२३ श्रावण २०७९, सोमबार

Aug 8, 2022

युवाहरु देशका उर्जावान एवम् गतिशील कर्णाधार हुन् । युवाका राजनीति तथा सामाजिक आन्दोलनमा व्यापक सक्रियताका कारण देशमा आमूल परिवर्तन सम्भव भएको हो । युवाका सहभागिताविना कुनै राजनीतिक दलको कार्यक्रम र उद्देश्यहरु पूरा हुन सक्दैनन् । त्यसकारण यिनीहरुको काँधमा देशको भविष्य अडिएको हुन्छ। युवाहरुको आकांक्षा र अन्तर्निहित प्रतिभाहरुलाइ पहिचान गरि सर्वाङीर्ण विकासको लागि राज्यले युवामैत्री नीति तय गर्न आवश्यक छ।

Advertisement

राष्ट्रको सेवा गर्ने र युवा परिचालन गर्ने स्पस्ट नीतिको अभावको कारण लाखौ युवाहरु विदेशी भूमिमा कठिन श्रम गर्न बाध्य छन् । स्वदेशमा भएकाहरु बेरोजगारी भई मदिरापान, लागू औषध सेवन गरि नकारात्मक भावना बोकेर बेकाम बसेका छन् । उनीहरुलाई सकारात्मक सोचले प्रशिक्षित गर्न नसक्दा, निराशा कुण्ठित भई अपराधी मनसायले ग्रसित छन् । अतः युवाहरुलाइ कर्मशील र समाजप्रति आफ्नो दायित्व र कर्तव्यबोध गराउनको लागि उत्पादनमा आधारित मार्गनिर्देश गर्न अति आवश्यक छ ।

युवावस्था ज्यादै कल्पनाशील र संवेदनशील अवस्था हो । स–साना कुरामा उत्तेजना,उत्साह प्रदर्शन गरि हतारमा कार्य गरि नतीजा निकाल्ने स्वभाव हुन्छ । यस्तै अवस्थालाई चुनावमा राजनीतिक दलका नेताहरुले उपयोग गर्न विभिन्न आश्वासन दिई विजय पश्चात् सुन्दर भविष्य बोकेका युवाहरुलाई अलपत्र पार्दै आएका छन् । चुनावी चट्टानका रुपमा युवा रहेका हुन्छन् । राजनीतिक नेतृत्वहरुले नै उनीहरुका सपनामाथि कुठाराघात गरेको हँुदा देशको बागडोर समाल्ने राजनीति दलप्रति वितृष्णा पैदा हुनु स्वभाविक नै हो ।

कुनै विषयवस्तुमाथि सतही बुझाइ गरेर हुँदैन । वास्तविक र तथ्यको आधारमा खोजमूलक ज्ञान हासिल गर्नुपर्छ । आ–आफ्नो क्षमतालाइ उजागर गरि शिक्षाका बहु–आयामिक क्षेत्रमा ब्यवहारिक चिन्तनका साथ संघर्षरत हुनुपर्दछ । साहित्य,कला, विज्ञान ,खेल,श्रम आदि सम्बन्धित क्षेत्रमा हासिल गरेको अनुसन्धानलाई समाजको अधिकत हितमा प्रयोग गर्नुपर्छ । सिक्ने र सिकाउने निरन्तर प्रक्रियालाई अवलम्वन गरि शिक्षा र चेतनाको आकाशलाई फराकिलो बनाई समाज र देशको “बौद्धिक सम्पत्ति ” को रुपमा स्थापित हुनुपर्दछ आजका युवाहरु ।

नेपालको संविधान २०७२ ले समाजवादोन्मुख आर्थिक नीतिलाइ राज्यको निर्देशक सिध्दान्तको रुपमा आत्मसात् गरेको छ । समाजवाद र यस उन्मुख आर्थिक नीति केहो ? भन्ने कुरा राजनीतिक नेतृत्व जानकार छैन । युवाहरुलाइ यसको मर्मबारे प्रशिक्षित गराउने सवाललाई पूरै बेवास्ता गरेको देखिन्छ । अबको युगमा युवाहरुलाई उत्पादनमूलक क्रियाकलापमा आबद्ध नगराउने हो भने उनीहरुका मात्र होइन देशको आर्थिक अवस्था नै नाजूक बन्ने छ । उत्पादन र श्रम सम्बन्धि राज्यले तय गरेको झन्झटिलो संकुचित नीतिले युवा संसारलाइ सम्बोधन गर्न सकेको छैन ।

