१७ मंसिर २०७८, शुक्रबार

Dec 3, 2021

बागलुङ । धौलागिरि अस्पताल बागलुङमा एम्बुलेन्स खरिदका लागि प्रवासमा रहेका नेपालीले गाँस काटेर पठाएको रकम फिर्ता भएको छ । एम्बुलेन्स खरिद गर्न अष्ट्रेलियामा रहेका बागलुङेहरूले धौलागिरि अस्पताल विकास समितिको नाममा  पठाएको २८ लाख दुई हजार रुपैयाँले सुविधा सम्पन्न एम्बुलेन्स खरिद गर्न नसकेपछि रकम फिर्ता भएको हो । उक्त रकमबाट दोस्रो श्रेणीको ट्रमा एम्बुलेन्स किन्ने योजना थियो । बागलुङ अष्ट्रेलियन कमिटी सिड्नीले रकम पठाएको थियो । 

Advertisement

एम्बलुेन्स खरिद गर्न बजेट नपुगेपछि बाध्य भएर पैसा फिर्ता गर्नुपरेको निवर्तमान अस्पताल विकास समितिका अध्यक्ष केवी राना मगरले बताए । उनले बागलुङ अष्ट्रेलियन कमिटीका प्रतिनिधि तिलबहादुर विष्टलाई पठाए बराबरको रकम फिर्ता गरेका हुन् । फिर्ता भएको पैसा कमिटीको खातामा राख्ने विष्टले बताए । समितिको निर्णयअनुसार नै सो रकम खर्च हुनेछ । हाल अस्पताल विकास समिति पदाधिकारीविहीन छ । उक्त रकमले फोर ह्विल एम्बुलेन्स खरिद गर्न अपुग हुने र टु ह्विल एम्बुलेन्स खरिद गर्न नपाइने सरकारी नीतिका कारण समस्या भएको रानाले बताए । एम्बुलेन्स खरिद गर्न सरकारलाई रकम थपका लागि धेरैपटक आग्रह गर्दा पनि निकास नदिएको रानाको गुनासो छ ।

भन्सार छुटसहित फोर ह्विल एम्बुलेन्स खरिद गर्न २७ लाख रुपैयाँ अपुग थियो । उक्त एम्बुलेन्सलाई ५५ लाख रुपैयाँ पर्ने रानाको भनाइ छ । अस्पताल विकास समितिले किन्ने तयारी गरेको एम्बुलेन्सको बजार मूल्य ८० लाख थियो । भन्सार छुट गर्दा प्रवासीले पठाएको रकमले पुग्ने थियो।

स्वास्थ्य मन्त्रालयका पदाधिकारीले बागलुङको हकमा विशेष निर्णय गरेर टु ह्विल एम्बुलेन्स खरिद गर्न दिने आश्वासन दिए पनि कार्यान्वयन हुन नसक्दा रकम फिर्ता गर्नुपर्ने बाध्यता भएको रानाले बताए । समितिले गत वैशाखदेखि एम्बुलेन्स खरिदका लागि सहयोग जुटाएका थियो । अस्पतालमा अहिले जिप प्रकृतिको पुरानो एम्बुलेन्स छ । 

प्रतिकृया दिनुहोस्

Flash News

घरेलु टोलिले जित्यो आत्मानन्द गोल्डकपको उपाधि नेकपा एमाले वैचारिक कार्यदिशाबाट विचलित बन्यो: नारायणकाजी श्रेष्ठ बुटवल उपमहानगरका प्रमुख प्रशासकीय अधिकृत रेग्मीको विदाई, भारतीलाई स्वागत ‘ओमिक्रोन’बाट जोगिन तत्काल सावधानी अपनाउन आवश्यक : राष्ट्रपति लुम्बिनीसँग जोडिएका ऐतिहासिक तथा पर्यटकीय क्षेत्रको प्रवर्द्धनका लागि साइकल यात्रा आगलागीबाट ७० लाख बराबरको क्षति कांग्रेस बाग्मती प्रदेश सभापतिमा बानियाँ, केसी र प्रधानले दिए उम्मेदवारी ६ करोड बढी लागतमा बुटवलमा गार्डेन मार्ट डिपार्टमेण्ट स्टोर ! कांग्रेस सुदूरपश्चिम प्रदेश सभापतिमा बलायर र मिश्र भिड्दै सुदूरपश्चिम प्रदेश : आन्तरिक मामिला मन्त्रालय तीन महिनादेखि सचिवविहीन, आर्थिक कारोबार बन्दले सेवा प्रवाहमा समस्या राप्रपा महाधिवेशन : नेताहरूलाई भोट माग्न भ्याइनभ्याइ हिमपातले हुम्लामा दुई दिनदेखि हवाई सेवा बन्द विवेकशील साझाले शनिबार ललितपुरमा बृहत आमसभा गर्दै काँग्रेस महाधिवेशनः लुम्बिनीमा शाह र पुनले प्यानलसहित गरे उम्मेदवारी दर्ता पानीमा डुबेर डेढ वर्षिया बालिकाको मृत्यु ४४ लिटर रक्तचन्दनको तेल सहित २ जना पक्राउ अग्रता जोगाउन नसक्दा फ्रेन्ड्सले थ्री स्टारसँग अंक बाँड्याे नायिका करिश्मा र गायिका रचना पनि कक्षा १२ उत्तीर्ण कार दुर्घटना हुँदा अस्पतालका ५ कर्मचारीको मृत्यु रेडपाण्डाको जस्तो देखिने छाला सहित २ जना पक्राउ