१४ माघ २०७९, शनिबार

Jan 28, 2023


वैशाख ९,

Advertisement

नेपालगन्ज । पछिल्लो समयमा बाँकेमा ठूला उद्योग खुल्ने क्रम बढे पनि धेरै वर्षदेखि सञ्चालनमा रहेका यहाँका अधिकांश खाद्य तथा वनस्पति उद्योग बन्द हुँदै गएका छन् । बाँके, बर्दिया धान उत्पादनमा देशकै अग्रणी जिल्लाका रूपमा परिचित भए पनि कुनै बेला यस क्षेत्रकै सबैभन्दा ठूला मानिने महाकाली राइस मिल, गणेश हिमाल राइस मिल र टन्डन राइस मिलजस्ता आधा दर्जन ठूला खाद्य उद्योग बन्द भएको व्यवसायीले बताएका छन् । खुला सिमाना एवं सरकारको नीतिका कारण सीमावर्ती जिल्लाका खाद्य उद्योग सबैभन्दा बढी प्रभावित भएको जनाउँदै नेपाल उद्योग वाणिज्य महासङ्घका केन्द्रीय सदस्य कृष्णप्रसाद श्रेष्ठले एकपछि अर्को गर्दै प्रायः सबै खाद्य उद्योग बन्द भएको बताउनुभयो ।


भारतबाट चामल र अन्य खाद्यान्नको आयात बढ्दै जानु र बाँके बर्दियामा धानलगायतका खाद्यान्न उत्पादन घट्दै जानु उद्योग बन्द हुनुको प्रमुख कारण रहेको उहाँले बताउनुभयो । धानमात्र होइन, मुसुरो, रहर दाल बङ्गलादेश तथा खाडी मुलुकसम्म निर्यात गरिँदै आएको स्मरण गर्दै उहाँले अहिले यो पनि घटेर गएको बताउनुभयो । ठूलो परिमाणमा तोरी उत्पादन हुँदा विगतमा तेल पनि निर्यात हुने गर्दथ्यो तर अहिले तोरीकै उत्पादन घटेपछि अधिकांश तेल मिल पनि बन्द भइसकेका छन, उहाँले उल्लेख गर्नुभयो । नेपालगञ्ज उद्योग वाणिज्य सङ्घका अनुसार भारतसँगको निर्भरता र आयात बढ्दै जाँदा यहाँका वनस्पति घ्यू उद्योग पनि बन्द भएका छन् । 


यहाँबाट एक लाख लिटरसम्म वनस्पति घ्यू निर्यात भएको जनाउँदै सङ्घका अध्यक्ष नन्दलाल वैश्यले तर अहिले सो घटेर नाम मात्रमा सीमित हुनपुगेको बताउनुभयो । दुगड ग्रुपले मिल चलाउन भारतको राजस्थानबाट तोरी आयात गर्दै आइरहेको छ, उहाँले उल्लेख गर्नुभयो । खाद्य उद्योग सञ्चालक प्रदीप छाजेडका अनुसार खाद्यान्न उत्पादनमा अग्रणी रहेको बाँके बर्दियामा एकपछि अर्को गरेर यी उद्योग बन्द हुनु विडम्बना हो । उहाँका अनुसार भन्सारको तथ्याङ्क हेर्ने हो भने हरेक वर्ष भारतबाट खाद्यान्न, तरकारी र फलफूलको आयात अकासिँदो हिसाबले बढ्दै गएको देखिन्छ भने स्थानीय खाद्य र वनस्पतिलगायतका उद्योग त्यही अनुपातमा बन्द हुँदै गएका छन् । -गोरखापत्र

प्रतिकृया दिनुहोस्

Flash News

यस्तो रहनेछ आजको मौसम सर्वोच्चको फैसलाले रविको रफ्तारमा रोक एसईई परीक्षा चैत १७ गतेदेखि (तालिकासहित) रवि लामिछानेले प्रधानमन्त्रीसमक्ष बुझाए राजीनामा सर्वोच्चको फैसलालाई स्वीकार्दै रविले भने : म अनागरिक भए ठेकेदारको ढिला सुस्ती विरुद्ध सोच्नै पर्ने भयो : गोकर्ण बिष्ट रवि लामिछानेको सांसद पद खारेज लमजुङमा बालबालिकाले विद्यालयमै च्याउ उत्पादन गरे राष्ट्रपतिमा राष्ट्रिय सहमतिको पहल गर्ने माओवादीको निर्णय बुटवलको इन्टलेक्चुअल स्कुलमा खेलकुदको पुरस्कार वितरण बुटवलमा अक्सिजन सुविधासहितका दुई स्वास्थ्य केन्द्रको निर्माण शुरु निर्वाचन समिक्षा प्रतिवेदन बुझाउन कांग्रेस रुपन्देहीको परिपत्र सर्वोच्च परिसरमा सुरक्षा बढाइयो रवि लामिछानेको नागरिकता विवाद- न्यायाधीशहरु फैसलाको तयारीमा जुटे केपी ओली कप फुटबल प्रतियोगिता हुने, विजेताले १० लाख रुपैयाँ पाउने लुम्बिनी प्रदेशका ४ सहित १६ जिल्लामा कुष्ठरोगीहरुको संख्या उच्च बेलहिया माविमा आधुनिक बाल कक्षा अनिवार्य मार्जिन र आयातमा प्रतिबन्ध लगाउँदा राजश्व संकलनमा असर दिप बोर्डिङमा खाना महोत्सब पर्दामा फर्कंदै मुन्नाभाइ र सर्किटको जोडी