११ आश्विन २०७९, मंगलवार

Sep 27, 2022

तुलसीपुर । राप्ती प्रादेशिक अस्पताल तुलसीपुरमा सेवाग्राहीको संख्यामा वृद्धि भएसँगै उनिहरुको गुनासो पनि बढ्दै गएको छ । अस्पतालमा व्यवस्थापन पक्ष राम्रो नभएको सेवा लिन आएका विरामीहरुले गुनासो गरेका छन् । प्रदेश ५ सरकारले तत्कालिन राप्ती अञ्चल अस्पताललाई राप्ती प्रादेशिक अस्पतालको रुपमा विकास गरेसँगै अस्पतालमा सेवा लिन आउने विरामीहरुको संख्या बढेको हो । प्रदेश मातहतमा रहेको अस्पतालमा अहिले विभिन्न १८ जना विशेषज्ञ चिकित्सकहरुले स्वास्थ्य चेकजाँच गरीरहेका छन् ।

Advertisement

अस्पतालमा १३ जना विशेषज्ञ चिकित्सकको दरबन्दीको संख्या भएपनि दुई जना मात्रै दरबन्दीका छन् । अन्य १६ जनाले अस्पतालमा काजका रुपमा सेवा दिँदै आएको अस्पतालका सुचना अधिकारी डिल्ली बहादुर केसीले जानकारी दिए । मन्त्रालयले ५० वेडको स्वीकृती दिएपनि अस्पतालले थप गरी ९५ वेड मार्फत सेवा दिँदै आएको छ । अस्पतालमा नाक कान तथा घाँटी रोग विशेषज्ञ बाहेक जनरल फिजिसियनका विशेषज्ञ ४ जना, जनरल सर्जरी (स्त्रीरोग)का विशेषज्ञ एक महिलासहित ३ जना, बालरोगका २ जना, छाला रोगका विशेषज्ञ १ जना, हाडजोर्नीका विशेषज्ञ २ जना, एनेस्थेसियाका (विहोस पार्ने) विशेषज्ञ २ जना, रडियोलोजिस्टका १ जना र दन्तरोगका विशेषज्ञ २ जना लगाएतका विशेषज्ञ चिकित्सकहरुले स्वास्थ्य सेवा दिदै आएको अस्पतालले बताएको छ ।

अस्पतालको नाम दर्ता गर्ने ठाउँमा पुरुष महिलाको छुट्टाछुट्टै लाईन नहुँदा भिडभाड हुने गर्छ । घण्टौ समय लाइनमा बस्नु पर्ने, स्वास्थ्यकर्मी तथा चिकित्सकहरुबाट राम्रो व्यवहार नपाइने सेवाग्राहीको गुनासो छ । ‘कोभिडको त्रास छ, भिड व्यवस्थापनमा कसैले चासो दिएको छैन ।’-एक विरामीले भने । कोरोना महामारीको समयमा सामाजिक दुरी कायम गर्नुेपर्ने भएपनि पालना गरेको पाइदैन । चिनेजानेकाहरुले फोन सम्पर्क मार्फत र भित्र पसेर पर्चि काट्न लगाउने गरेको उनीहरुको आरोप छ ।

जिम्मेवार निकाय कसैले कुनै चासो नदेखाएको एक सेवाग्राहीले गुनासो गरे । ‘अस्पतालमा सेवा राम्रो भएर मात्रै के गर्नु आन्तरिक व्यवस्थापन ठिक छैन ।’-उनले भने ‘यसप्रति अस्पताल प्रशासनले ध्यान दिनुपर्ने हो ।’ यस्तै अस्पताल भित्र सरसफाईको पनि अभाव देखीएको छ । सवैभन्दा ध्यान दिनुपर्ने कुरा सरसफाई भएपनि विरामी भर्ना वार्डमा त्यसको अभाव भएको विरामी कुरुवा तुलसीपुर निवासी दिपक बुढाले बताए । त्यस्तैगरी बिरामीलाई खाली बेडमा राख्ने गरिएको छ । वेडमा बिछ्याउने तन्ना माग्दा कर्मचारीहरुले खासै चासो नदिने र खाली नभएको जवाफ दिने गरेको उनले बताए ।

