३ जेष्ठ २०७९, मंगलवार

May 17, 2022

बुटवल । प्रदेश नं ५ काे प्रदेश सभाको शुक्रबारदेखि सुरु छैठौं अधिवेशनमा सिमानाकामा अलपत्र नागरिकहरूकाे तत्काल उद्वार गरि नेपाल ल्याउने व्यवस्था मिलाउन माग उठेको छ । सिमानाकामा राेकिएका नेपालीहरूकाे अवस्था दयनीय रहेको भन्दै प्रदेश सभा सदस्यहरूले उनिहरूलाई तत्काल उद्वार गरि नेपाल ल्याएर क्वारेन्टाइनमा राख्नुपर्नेमा जाेड दिए ।

Advertisement

काेराेना भाइरसकाे संक्रमण बढेसँगै त्यहाँ बस्न असुरक्षित महसुुस गरि भारतबाट नेपाल आउन लागेका नेपालीहरूलाई सिमानाकामा राेक्दा लुकिछिपि नेपाल प्रवेश गर्ने क्रम बढेको बताउँदै प्रदेशसभा सदस्यहरुले लुकिछिपी नेपाल आउनेबाट कोरोनम संक्रमणका घटनामा थप वृद्धी भएको बताए । प्रदेश सभाकाे छैठौं अधिवेशन बजेट अधिवेशनसमेत भएकोले अहिलेकाे बजेट स्वास्थ्य र कृषि केन्द्रित हुनुपर्नेमा प्रदेश सभा सदस्यहरूले जाेड दिए । लकडाउनकाे दुई महिनाकाे अवधिमा समेत सरकारले पर्याप्त क्वारेन्टाइन र आइसाेलेशन बेड तयार गर्न नसकेको भन्दै प्रदेश सभा सदस्यहरूले भारत लगायत अन्य मुलुकमा रहेका नेपालीहरूलाई नेपाल ल्याउन ढिला गर्न नहुने बताए । राहत वितरणमा भेदभाव भएको र पारदर्शिता नभएको गुनासो आएको भन्दै उनिहरूले भेदभाव रहित तरिकाले राहत वितरण गर्न र राहत वितरणलाई पारदर्शी बनाउन माग गरे । सरकारकाे अदुरदर्शि र असावधानिकै कारण पछिल्लो समय काेराेना संक्रमित बढेको आराेप समेत उनिहरूले लगाए ।

प्रदेश सभाकाे छैठौं अधिवेशनकाे पहिलो बैठकमा आज प्रदेश सभामा प्रमुख प्रतिपक्षी दल नेपाली कांग्रेस संसदीय दलका कार्यबाहक नेता बिरेन्द्र कनाैडिया, सत्तारूढ दल नेकपा (नेकपा ) काे तर्फबाट पार्वती पुन गहतराज, समाजवादी पार्टिका संसदीय दलका नेता सहसराम यादव, साेहि पार्टीका प्रमुख सचेतक सन्ताेष कुमार पाण्डे, जनता पार्टीबाट निर्वाचित प्रदेश सभा सदस्य कल्पना पाण्डे लम्साल, राष्ट्रिय जनमाेर्चाकि प्रदेश सभा सदस्य तारा जिसि लगायतले आ-आफ्नो भनाइ राखेका थिए । यसअघि बैठकको सुरूवात गर्दै सभामुख पुर्णबहादुर घर्तीले प्रदेश प्रमुख धर्मनाथ यादवबाट आएको प्रदेश सभाकाे छैठौं अधिवेशन आह्वान सम्बन्धि पत्र पढेर सुनाएका थिए ।

विश्वभर महामारीको रूपमा फैलिएको काेराेना भारसकाे संक्रमणकाे अवस्थालाई मध्यनजर गरि सुरक्षा संवेदनशीलता अपनाउन पनि सभामुख घर्तीले प्रदेश सभा सदस्यहरूलाई आग्रह गरे । प्रदेश सभाकाे अर्को बैठक शनिबार जेठ १० गते दिउँसो ३ बजे बस्ने गरि स्थगित भएको छ ।

प्रतिकृया दिनुहोस्

Flash News

ललितपुर महानगरमा चिरिबाबुकाे फराकिलाे अग्रता श्रीलंकामा पेट्रोल हाहाकार, तत्काल ७५ मिलियन डलर आवश्यकः प्रधानमन्त्री बुटवलमा गठबन्धन दलबाट पाण्डेको अग्रता, मतान्तर बढ्दो सैनामैनाको प्रमुखमा गठबन्धन, उप-प्रमुखमा एमालेको अग्रता गुल्मीको रुरु गाउँपालिका अध्यक्षमा यदु ज्ञवाली निर्वाचित स्थानीय निर्वाचन : आज कहाँ-कहाँ हुँदैछ मतदान ? देवदहमा एमालेको अग्रता कायमै, काँग्रेस ४४४ मत पछाडी बालेनले बनाए साढे ४४ सयको मतान्तर भरतपुरमा ४ वटा वडाको मत गणना सकियो, रेणु दाहाल ३० मतले अघि बुटवलमा कांग्रेसका पाण्डे र एमालेका भट्टराईबीच करिब ३ हजार मतको फरक भरतपुरमा पुनः गठबन्धनकी रेनुको अग्रता धुर्कोट गाउँपालिकाको अध्यक्षमा माओवादीका पोखरेल विजयी पहिलो टी-२० मा युगान्डासँग नेपाल १२ रनले पराजित संसदको भोलिबाट ११औँ अधिवेशन सुरु हुने, यस्तो छ कार्यसूची ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा बुटवलमा खेलराज पाण्डेय बाबुराम भट्टराई भन्दा २१६३ मतले अघि छत्रदेव गाउँपालिकाको अध्यक्ष कांग्रेस र उपाध्यक्ष एमालेले जित्यो कतै १ भोट, कतै शून्य