४ जेष्ठ २०७९, बुधबार

May 18, 2022

तिलोत्तमा । रुपन्देहीको तिलोत्तमा नगरपालिकाले स्थापना गरेको प्रकोप व्यवस्थापन कोषमा तीन वटा संस्थाले सोमबार ३ लाख ५७ हजार रुपैंयाँ सहयोग गरेका गरेका छन् । करहिया-मक्रहर खानेपानी उपभोक्ता तथा सरसफाई संस्था, छत्तीस मौंजा सामुदायिक सिंचाई प्रणाली र सोह्र-छत्तीस संयुक्त सिंचाई प्रणालीको तर्फबाट कोषमा रकम प्रदान गरिएको हो ।

Advertisement

खानेपानी संस्था र संयुक्त सिंचाई प्रणालीको तर्फबाट दुवै संस्थाका अध्यक्ष यज्ञ गैरे तथा छत्तीस मौंजाको तर्फबाट अध्यक्ष कृष्ण पौडेलले नगर प्रमुख बासुदेव घिमिरेलाई सहयोग रकमको चेक हस्तान्तरण गरे । खानेपानीले १ लाख ५१ हजार, छत्तीस मौंजा सिंचाईले १ लाख ५ हजार तथा संयुक्तले १ लाख १ हजार सहयोग गरेका हुन् । त्यसअवसरमा नगर प्रमुख घिमिरेले कोषमा हालसम्म संकलन र खर्च भएको रकमको बारेमा जानकारी गराउँदै प्राप्त रकमलाई कोरोना महामारी रोकथाममा खर्च गरिने बताए । उनका अनुसार कोषमा हालसम्म झण्डै एक करोड रकम संकलन भएकोमा राहत वितरण, क्वारेन्टाइन व्यवस्थापन, आइसोलेसन सेन्टर स्थापना लगाएतका कोरोना महामारी रोकथाम पूर्वतयारीको काममा ९० लाख खर्च भैसकेको छ ।

हालसम्म नगरपालिकाले कोरोना महामारी रोकथामको लागि आफ्नो कोषको रकम खर्च गर्नु नपरेको बताउँदै नगर प्रमुख घिमिरेले राहत कोषमा सहयोग पुर्याउने सम्पूर्णलाई धन्यवाद दिए । कोरोना महामारी रोकथाम तथा उपचारको लागि अग्रपंक्तिमा रहेर काम गर्नेहरुको मनोबल उच्च पारिनुपर्ने बताउँदै उहाँले लकडाउन सम्बन्धी नगरपालिकाको सूचनालाई पूर्णपालना गर्न सबै नगरबासीलाई आग्रह गरे । खानेपानी र संयुक्त सिंचाईका अध्यक्ष यज्ञ गैरेले नेपालमा कोरोना संक्रमण बढ्दो क्रममा रहेकोले सामाजिक उत्तरदायित्व ठानेर संस्था आर्थिक रुपमा बजबुद नरहँदा नरहँदै पनि नगरपालिकाको कोषमा सहयोग गरिएको स्पष्ट पारे ।

कोरोना रोकथाम तथा त्यसका असर न्यूनीकरणको लागि नगरपालिकाले गरेका र अघि सारेका कामहरु निकै प्रशंसनीय रहेको चर्चा गर्दै उनले नगरपालिकाले ल्याउने हरेक योजनामा सहकार्य गर्न आफूहरु तयार रहेको उल्लेख गरे । कार्यक्रममा नगरपालिका, तीन वटै संस्थाका पदाधिकारी लगाएतको उपस्थिति रहेको थियो ।

प्रतिकृया दिनुहोस्

Flash News

बुटवलमा बाबुराम भन्दा खेलराज ५ हजार १३ मतले अगाडि सितगंगा ५ को वडाध्यक्षमा कांग्रेसका बेल्बासे निर्वाचित २२ घण्टादेखि रोकिएको पाँचपोखरीकाे मतगणना अझै सुरु हुन सकेन बुटवलका १९ वडामध्य १२ वडाको मतपरिणाम सार्वजनिक, कुन वडा कस्ले जिते? यस्ताे छ डडेल्धुराका सातवटै स्थानीय तहको अन्तिम मत परिणाम ४१० स्थानीय तहको नतिजा सार्वजनिक, कुन पार्टीको कति स्थानमा अग्रता ? देवदहमा गठबन्धनलाई पछि पार्दै एमाले : मेयर, उपमेयर दुबैमा अग्रता नवलपरासीको सरावल अध्यक्ष र उपाध्यक्षमा एमाले विजयी बुटवलमा पाण्डेको साढे ४ हजार मतले अग्रता, उप-प्रमुखमा सावित्रा अघि शुद्धोधनमा गठबन्धन दल कांग्रेसबाट बस्याल विजयी, उप प्रमुखमा एमालेकी ज्ञवाली भरतपुरमा गठबन्धनकी रेनु दाहालको अग्रता, मतान्तर फराकिलो बनाउँदै चुनावलगत्तै सार्वजनिक यातायातको भाडापनि बढ्याे, आजदेखि नयाँ दर लागू काठमाण्डौंमा बालेनको अग्रता कायमै, स्थापितभन्दा करिब दोब्बरले अघि गैंडाकोट नगरपालिकाको मेयर र उपमेयरमा कांग्रेस उम्मेदवार निर्वाचित बालेन र सुनिता हजारौं मतले अगाडि रुपन्देहीको कञ्चनमा कांग्रेसका ढकाल विजयी उम्मेदवारको मृत्युपछि स्थगित तुलसीपुर उपमहानगर-१७ मा मँगलबार मतदान सम्पन्न लुम्बिनीको घोराही उपमहानगरमा एमालेको अग्रता कायमै, ४०११ को मतान्तर रुपन्देहीका ६ वटै नगर उपप्रमुखमा एमाले उम्मेदवार अगाडि रुपन्देहीमा यु-१४ क्रिकेट लिग सुरु : उद्घाटनमा भैरहवा र सैनामैना विजयी