२५ श्रावण २०७९, बुधबार

Aug 10, 2022

बुटवल । रुपन्देहीको सैनामैनामा जारी तेस्रो मेयर कप नकआउट फुटबल प्रतियोगितामा उपाधिका लागि खनाल ब्रदर्श र फर्साटिकर युवा क्लब भिड्ने भएका छन् । सैनामैना नगरपालिकाको आयोजना तथा स्थानीय जनप्रिय युवा क्लबको आयोजनामा गत माघ २४ देखि जारी प्रतियोगितामा उपाधिका लागि बुधबार प्रतिस्पर्धा हुने भएको हो ।

Advertisement

सैनामैना-७ सरस्वती माविको खेल मैदानमा जारी प्रतियोगिता अन्तरगत सोमबार भएको अन्तिम सेमिफाइनल खेलमा खनाल ब्रदर्शले फुलबारी गाइजलाई पराजीत गर्दै उपाधि भिडन्तको यात्रा तय गरेको हो । खनाल ब्रदर्शले ३-० को गोल अन्तरमा जीत निकाल्नका लागि बिमल रानाले खेलको ३४ र ७४ औं मिनेटमा गरी २ गोल गरे भने अर्का खेलाडी राजन विष्टले ४१ औं मिनेटमा गोल गरेका थिए । प्रतियोगितामा बिमल म्यान अफ दि म्याच घोषित भए ।

यस अघि आइतबार भएको खेलमा फार्साटिकरले विश्वशान्ती युवा क्लब सालझण्डीलाई पराजीत गर्दै उपाधि भिडन्तको यात्रा तय गरेको थियो । प्रतियोगिताको विजेताले नगद २ लाख २२ हजार २२२ रुपैयाँसहित कप, मेडल र प्रमाणपत्र प्राप्त गर्ने छ भने उप विजेताले १ लाख ११ हजार १११ रुपैयाँमा चित्त बुझाउनु पर्ने छ । सेमिफाइनलमा हारसँगै फुलबारी गाइज र विश्वशान्ति युवा क्लबले नगद २०/२० हजारमा चित्त बुझाउनु परेको छ ।

प्रतियोगितामा विधागत रुपमा उत्कृष्ट खेलाडीले नगद १० हजार पुरस्कार राशी प्राप्त गर्ने छ भने उत्कृष्ट गोल रक्षक, सर्वाधिक गोल कर्ता, उत्कृष्ट डिफेन्डर, उत्कृष्ट फरवार्डर र उत्कृष्ट प्रशिक्षकले नगद ५/५ हजार पुरस्कार प्राप्त गर्ने खेल संयोजक चित्रबहादुर थापाले जानकारी दिए । यसैगरी हरेक खेलका उत्कृष्ट खेलाडीलाई नगद २ हजार पुरस्कार राशीले सम्मान गरिने आयोजकले जनाएको छ ।

खेलको माध्यमबाट सैनामैनाको विकास तथा खेल प्रवर्द्धनका लागि सैनामैना नगरपालिकाको ७ लाख रुपैयाँ आर्थिक सहयोगमा आयोजना गरिएको प्रतियोगिताका लागि १२ लाख बढी खर्च अनुमान गरिएको छ । प्रतियोगितामा लाग्ने अन्य खर्च व्यवस्थापक क्लबले प्रायोजन संस्था तथा दर्शकहरुबाट उठाइएको प्रवेश शुल्कबाट व्यवस्था गरिने आयोजकले जनाएको छ । १६ हजार बढी दर्शकले अवलोकन गर्ने लक्ष्य राखिएको प्रतियोगिताको हालसम्म लक्ष्यभन्दा बढी २० हजार बढीले अवलोकन गरिसकेको खेल संयोजक थापाले बताए । बुधबार हुने फाइनल खेलमा समेत ५ हजार बढीले अवलोकन गर्ने लक्ष्य राखिएको आयोजकले जनाएको छ । बुधबार दिउसो २ बजेदेखि हुने फाइनल प्रतियोगितामा अवलोकनका लागि सय रुपैयाँ शुल्क राखिएको छ ।

प्रतिकृया दिनुहोस्

Flash News

लुम्बिनीमा दुई स्थानसहित सबै प्रदेशबाट स्मार्ट लाइसेन्स छपाइको तयारी आज र भोलि देशका केही स्थानमा हुन सक्छ भारी वर्षा नितिश कुमारले बिहारमा आज पुनः मुख्यमन्त्रीको सपथ लिँदै नेपालले केन्यासंग टी २० र एकदिवसीय शृंखला खेल्ने मोटरसाइकल चोरी गर्ने गिरोहका ६ जना पक्राउ मतदाता नामावलीमा दाबी बिरोधका लागि भदौ १२ देखि १९ गतेसम्मको अवधि बिदेशको कमाइले गाउँमा जग्गा किनेर बेसार खेती लामो समयदेखि प्रयोगविहिन लुम्बिनीका विद्युतीय गाडी दशैं अघिनै सञ्चालनमा आउने प्रहरी प्रशासनकै आडमा तस्करी : दिनभरि भण्डारण, रातभरि ढुवानी चौराहा–गोलपार्क सडकः निर्माणमा देखिएका अड्चन हटाउने निर्णय लुम्बिनी साँस्कृतिकमा मिलेन विवाद : भद्रगोल कार्यालय, मर्कामा सेवाग्राही बुटवलमा जग्गा नापजाँचको काम शुरु सदभावको प्रतिक मोर्हरम पर्व, धुमधामका साथ मनाईयो थप १०९० जनामा कोरोना संक्रमण पुष्टि रुपन्देहीमा लगातार ३ पटक जितेका विष्णु पौडेललाई यसपटक कति चूनौती ? डिभिजन वन अधिकृतसहित ७ जना विरुद्ध भ्रष्टाचार मुद्दा, २० लाख ४८ हजार बिगो दाबी ठेकेदारले ९ करोड बुझे, सडक निर्माण अलपत्र फोहोर बोक्ने साधनको तोडफोड जघन्य अपराध : बालेन साह जिल्ला विकास समितिका तत्कालिन खरिदारविरुद्ध भ्रष्टाचार मुद्दा विहारमा नितिशले तोडे भाजपासँगको गठबन्धन