तुलसीपुर । एकातर्फ कोरोना कहर बढ्दो छ , अर्कोतर्फ नेपालीहरुको महान पर्व विजयादशमी चलिरहेको छ । संक्रमणबाट बच्न र रोक्न सरकारले जो जहाँ छ त्यही अर्थात् आ–आफ्नो घरमै बसेर मनाउन निर्देशन गरेको छ । तर, तुलसीपुरमा भने न कोरोना कहरको वास्ता न भित्रिइसकेको पर्वको तयारी केही युवतीहरु यी दुबैको प्रवाह नगरी बलात्कार विरुद्ध प्रदर्शनमा उत्रे ।
शुक्रवार तुलसीपुरमा ४० जना भन्दा बढी युवतीहरुले कालो पहिरन सहित आखाँमा कालो पट्टि बाधेर उनीहरुले हामी चुप कहिले सम्म ? ‘यो हो बलात्कारी, यो दमनकारी राज्य, हो बलातकारी’ भन्दै प्रर्दशन गरेका थिए । तुलसीपुरको अरनिको मैदानबाट शुरु गरेर तुलसीपुरको विभिन्न चोक परिक्रममा गरी विरेन्द्र चोकमा प्रदर्शन गरेका थिए ।
दिनप्रति दिन बढ्दै गइरहेको बलात्कार जस्तो जघन्य अपराधका घटना न्युनिकरणमा सरकारले चासो नदिएको भन्दै सरकार बिरुद्ध उनीहरुले प्रदर्शन गरेका हुन् । बलात्कारका घटना न्यूनिकरणका लागी सबै भन्दा पहिले बनेका कानुन प्रभावकारी रुपमा कार्यान्वयन हुन जरुरी भएको प्रदर्शनमा सहभागी दक्षिणा वलीले बताइन् ।
त्यसैगरी उनले बलात्कारीलाई मृत्युदण्ड दिएर मात्र यस्तो अपराध नरोकीने भन्दै बलात्कार हुनबाट रोक्नु पर्ने बताइन् । ‘झुण्ड्याएर मृत्यु दण्ड दिए, एक जनाको मृत्यु हुने हो,’ उनले भनिन्,‘ तर यसको समाधान यो होइन् । बरु उनीहरुलाई आजिवन काराबास सजाएको ब्यवस्था हुनु पर्दछ । बलात्कार अन्त्य मृत्यु दण्ड दिएर हुन सक्दैन् ।’
त्यसैगरी अर्की विन्दु राईले दिन प्रतिदिन बलात्कारका घटना बढ्दै जादा पनि सरकारले ठोस कदम चाल्न नसक्नु दुखद् भएको बताइन् । त्यसैगरी राज्य आफुसँग भएको महशुस गर्न सक्ने वातावरण बनाउन समेत आग्रह गरिन् । त्यस्तै अर्की स्वीकृती डाँगीले बलात्कारका घटना न्युनिकरणका लागी सबै भन्दा पहिले बनेका कानुन प्रभावकारी रुपमा कार्यान्वयन हुन जरुरी रहेको बताइन् । पछिल्लो समय देशका विभिन्न स्थानमा बलात्कार जस्ता जघन्य अपराध भइरहेको हुदाँ त्यसको अन्त्यको लागी आफूहरु सडकमा आएको बताइन्
प्रतिक्रिया