११ आश्विन २०७९, मंगलवार

Sep 27, 2022

गुल्मी । गुल्मीमा रेसुङ्गा विमानस्थलको काम ३० प्रतिशत मात्रै पूरा भएको छ । जिल्लाको रेसुङ्गा नगरपालिका-१० सिमीचौर थालेमाले स्थित रेसुङ्गा विमानस्थल निर्माण निर्माण सुरु भएको डेढ दशकसम्म पनि सम्पन्न हुन सकेन । विमानस्थल वि.स. २०६३ सालबाट निर्माण सुरु गरिएको थियो ।
निर्माणाधीण अवस्थामा रहेको विमानस्थलमा २ वर्ष अगाडी परीक्षण उडान भएपनि निर्माणको धेरै काम बाँकी रहेका छन् ।

Advertisement

०७५ साल जेठ २७ गते धुले उडान मार्फत परिक्षण गरिएको विमानस्थलको हालसम्म ३० प्रतिशत मत्रै काम सम्पन्न भएको हो । विमानस्थल नियमित सञ्चालनको लागि धावनमार्ग कालोपत्रे, टर्मिनल भवन, टावर र तारजालीको काम पूरा गर्न बाँकी छ । ती काम पूरा गर्न करिब २१ करोडको लागतमा तिनवटा निर्माण कम्पनीले काम गरिरहेको रेसुङ्गा नगरपालिका वडा नम्बर–१० का वडा अध्यक्ष पदम अर्यालले जाकारी दिए । निर्माणको काम थालिएको लामो समयसम्म पनि पूरा हुन नसकेको विमानस्थलको काम जनप्रतिनिधिहरु आएपछि भने गती लिएको अर्यालले बताए ।

विमानस्थल सम्पन्न गर्ने गरि धावनमार्ग कालोपत्रे गर्न १४ करोड, टर्मिनल भवन, टावर निर्माण गर्न ६ करोड र तारजाली लगायत फिनिसिङ्गको काम गर्न डेढ करोड बजेटमा काम भइरहेको छ । निर्माण व्यवसायीले समयमै काम गर्न सके यस आर्थिक वर्षमा ३ वटै काम पूरा हुने अर्यालले बताए । विमानस्थल निर्माणको काम पूरा गर्न तिनवटै सरकारको सहयोग र चासो रहेको वडा अध्यक्ष अर्यालको भनाई छ । विमानस्थल सम्पन्न गर्न हालका परराष्ट्रमन्त्री प्रदीप ज्ञवालीले आवश्यक बजेको व्यवस्था मिलाए पनि निर्माणको काम सुस्त गतीमा चलिरहेकाले समय लाग्दै आएको छ ।

विमानस्थल शिलान्यस गरेका मन्त्री ज्ञवालीकै कार्यकालमा काम पुरा हुने अर्यालले बताए । विमानस्थलको धावनमार्ग गएको असारसम्म पुरा गरिसकिनु पर्ने थियो । तर विश्वव्यापी रुपमा फैलिएको कोभिडका कारण कालोपत्रे गर्ने सामाग्री लगायत बिभिन्न कारणले हुनसकेको छैन । विमानस्थल ०६३ सालमा तत्कालिन पर्यटनमन्त्री प्रदिप ज्ञवालीले सुरुवात गर्नु भएको थियो । निर्माण सुरु गरिए पनि काम ढिलो गतीमा हुँदा निकै लामो समय लाग्यो । पुनः ज्ञवाली मन्त्री बनेकै बेला आफ्नै उपस्थितिमा परिक्षण उडान पनि भयो ।

हाल विमानस्थलको अन्तिम चरणका कामहरु मध्ये धावन मार्गको कालोपत्रे, टर्मिनल भवन टावर र घेराबारको काम २०७८ साल मंसिरसम्म पूरा हुने विमानस्थलका सहायक आयोजना प्रमुख दिनेश परियारले बताए । निर्माणको काम समयअनुसार हुनुपर्ने भएपनि त्यसो हुन नसकेको परियारले बताए ।

विमानस्थलको धावन मार्गको कालोपत्रे गर्ने काम आउँदो वैशाखसम्म पूरा हुने र अन्य भवन निर्माण र तारजाली लगाउने काम मंसिरसम्म पूरा हुने आयोजना प्रमुख परियारको भनाई छ । विमानस्थल निर्माण कार्यसँगै परिक्षण उडानले गुल्ममेलीहरुको जहाज चढ्ने सपना पूरा हुने आशा पलाएको रेसुङ्गा विमानस्थलका पूर्व अध्यक्ष जयप्रकाश अर्यालले बताए ।

५ सय ६० मिटर लम्बाइ भएको धावनमार्ग ५० मिटर चौडा रहेको छ । विमानस्थल प्रभावित क्षेत्रमा पर्ने सिमिचौरस्थित थालेमालेका ४६ जना घरधुरी तथा जग्गा धनिलाई मुआब्जा दिएर अन्य ठाउँमा सारिएको छ । विमानस्थलको ७८ रोपनी १० आना क्षेत्रफल रहेको छ । कुल क्षेत्रफलमध्ये करिब ५६ रोपनी जग्गा सार्वजनिक छ ।

प्रतिकृया दिनुहोस्

Flash News

रोटरी डाउनटाउनको डेगु रोकथाम र सचेतना अभियान समानुपातिक बन्दसूचीमा भएका त्रुटिहरु परिमार्जन गरिनेछ : कांग्रेस कार्यकाल सकिँयाे तर सरकारी सम्पतिमाथिकाे सांसदकाे रजाँई अझै सकिएन नेप्सेमा १५ अंकको वृद्धि बसको ठक्करबाट २१ महिने बालकको मृत्यु डेंगु बिरामीको संख्या साढे २५ हजार नाघ्यो, हालसम्म ३२ जनाको मृत्यु निर्वाचन आचारसंहिता बुधबारदेखि लागू हुने सिलौटाले छातीमा प्रहार गरी श्रीमतीको हत्या वैकल्पिक राजनीतिक बारेको बहस ! आबेको अन्त्येष्टिअघि हजारौँ प्रदर्शनकारी विरोधमा उत्रिए अमेरिकी सहायकमन्त्री एलिजाबेथ भोलि नेपाल आउँदै लुम्बिनी प्रदेशमा पर्यटन प्रर्वद्धनका आधारहरु तीन घण्टादेखि बालुवाटारमा गठबन्धनको बैठक, सिट बाँडफाँट टुंग्याउने प्रयास दक्षिण कोरियाको असैनिकृत क्षेत्रको भ्रमण गर्दै ह्यारिस आश्रममै दशैँ राष्ट्रसंघमा परराष्ट्र सचिवले राखे युक्रेन, अफगानिस्तान, म्यानमार, लिबिया, सिरिया, प्यालेस्टाइन र यमनका विषयमा नेपालको स्पष्ट धारणा हरिकृष्ण कार्की बने कामु प्रधानन्यायाधीश ट्रयाक्टरबाट खसेर एकको मृत्यु मनास्लु हिमपहिराेः एक जनाको मृत्यु, १० को सकुशल उद्धार बेलहिया नाकामा ५ पर्यटकको भब्य स्वागत