ढोका बाहिर पुरुष भर्ना कक्ष लेखीएको छ । तर उक्त वार्डमा महिला, पुरुष दुवै बिरामीलाई राख्ने गरिएको छ । विद्युत लाइन अवरुद्ध हुँदा पङ्खा चल्दैन उनले भने जेनेरेटर भएर पनि सञ्चालनमा छैन । रातको समय विद्युत लाइन लामो समयसम्म अवरुद्ध हुँदा रात कटाउनै मुस्किल हुने गरेको उनले बताए । यस्तै शौचालय पनि महिला पुरुषको छुट्टाछुट्टै नहुँदा समस्या भएको छ । अस्पतालमा आउने बिरामी, गर्भवती महिला, सुत्केरी महिला र अन्य मानिसहरुले प्रयोग गर्ने शौचालय एकै ठाउँमा हुँदा गर्भवती महिलाहरुलाई असहज हुने गरेको सेवाग्राहीको गुनासो छ । अस्पतालमा भर्ना भएका विरामीलाई खुवाउने खानामा पनि लापरवाही हुने गर्छ । अस्पतालमा भर्ना हुने जोसुकै विरामीलाई खाना खुवाउने व्यवस्था भएपनि अस्पतालका कर्मचारीले समयमै सुचना नदिदा कतिपयले घरबाट वा होटेलबाट खाना लिएर खुवाउने गरेको उनिहरुले बताए ।

नयाँ भर्ना हुने विरामीलाई कुनै जानकारी नै हुँदैन । कतिबेला खाना हो, कतिबेला दुध दिइन्छ थाहा हुँदैन । अस्पतालमा भर्ना भएको विरामीलाई साँझ विहान खानाको व्यवस्था छ । विहान दुध दिने गरिन्छ । तर उक्त कुरा कतिपयलाई थाहा नहुँदा बाहिरबाट किनेर खान बाध्य भएका छन् । यस्तै अस्पतालका नर्सहरु पनि विरामीमैत्री नभएको सेवाग्राहीले गुनासो गरे । सबै स्टाफ नर्स त्यस्तो नभएपनि कतिपय स्टाफ नर्सहरुको व्यवहार र शैली ठिक नभएको एक विरामी कुरुवाले गुनासो गरे ।

सोधेको प्रश्नको सहजै जवाफ नदिने र परामर्श गर्न कन्जुस्याई गर्ने, बिरामीको कुरा नसुन्ने स्टाफहरु बीच बढि कुराकानी गर्ने गरेको उनीहरुको गुनासो छ । यस्तो अवस्थामा अस्पताल प्रशासनले कुनै चासो र अनुगमन नगरेको सेवाग्राहीको गुनासो छ । अस्पताल प्रशासन वा अस्पताल विकास समितिले भर्ना भएका बिरामीहरुले के-कस्तो समस्या भोगिरहेका छन् भन्ने विषयमा ध्यान नदिएको उनीहरुले बताए । भर्ना हुँदा विरामीलाई सहज छ वा असहज छ भन्ने कुरामा सम्वन्धित निकायले ध्यान दिनुपर्ने उनीहरुको भनाई छ । अस्पताल प्रशासन र अस्पताल विकास समितिले व्यवस्थापन पक्ष राम्रो भए नभएको बारेमा अनुगमन गर्नुपर्ने उनीहरुको सुझाब छ ।

अस्पतालको विकासमा नीतिगत व्यवस्था भएन
२०५४ सालमा तत्कालिन स्वास्थ्य चौकीबाट प्राथमिक स्वास्थ्य केन्द्रको रुपमा स्तर बृद्धि भयो । त्यसपछि २०६५ सालमा तत्कालिन स्वास्थ्य केन्द्र राप्ती अन्चल अस्पताल तुलसीपुरका रुपमा स्तर वृद्धि भएको अस्पतालका सुचना अधिकार डिल्ली केसीले बताए । देश संघीय संरचनामा परिणत भइसकेपछि फेरी २०७५ सालमा तत्कालिन अञ्चल अस्पताललाई स्तरवृद्धि गरी राप्ती प्रादेशिक अस्पतालको रुपमा विकास गरिएको हो ।

तत्कालिन अञ्चल अस्पतालबाट स्तर बृद्धि भइसकेपछि सेवा सुविधा र चिकित्सकहरुको संख्यामा वृद्धि भएपनि नितिगत रुपमा अझै विकास हुन सकेको छैन । प्रादेशिक अस्पतालका रुपमा स्तर वृद्धि भइसकेपछि केहि विकास भएपनि त्यो नीतिगत रुपमा नभएको अस्पताल प्रशासनले स्वीकार गर्यो । तत्कालिन अञ्चल अस्पताल हुँदा ५० वेडको स्वीकृत पाएको अस्पतालमा अहिले पनि उहि नै छ । विगतमा दरबन्दी अनुसार चिकित्सक नभएको समस्या थियो अहिले पनि उक्त समस्या रही रहेको छ ।

