बुटवल । रुकुम पश्चिमबाट सोमबार काठमाडौंका लागि छुटेको बस मध्यपहाडी लोकमार्ग अन्तरगत बागलुङको निसी खोलामा दुर्घटना हुँदा ७ जनाको मृत्यु भएको छ ।
जिल्ला प्रहरी कार्यालय बाग्लुङ्गका प्रवक्ता प्रहरी नायव उपरीक्षक (डिएसपी) मदन केसिका अनुसार बागमती प्रदेश ०१-००६ ख ३८७९ नम्बरको बस निसीखोला गाउँपालिका-६ जाउले पानी भन्ने स्थानमा दुर्घटना भएको हो ।
दुर्घटनामा परी २५ जना घाइते भएको प्रहरीले जनाएको छ । सोमबार साँझ करिब ४ बजेतिर दुर्घटना भएको थियो । घाइतेहरुलाई बुर्तिबाङ स्वास्थय केन्द्रमा उपचारका निम्ती लगिएको छ । बस सडकदेखि करिब १५० मिटर तल खसेको थियो । बसमा यात्रु संख्या धेरै रहेको र घाइते र मृतकको संख्या समेत यकिन भइनसकेको प्रहरीले जनाएको छ ।
युनिकोड
मिति रूपान्तरण
ग्लोबल आवाज
प्रतिक्रिया