१६ माघ २०७९, सोमबार

Jan 30, 2023

बुटवल । रुपन्देहीको बुटवलमा जारी चौथो खुल्ला लन टेनिस प्रतियोगिता अन्तरगत आइतबार मेन्स डबल्सको छिनोफानो भएको छ । मेन्स डबल्सतर्फको उपाधि रितिक राना र नबिन मगरको जोडीले हात पारेका छन् । मेन्स सिगलतर्फ सेमीफाईनलमा प्रनव खनाल, रितिक राना, निशान श्रेष्ठ र सन्तोष खत्री स्थान बनाएका छन् ।

Advertisement

वुमन्स सिंगलतर्फको सेमीफाईनलमा पे्ररणा कोइराला, सलोनी तामाङ, मायाङका राणा र अभिलाषा विष्ट पुगेका छन् । वुमन्स डबल्सतर्फ पहिलो सेमीफाईनल खेलमा अभिलाषा विष्ट र इरा रावतको जोडीले नेपालको रेङ्किङका नम्बर एक खेलाडी प्रेरणा कोईराला र मायाङका राणाको जोडीलाई ६-३, ६-३ को सेट तथा श्रेष्ठा राई र प्रकृति श्रेष्ठको जोडीले सलोनी तामाङ र आजा रेग्मीको जोडीलाई ६–३, ७-६ को सेटमा पराजित गर्दै फाईनलमा प्रवेश गरेका छन् । यसैगरि ३५ प्लस सिगलतर्फ सेमीफाईनलमा कमल भण्डारी, रामु बिक, राजन पौडेल र संजय प्रकाश श्रेष्ठ प्रवेश गरेका छन् ।

यसैगरि ४५ प्लस सिगलतर्फ चन्द्र शाही, गोपी भट्टराई, धर्म लामिछाने र उत्तम बोगटी सेमीफाईनल प्रवेश गरेका छन । यसैगरि ३५ प्लस डबल्सतर्फ पहिलो सेमीफाईनल खेलमा कमल भण्डारी र राजिव श्रेष्ठको जोडीले हेमराज ढकाल र निमा लामाको जोडीलाई ६-३, ६-४ पराजित गर्दै फाईनल प्रवेश गरेका हुन भने अर्को सेमीफाईनलमा लोक गुरुङ र राजन पौडेलको जोडीले बुटवलका अनिल सेन्चुरी र सन्जय प्रकाश श्रेष्ठको जोडीलाई ६-३, ६-१ सेटमा पराजित गर्दै फाईनल भिडन्त पक्का गरेका छन् ।

यसैगरि ४५ प्लस डबल्समा गोपी भट्टराई र धर्म लामिछानेको जोडीले गोपाल ज्ञवाली र अर्जुन गुरुङको जोडीलाई ६-३, ६-० को सोझो सेटमा पराजित गर्दै फाईनलमा प्रवेश गरेका छन । तेस्रो दिनको २६ वटा खेल सकिएको प्रमुख प्रशिक्षक कृष्णराज घलेले बताए । चौथौ दिन विधागत खेलका फाईनल खेलहरु हुने उनले बताए ।

प्रतियोगिताको पुरुष/महिला सिगल तर्फ उपाधि विजेताले नगद ४५ हजार, कप, मेडल, प्रमाणपत्र तथा उपविजेताले नगद २० हजार, कप, मेडल, प्रमाणपत्रबाट पुरस्कृत गरिने उनले बताए । यसैगरि सिगलतर्फ नै पुरुष ३५ वर्षमाथिको विजेता, उपविजेताले क्रमश नगद २० हजार र १० हजार, ४५ वर्षमाथिका विजेता र उपविजेताले क्रमश १५ हजार र १० हजार तथा ५५ वर्षमाथि उमेर समुहको विजेता, उपविजेताले क्रमश १० हजार र ५ हजार, कप, मेडल, प्रमाणपत्रबाट पुरस्कृत गरिने उनले बताए ।

डबल्सतर्फको प्रतियोगिता अन्तरगत पुरुष डबल्स/महिला डबल्सको उपाधि विजेताले नगद १५ हजार, उपविजेताले नगद १० हजार, कप, मेडल, प्रमाणपत्रबाट पुरस्कृत गरिने छ । यसैगरि डबल्सतर्फ ३५, ४५ र ५५ वर्ष उमेर माथिका विजेता, उपविजेतालाई क्रमश नगद १५ हजार र १० हजारसहित कप, मेडल, प्रमाणपत्रबाट पुरस्कृत गरिने उनले बताए ।

प्रतियोगिताको १० विधामा पुरस्कारका लागिमात्र ३ लाख ५० हजार रुपैया खर्च हुने खेल संयोजक तथा संघका सचिव गोपाल ज्ञवालीले बताए । चार दिनसम्म संचालन हुने प्रतियोगितामा १६ लाख खर्च हुने अनुमान आयोजकको छ । गतवर्ष सम्पन्न तेस्रो खुल्ला लन टेनिस प्रतियोगिताको उपाधि बुटवलका युवा खेलाडी रितिक रानाले चुमेका थिए ।

प्रतिकृया दिनुहोस्

Flash News

दाङमा कारागारमा रहेकी महिलामाथि करणी आरोपमा एक पक्राउ अश्लील भिडियो बनाई महिलाकाे चरित्रहत्या गर्ने पक्राउ सेयर बजार ४१ अंकले घट्यो माओवादी स्थायी समिति बैठक बुधबार, गृहमन्त्रीबारे छलफल हुने कर्नाटक कन्सर्टमा कैलाश खेरमाथि आक्रमण चन्दा आतंक गर्ने जनतान्त्रिक मुक्ति मोर्चाका संयोजकसहित ४ जना कपिलवस्तुमा पक्राउ नेपाली सिनेमा फेस्ट २०२३ मा अनुमतिविना महापुरुष समावेश गरेपछि षट्कोण आर्ट्सको आपत्ति फागुन २५ मा राष्ट्रपतिको निर्वाचन लाफा बी लेबल भलिबलको उपाधी न्यू होराईजनललाई, आयोजक दोस्रो राष्ट्रिय सहमतिको स्वप्निल राजनीति भोटेकोशीको बगाममा टेलिकमको टावर, पहिलोपटक फोन र इन्टरनेटको सेवा अभियुक्त लक्ष्मी महतो कोइरीको बचाउमा उत्रियो एमाले र कोइरी समाज अमेरिकी उपविदेश मन्त्रीले भेटिन् प्रधानमन्त्री प्रचण्डलाई बुटवलको बुद्धनगरदेखि नहरपूर जोड्ने सडक निर्माणको काम शुरु सुकुम्बासी बस्ती हटाउन मेयर बालेनले मागे प्रधानमन्त्रीसँग सहयोग सहिदहरूको सपना पूरा गर्न सबै एकजुट होऔँ : प्रधानमन्त्री पेट्रोल छर्केर आगो लगाउँदा श्रीमती गम्भीर घाइते, छोराको मृत्यु सूचनाको हकसम्बन्धी विषयमा प्रधानमन्त्रीले छलफल गर्दै बन्दीपुर क्षेत्रका होर्डिङबोर्ड हटाइँदै कार र ट्याक्सी ठोक्किँदा दुई जनाको मृत्यु