बुटवल । रुपन्देहीमा चक्कु प्रहार गरी बाबुले आफ्नै छोराको हत्या गरेका छन् । तिलोत्तमा नगरपालीका-११ संञ्जिवनीका ४३ वर्षीय शेर बहादुर गुरुङले शनिबार साझ आफ्नै १९ वर्षका छोरा पदम बहादुर गुरुङलाईचुक्कु प्रहार गरेका थिए ।
चुक्कु प्रहारबाट बायाँ खुटाको तिग्रामा चोट लागेका पदमको उपचारको क्रममा मृत्यु भएको जिल्ला प्रहरी कार्यालय रुपन्देहीका प्रहरी प्रवक्ता खड्क बहादुर खत्रीले जानकारी दिए । चक्कु प्रहारबाट घाइते पदमलाई लुम्बिनी प्रादेशीक अस्पताल बुटवलमा ३ वटा टाका लगाई शनिबार साझ डिस्चार्ज भई घरमा गएका थिए ।
शनिबार राती करिव ११ बजेतिर एक्कासी बेहोस भई पुन: उपचारको लागी सोही अस्पतालमा ल्याएकोमा उपचारको क्रममा मृत्यु भएको प्रहरीले जनाएको छ । चक्कु प्रहार गर्ने उनका बुबा शेर बहादुर गुरुङलाई प्रहरीले नियन्त्रणमा लिएको छ ।
प्रतिक्रिया