२२ असार २०७९, बुधबार

Jul 6, 2022

बैशाख १८,

Advertisement

काठमाडौँ । ठूला तथा मझौला उद्योगको दर्ता सङ्ख्या बढे पनि त्यसमा हुने लगानी र सिर्जना गर्ने रोजगारीको दर भने घट्दोे देखिएको छ । चालु आर्थिक वर्षको पहिलो नौ महिना (साउनदेखि चैतसम्म)मा उद्योग विभागमा ३४५ मझौला तथा ठूला उद्योग दर्ता भएका छन् । एक खर्ब ८४ अर्ब ६५ करोड रुपियाँ लगानीका यी उद्योगबाट १७ हजार ६३९ रोजगारी सिर्जना हुनेछ ।

आर्थिक वर्ष २०७४/०७५ को सोही अवधिमा दुई खर्ब ५६ अर्ब ४५ करोड रुपियाँ लगानीका ३३५ उद्योगदर्ता भएका थिए । यी उद्योगबाट २० हजार १५४ रोजगारी सिर्जना हुने उल्लेख छ । औद्योगिक व्यवसाय ऐन २०७३ अनुसार १० करोड रुपियाँ लागतदेखि छ अर्ब रुपियाँ लगानीको उद्योग सञ्चालनका लागि उद्योग विभागमा दर्ता हुनुपर्छ । यसबाहेक पूर्व अनुमति लिनुपर्ने मदिरा, सुर्तीजन्य तथा हातहतियार जस्ता उद्योग जतिसुकै पुँजीको भए पनि विभागमा दर्ता हुनुपर्छ । छ अर्ब रुपियाँभन्दा बढी लागतका उद्योग लगानी बोर्डमा दर्ता हुने कानुनी व्यवस्था छ । उद्योग दर्ताको अवस्था अहिले सामान्य रहेको उद्योग विभागका महानिर्देशक विनोदप्रकाश सिंह बताउनुहुन्छ । “उद्योगको प्रकृति अनुसार लगानी र त्यसले सिर्जना गर्ने रोजगारी प्रभावित हुन्छ । लगानी र रोजगारी सिर्जना तलमाथि हुने गर्छ”, उहाँले भन्नुभयो । सिंहका अनुसार सोमबारसम्म विभागमा उद्योग दर्ता सङ्ख्या ३५० पुगेको छ । चालु आवको पहिलो नौ महिनासम्म दर्ता भएका ३४५ उद्योगमध्ये २४० विदेशी लगानीसमेतका छन् । मझौला तथा ठूला उद्योगमा ऊर्जा र उत्पादनमूलक क्षेत्रका उद्योगमा ठूलो परिमाणमा रकम लगानी हुन्छ । रोजगारी सिर्जनामा उत्पादनमूलक र सेवा उद्योगको योगदान बढी हुन्छ । चालु आवमा ऊर्जामूलक ३० उद्योगमा एक खर्ब २७ अर्ब ४२ करोड रुपियाँ लगानी गर्न विभागले स्वीकृति प्रदान गरेको छ । ती उद्योगले सञ्चालन गर्ने विभिन्न आयोजनाबाट एक हजार ७७४ रोजगारी सिर्जना गर्ने देखिएको छ । उत्पादनमूलक क्षेत्रमा दर्ता भएका ९४ उद्योगबाट आठ हजार ३४० रोजगारी सिर्जना हुने उल्लेख छ । जहाँ ४० अर्ब सात करोड रुपियाँ लगानी प्रस्ताव गरिएको छ ।

पाँच अर्ब चार करोड रुपैयाँ मात्र लगानी गर्ने गरी दर्ता भएका सेवामूलक क्षेत्रका ८७ उद्योगबाट तीन हजार २१५ रोजगारी सिर्जना हुने देखिएको छ । चालु आवमा चैत मसान्तसम्म पर्यटनमूलकतर्फ ९६ उद्योग दर्ता भएका छन् ती उद्योगमा सात अर्ब ९० करोड रुपियाँ लगानी हुने र त्यसबाट दुई हजार ८९७ रोजगारी सिर्जना हुने देखिएको छ । उता कृषि तथा वनजन्य २२ उद्योग दर्ता भएका छन् । ती उद्योगमा दुई अर्ब ७८ करोड रुपियाँ लगानी हुने र ६२६ रोजगारी सिर्जना हुनेछ । निर्माण क्षेत्रमा तीन उद्योग मात्र दर्ता भए पनि एक अर्ब दुई करोड रुपियाँ लगानी हुनेछ । सूचना प्रविधि क्षेत्रमा १२ उद्योगमा ३८ करोड रुपियाँ र खनिज क्षेत्रमा एउटा उद्योग दर्ता भएको छ ।

प्रतिकृया दिनुहोस्

Flash News

भारत र कुवेतमा महिला बेचबिखन गर्ने कार्यमा संलग्न तीन जना पक्राउ प्रदेश र प्रतिनिधिसभाको निर्वाचन गर्न १० अर्ब खर्च हुने मंसिर २ मा एकै चरणमा प्रदेश र प्रतिनिधिसभाका निर्वाचन गर्न सिफारिस भात पकाउन नेपालीले वर्षेनी किन्छन् ५१ करोडभन्दा बढीको राइस कुकर मैले सीसीटिभीको फुटेज डिलिट गरेको छैन, यसको ज्ञान पनि छैन : शर्मा अर्थमन्त्री शर्माले दिए राजीनामा अर्थमन्त्री शर्माको भाषण एमालेद्वारा बहिस्कार बस दुर्घटना, पाँच जना घाइते अर्थमन्त्री शर्माले राजीनामा नदिएसम्म उनको कुरा सुन्दैनौं : भट्टराई यु-२० टिममा स्थान बनाउन डेनमार्कदेखि काठमाडौंसम्मकाे यात्रा अर्थमन्त्रीमाथि छानबिन गर्न ११ सदस्यीय संसदीय समिति गठन जोनसनलाई एकपछि अर्को झट्का, थप दुई मन्त्रीले दिए राजीनामा ४४ वर्षअघि लेखिएको मेसेज फेला परेपछि… असार २६ गते सार्वजनिक विदा चौधरी ग्रुपको स्पष्टीकरणः बजेट निमार्णमा हाम्रो कुनै संलग्नता छैन, छानबिन होस् वीरगञ्ज महानगरले घटायो सम्पत्ति करको दर माओवादी केन्द्रीय समिति बैठक स्थगित सर्वोच्चका दुई महत्वपूर्ण फैसला : वर्षौंदेखिको प्रसारण लाइन निर्माणको अवरोध हट्यो खेर गएको प्लास्टिकबाटै यसरी उत्पादन हुन्छ इन्धन अर्घाखाँचीको सिद्धाराकाे गाउँमा पहिलाेपटक बिजुली पुगेपछि…