इजरायली सेनाले भन्यो- 'गाजा शहरलाई पूर्ण रूपमा घेरेका छौं'

काठमाडौं । इजरायली सेनाले हमासविरुद्ध जारी संघर्षमा गाजा सहरलाई पूर्ण रूपमा घेरेको बताएको छ । इजरायल डिफेन्स फोर्सका प्रवक्ता ड्यानियल हगारीले सेनाले हमासका धेरै स्थानमा आक्रमण गरिरहेको बताए ।

गाजा स्ट्रिपको उत्तरी क्षेत्रमा अवस्थित गाजा सहर युद्ध सुरु हुनुअघि सबैभन्दा घना जनसंख्या भएको क्षेत्र थियो। यहाँ सात लाखभन्दा बढी मानिस बस्दै आएका थिए । तर अक्टोबर १३ मा इजरायलले उत्तरी गाजाका मानिसहरूलाई दक्षिणी क्षेत्रमा जान चेतावनी दिएको थियो।गाजा सहरमा कति मानिस बसिरहेका छन् भन्ने अझै स्पष्ट भइसकेको छैन, तर चित्रहरूले सहरमा जताततै विनाश देखाएको छ र सडकहरू खाली छन्।

इजरायली सेनाले बारम्बार भनेको छ कि गाजा शहर हमास गतिविधिहरूको प्रमुख आधार हो र तिनीहरू सबैलाई नष्ट गर्न चाहन्छन्।-एजेन्सी