बुटवल । विश्वव्यापी महाकारीकाे रुपमा फैलिएकाे काेराेना संक्रमणबाट उच्च सतर्कता अपनाउनका लागि बुटवल उपमहानगरपालिकाले अत्यावश्यक बाहेक घरबाट बाहिर ननिस्कन जनतालाई अपिल गरेकाे छ । महानगरले अत्यावश्यक बाहेर घर बाहिर ननिस्कन र निस्केकाहरुलाई पनि घरमा गएर बस्नका लागि आग्रह गर्दै नगर भित्र माइकिङ गरि जानकारी गराएकाे छ ।
सरकारले काेराेना संक्रमण राेक्नका लागि साेमबारदेखि भारत तथा चिनसँग जाेडिएका सिमा नाकाहरु बन्द गरेकाे छ भने लामाे दुरीका सवारीका साधन नचलाउन आह्वान गरेकाे छ । यसैगरी प्रदेश ५ सरकारकाे साेमबार बसेकाे मन्त्री परिषद बैठकले काेराेना संक्रमण राेक्नका लागि १० कराेड बराबरकाे काेष स्थापना गर्ने निर्णय गरेकाे छ ।
प्रतिक्रिया