अस्पतालमा १३ जना चिकित्सकको दरबन्दी रहेकोमा २ जना मात्रै रहेका छन् । अन्य सवै संघीय सरकारबाटै काजमा खटिएका चिकित्सक छन् । यस्तै अस्पतालमा नर्सिङ स्टाफ २५ जनाको दरबन्दी रहेकोमा २१ जना रहेका छन् । साथै ९ जना मेडिकल अधिकृत दरबन्दी रहेकोमा ५ जना मात्रै रहेको अस्पताल प्रशासनले जनाएको छ

अनुगमन गरीरहेका छौ : अध्यक्ष न्यौपाने
यता राप्ती प्रादेशिक अस्पताल विकास समितिका अध्यक्ष पदम प्रसाद न्यौपानेले व्यवस्थापन पक्षलाई राम्रो बनाउन अनुगमन गरीरहेको बताए । अस्पतालमा दैनिक अनुमगन भइरहेको बताउँदै अध्यक्ष न्यौपाने कर्मचारी अभावका कारण सोचेजति व्यवस्थित गर्न नसकीएको बताए । व्यवस्थापन पक्षलाई सुधार गर्न आफू लागीपरेको उनले दाबी गरे ।

विशेषगरी आइतबार र बुधवार अस्पतालमा बढि भिडभाड हुने गरेको उनले बताए । अस्पताल भित्र जनस्वास्थ्य कार्यक्रम सञ्चालन भइरहेकाले भिडभाड हुने गरेको र व्यवस्थापनमा चुनौती थपिएको उनको भनाई छ । यस विषयमा तुलसीपुर उपमहानगरपालिका नगरप्रमुखसँग पनि कुराकानी भइरहेको अध्यक्ष न्यौपानेले बताए । अस्पतालमा अहिले प्रसुती सेवा लिनेको संख्या अत्यधिक रहेको उनले बताए ।

अस्पतालमा ५० वेडको स्वीकृती हुँदा आफूहरुले ९५ वेडको सेवा दिइरहेको उनले बताए । साथै उनले अस्पतालका सुधार गर्नुपर्ने विषयमा गम्भिर भएको उल्लेख गरे ।

प्रतिकृया दिनुहोस्

Flash News

नेप्सेमा १५ अंकको वृद्धि बसको ठक्करबाट २१ महिने बालकको मृत्यु डेंगु बिरामीको संख्या साढे २५ हजार नाघ्यो, हालसम्म ३२ जनाको मृत्यु निर्वाचन आचारसंहिता बुधबारदेखि लागू हुने सिलौटाले छातीमा प्रहार गरी श्रीमतीको हत्या वैकल्पिक राजनीतिक बारेको बहस ! आबेको अन्त्येष्टिअघि हजारौँ प्रदर्शनकारी विरोधमा उत्रिए अमेरिकी सहायकमन्त्री एलिजाबेथ भोलि नेपाल आउँदै लुम्बिनी प्रदेशमा पर्यटन प्रर्वद्धनका आधारहरु तीन घण्टादेखि बालुवाटारमा गठबन्धनको बैठक, सिट बाँडफाँट टुंग्याउने प्रयास दक्षिण कोरियाको असैनिकृत क्षेत्रको भ्रमण गर्दै ह्यारिस आश्रममै दशैँ राष्ट्रसंघमा परराष्ट्र सचिवले राखे युक्रेन, अफगानिस्तान, म्यानमार, लिबिया, सिरिया, प्यालेस्टाइन र यमनका विषयमा नेपालको स्पष्ट धारणा हरिकृष्ण कार्की बने कामु प्रधानन्यायाधीश ट्रयाक्टरबाट खसेर एकको मृत्यु मनास्लु हिमपहिराेः एक जनाको मृत्यु, १० को सकुशल उद्धार बेलहिया नाकामा ५ पर्यटकको भब्य स्वागत सिक्लेस हाइड्रोपावरको आईपीओ बाँडफाँट रवीन्द्र मिश्र भोलि राप्रपा प्रवेश गर्ने, वरिष्ठ उपाध्यक्ष पद पाउने लुम्बिनी शिक्षा निकेतनको अध्यक्षमा पुनः गोविन्द ज्ञवाली