासनिक भवन हस्तान्तरणको तयारीमा रहेको छ । एप्रोनमा लाग्ने केही लाईटहरु अझै पनि रसुवा भन्सारबाट आउन सकेको छैन ।

६ अर्ब ८२ करोडको लगानीमा सम्पन्न हुन लागेको आइसिबी–१ स्तरको विमानस्थल आयोजनामा एडिबीको ४० दशमलव ५ प्रतिशत ऋण तथा १८ प्रतिशत अनुदान, ओपेक फन्ड फर इन्टरनेसनल डेभलपमेन्ट्सको ३० दशमलव ५ प्रतिशत ऋण र नेपाल नागरिक उड्डयन प्राधिकरणको ११ प्रतिशत लगानी छ । यस्तै आईसिबी-२ अन्र्तगत बिमानस्थलमा जडान हुने उपकरणहरुका लागी पनि करिब ५० करोड लगानी छ ।

प्रतिकृया दिनुहोस्

Flash News

बाढीपीडितका लागि कर्णाली प्रदेशद्वारा १२ करोड निकासा विश्वको पर्यटन महामारीपूर्वको अवस्थामा फर्किन अझै दुई वर्ष लाग्ने विद्युत् पूर्ति अनियमित हुँदा अनलाइन कक्षा प्रभावित बुटवलमा मोटरसाइकलको ठक्करबाट माइक्रो बसका सह-चालक गम्भीर घाइते काठमाडौं उपत्यकामा ‘स्मार्ट लकडाउन’- आजदेखि माघ महिनाभर के गर्न पाइन्छ, के-के पाइँदैन ? क्षितिज लोहनी जसले प्रतिष्ठित एप्पल कम्पनीभित्र नेपाली समूह खडा गरेका छन् रहेनन् विश्वका सबैभन्दा जेष्ठ व्यक्ति संक्रमण मुक्त भएपछि मात्र काममा नवलपुर जेसीजको पदहस्तान्तरण,‘महिला सवल र सक्षम छन्’ पशुपतिसहितका मठमन्दिरमा आजदेखि नित्य पूजा मात्र कवाड पसलको नाममा प्रतिवन्धित जडिबुटी कारोबार : प्रहरीको छापा, ठूलो परिमाणमा बरामद दर्शकले महोत्सवको स्टेज भत्काए, गाडीमा आगजनीपछि प्रहरीद्वारा अश्रु ग्याँस प्रहार ४२ तोला अवैध सुनसहित दुई जना पक्राउ ३ मितेरी गाउँपालिका बीच ४ वर्षको अनुभव साटा-साट प्रेस युनियन सुनसरीले सञ्चारकर्मीको ७ लाखको दुर्घटना बीमा गर्ने १० करोड मानिसमा कोभिडको दीर्धकालिन लक्षण सर्लाहीमा बस दुर्घटना, १७ जना घाइते गड्यौली मलको व्यवसायिक उत्पादनतर्फ सैनामैनाका कृषक समावेशी अर्थतन्त्र वाम पक्षधरहरु एक ठाउँमा होउ !