२३ श्रावण २०७९, सोमबार

Aug 8, 2022

रुपन्देही । बुटवलका पेट्रोल पम्पमा गुणस्तरीय पेट्रोलियम पदार्थको बिक्री हुने गरेको पाइएको छ । जिल्ला प्रशासन कार्यालयको नेतृत्वमा उपभोक्ता हित संरक्षण निर्देशनालय, नेपाल गुणस्तर तथा नापतौल कार्यालय, वाणिज्य आपूर्ति तथा उपभोक्ता हित संरक्षण कार्यालय, आयल निगम, नेपाल प्रहरी र पत्रकार महासंघका प्रतिनिधि सहितको टोलीले मंगलबार गरेको पेट्रोल पम्पहरुको अनुगमनका क्रममा पेट्रोलियम पदार्थको गुणस्तर तथा नाप तौल ठिक रहेको पाइएको हो । टोलीले मंगलबार बुटवल नेपालगञ्ज रोडमा रहेको शाह डिजल सेन्टर, बुटवल १३ जितगढी स्थित गैरे पेट्रोल पम्प र एम. एस .पेट्रोल पम्पको अनुगमन गरेको हो ।

Advertisement

चाड पवै नजिकिँदै गर्दा बजारमा हुनसक्ने कालोबजारी र गुणस्तरहिन वस्तुको बिक्रीवितरण रोक्ने उद्देश्यले जिल्ला प्रशासन कार्यालयसहित सरोकारवाला निकायले बजार अनुगनलाई निरन्तरता दिएको प्रशासन कार्यालयका अधिकृत झबिलाल भट्टराईले जानकारी दिए । मंगलबार बुटवलका तीन वटा पेट्रोल पम्पमा पेट्रोलियम पदार्थको गुणस्तर जाँच गर्दा ठीक भएको पाइए पनि सुरक्षा मापदण्ड भने कमजोर भएको पाइएकाले सुधार गर्न निर्दशन दिइएको छ ।

अधिकृत भट्टराईकाअनुसार यस क्षेत्रका अधिकांश पेट्रोल पम्पहरुमा शौचालयको व्यवस्था भएपनि व्यवस्थित नभएको पाइएको छ । पम्पमा लैङ्गिकमैत्री र अपाङ्गतामैत्री शौचालयको व्यवस्था गर्न निर्देशन दिइएको उनले बताए । अनुगमन गरिएका सबै पम्पहरुमा डिजल र पेट्रोलको नाप तौल र गुणस्तर सही भएको आयल निगमका सहायक प्रबन्धक बालकृष्ण रायले बताए । डिजल र पेट्रोलको गुणस्तर ठिक भए पनि पेट्रोल पम्पहरु भने अझै व्यवस्थित गर्न जरुरी रहेको उनको भनाइ छ ।नेपाल गुणस्तर तथा नापतौल कार्यालयका प्रमुख मनोजकुमार पोखरेलका अनुसार प्रति ५ लिटरमा जाँच गर्दा १५ मिलिलिटर कमी र २५ मिलिलिटर बढी हुनुलाई सामान्य मानिन्छ । यो भन्दा कम भएमा ठगी गरेको ठहरीने प्रमुख पोखरेलले बताए ।

पेट्रोल पम्पहरुको गुणस्तर सही भएपनि अधिकांशमा सुरक्षा उपकरणहरु भने पुरा नभएको पाइएको आयल निगमका बरिष्ठ सहायक सुवास काफ्लेले बताए । अनुगमन टोलीले सुरक्षाका हिसाबले अत्यन्तै संबेदनशिल मानिने पेट्रोल पम्पहरुमा विपद् वा आगलागीका घटनाहरुबाट बच्न प्रयोग हुने सुरक्षा उपकरणहरु तयारी अवस्थामा राख्न निर्देशन दिएको छ ।

चाडपर्वमा हुनसक्ने कालोबजारी, महङ्गी र मिलावट नियन्त्रण गर्न बजार अनुगमनलाई निरन्तरता दिइने उपभोक्ता हित संरक्षण निर्देशनालयका प्रमुख यमबहादुर कुंवरले बताए । अनुगमन टोलीले कोभिड-१९ को महामारीलाई ध्यानमा राख्दै सुरक्षा मापदण्ड अपनाएर सेवा प्रदान गर्न निर्देशन दिएको छ । यसअघि पनि अनुगमन टोलीले जिल्लाका विभिन्न मिठाइ पसल र होटलहरुको अनुगमन गरेको थियो ।

प्रतिकृया दिनुहोस्

Flash News

भोलि देशैभरका नासु बिदामा बस्ने पूर्व–पश्चिम लोकमार्गमा बस दुर्घटना, पाँच जना घाइते निर्मला प्रकरणमा मुछिएका दिलीपले युवतीलाई दुर्व्यवहार गरेको आरोप, अनुसन्धान जारी विश्वका लागि ताइवान किन यति महत्त्वपूर्ण छ ? गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै कर्णालीका चार ठाउँमा नयाँ सहर, पूर्वाधारको काम छैन सन्तोषजनक