बेरोजगारी भएका सबै युवाहरु व्यवसाय ,उद्यम गरि आफ्नो आर्थिक अवस्था उकास्न चाहन्छन् । उनीहरुका रुचि अनुसार उत्पादनका विभिन्न क्षेत्रमा उपलब्धिमूलक तालिम,सीप दिन जरुरी छ । युवाहरुलाई उद्यमी बनाउनका लागि राज्यका तीनै तहका सरकारहरुले पर्याप्त मात्रामा प्रोत्साहन गर्नुपर्छ । पेसागत उद्यम गर्दा योजना,लगानी र समस्याहरुका बारेमा वस्तुनिष्ठ परामर्श दिई सफलताको लागि अगाडि बढन प्रेरित गर्नुपर्दछ ।

नेपालमा कृषि र पशुपालनको व्यवसायिक क्षेत्र र भविष्य राम्रो छ । आफ्ना पुर्खाहरुको नासो जग्गा बाँझो रहेको छ । काम गर्ने इच्छा शक्ति भएका युवा पिंढीहरुलाई राज्यकै तहबाट सरल र स्पष्ट नीति बनाई त्यही जग्गामा परिश्रमी मौरी झनै रम्ने बनाउने पर्दछ । सरकारी तवरबाट कृषिकर्मीहरुलाई अनुदान दिने कार्यक्रमहरु भएपनि बिचौलियाको बिगबिगीले वास्तविक कृषि उद्यमीहरु अनुदान पाउनबाट बञ्चित हुँदै आएका छन् । परम्परा हस्तकला, पुरातात्विक,वस्तु निर्माण सम्बन्धित सीपहरुलाई आधुनिकीकरण गरि यसको बढवा दिनुपर्छ । यस्तो कार्यले रोजगार सिर्जना गरी हाम्रो देशको सभ्यतालाई जीवित राख्ने छ ।

हाम्रो देश प्राकृतिक श्रोत÷साधनमा धनी भएकोले ती श्रोतहरुलाई उपयोग गरी युवा उद्यम कार्यक्रमहरु सञ्चालन गर्न सकिन्छ । युवाहरुलाई उद्यमी बनाउन नसक्दा वन पैदावरहरु सढेर खेर गईरहेका छन् । सञ्जिवनी जडिबूटी प्रयोग गर्न नजान्दा कुहिएर माटो बनेको छ । वन,कृषि कार्यक्रम सम्बन्धि कहिंकतै नीति देखिए पनि प्रष्ट मापदण्ड नहुँदा कार्यक्रमहरु गर्भ मै तुहिएका छन् । प्राकृतिक श्रोत अर्थात् वनमा आधारित विभिन्न पैदावर कच्चा पदार्थहरुलाई सदुपयोग गरि युवाहरुलाई उद्यमी बनाउन सकिन्छ । सबै युवाहरु उद्यमी बन्ने संकल्प र सोही अनुसारका कर्म गरौं ।

प्रतिकृया दिनुहोस्

Flash News

गैरसांसदको कार्यकाल सकिएसँगै मन्त्री छान्न संसदीय दलको बैठक हेटौंडामा पाँच सवारीसाधन एक-अर्कासँग ठोक्किएपछि… चितवनमा दुई अर्ब लगानीमा क्यान्सर अस्पताल निर्माण ‘तिम्रै मान्छे हुम कर’ सार्वजनिक नेपाल समाजवादी पार्टीको लुम्बिनी इन्चार्जमा खनाल जापानको आधुनिक प्रविधि नेपालमा भित्र्याउनका लागि पहल गर्न प्रचण्डकाे आग्रह नेपाल खेलकूद महासंघ तिलोत्तमा ११ मा वडा कमिटि, अध्यक्षमा पुन आज कतिमा कारोबार भैरहेको छ सुनचाँदी ? ज्ञानेन्द्र शाही जुम्लाबाट चुनाव लड्ने इजरायलद्वारा गाजा युद्धविरामको प्रस्ताव स्वीकार भूमि आयोगः सम्झौतामा स्थानीय तहहरुको वेवास्ता, भूमिहीनहरु निराश सत्ता गठबन्धनलाई सिट बाँडफाँट मिलाउन कति सहज? गरिब किन गरिब भए ! पुरानो सुनलाई टल्काउछौँ भन्दै ठगी गर्ने दुई भारतीय नागरिक पक्राउ सिट बाँडफाँटबारे छलफल गर्न सत्ता गठबन्धनको कार्यदलको बैठक बस्दै कर्णालीका चार ठाउँमा नयाँ सहर, पूर्वाधारको काम छैन सन्तोषजनक नेपालीहरूलाई पनि भारतीय सेनाको अग्निपथ भर्ना गर्ने योजना कोभिडका कारण चीनको हवाइमा ८० हजार पर्यटक फसे कमजोर बन्दै मनसुनी प्रभाव मोटरसाइकलबाट खसेर महिलाको मृत्यु