१३ माघ २०७८, बिहीबार

Jan 27, 2022

तिलोत्तमा । रुपन्देहीको तिलोत्तमा नगरपालिका वडा नं. ८ मा रहेको करहिया स्वास्थ्य चौकीले आफ्नै सुविधासम्पन्न भवनबाट सेवा दिन थालेको छ । स्थापना भएको झण्डै २६ वर्षपछि; ज्योतिनगरमा स्वास्थ्य चौकीको आफ्नै भवन निर्माण गरिएको हो । आफ्नैं भवन निर्माण भएसँगै सेवा प्रवाह सहज बन्ने स्वास्थ्यकर्मीहरुले जनाएका छन् । यसअघि स्वास्थ्य चौकी विभिन्न संघ-संस्थाका भवनमा सञ्चालन गरिएकोमा जग्गाको स्वामित्व प्राप्त भएपछि आफ्नै भवन निर्माण गरिएको हो ।

Advertisement

स्थानीय बासिन्दाले लामो समयदेखि संरक्षण गर्दै आएको झण्डै ६ कठ्ठा जग्गा स्वास्थ्य चौकीको नाममा कायम भएपछि २०७७ भदौ २३ गते स्वास्थ्य चौकी भवनको शिलान्यास गरिएको थियो । शिलन्यास गरेका तिलोत्तमा नगर प्रमुख बासुदेव घिमिरे र उपप्रमुख जगेश्वरदेवी चौधरीले नैं भवनको संयुक्त रुपमा उद्घाटन गरेका छन् । ९ जना स्वास्थ्यकर्मी र कर्मचारी कार्यरत स्वास्थ्य चौकीमा खोप, पोषण, परिवार नियोजन, सुरक्षित मातृत्व, क्षय-कुष्ठ, विद्यालय तथा किशोर/किशोरी शिक्षा, बिरामी परीक्षण, औषधि वितरण, प्रयोगशाला लगायतका प्रवर्द्धनात्मक र निदानात्मक सेवाहरु उपलब्ध छन् । स्वास्थ्य चौकीले वडा नं. ८ का अतिरिक्त वडा नं. ७, ९, ११ का बासिन्दालाई सेवा दिँदै आएको छ ।

भवन उद्घाटन गर्दै नगर प्रमुख बासुदेव घिमिरेले आधारभूत स्वास्थ्य सेवा नगरका सबै वडामा पुर्याइएको बताउँदै सरकारी स्वास्थ्य संस्थाबाट प्रवाह हुने सेवा प्रभावकारी बन्दै गएकोले त्यसबाट लाभ लिन नगरबासीलाई आग्रह गरे । स्वास्थ्यकर्मीले बिरामीको सेवालाई केन्द्रमा राखेर काम गर्नुपर्ने बताउँदै सकेसम्म रोग लाग्नै नदिन सबै जना सचेत हुनुपर्ने उल्लेख गरे । नगर प्रमुख घिमिरेले नवनिर्मित स्वास्थ्य चौकी भवनबाट प्रवाह हुने सेवा हिजो भन्दा राम्रो भएको अनुभुति दिनेगरी काम गर्न स्वास्थ्यकर्मीलाई निर्देशन दिए । विगतमा सरकारी स्वास्थ्य क्षेत्रमा केही बेथिति भए पनि जनप्रतिनिधि आइसकेपछि अनुगमनपश्चात स्वास्थ्य क्षेत्रमा उल्लेख्य सुधार भएको उनको भनाइ छ ।

नगर उपप्रमुख जगेश्वरदेवी चौधरीले स्वास्थ्य सेवा पाउनु नागरिकको नैसर्गिक अधिकार भएको बताउँदै यसमा स्वास्थ्यकर्मी र स्वास्थ्य स्वयंसेविकाको भूमिका महत्वपूर्ण रहेको बताइन् । कार्यक्रममा तिलोत्तमा नगरपालिकाका प्रमुख प्रशासकीय अधिकृत प्रदीप पौडेल, नेकपा एमालेका जिल्ला सचिवालय सदस्य यज्ञ गैरे, नेपाली कांग्रेस तिलोत्तमा नगर सभापति हरिलाल पाण्डे, नेकपा (माओवादी केन्द्र) तिलोत्तमा नगर अध्यक्ष लक्ष्मण खनाल, वडाध्यक्ष कृष्ण पौडेल, स्वास्थ्यकर्मीहरु ईश्वरीप्रसाद पाण्डेय, कृष्णकुमारी पाण्डेय, बाल क्लवकी वडा संयोजकलगायतले बोलेका थिए ।

यसैबीच भैरहवास्थित प्रतिमान–नीमा स्मृति प्रतिष्ठानले करहिया स्वास्थ्य चौकीलाई इमरजेन्सी रिलिफ बेड सहयोग गरेको छ । प्रतिष्ठानले स्वास्थ्य चौकी भवन उद्घाटन कार्यक्रममा २ थान बेड हस्तान्तरण गरेको हो । प्रतिष्ठानका निर्देशक धर्म बहादुर के.सी.ले नगर प्रमुख बासुदेव घिमिरे, उपप्रमुख जगेश्वरदेवी चौधरी र वडाअध्यक्ष तथा स्वास्थ्य चौकी व्यवस्थापन समितिका अध्यक्ष कृष्ण प्रसाद पौडेललाई उक्त बेड हस्तान्तरण गरेका हुन् ।

प्रतिकृया दिनुहोस्

Flash News

अनुमतिबिना सार्वजनिक स्थलमा फोटो,भिडियो खिच्न नपाइने तिनाउमा मृत भेटिएकी महिला सैनामैनाकी जित कुमारी घरेलु मैदानमा आर्मीलाई हराउँदै मनाङ फाइनलमा चिकित्सा शिक्षा आयोगका उपाध्यक्ष डा. गिरीमाथि ढुंगा प्रहार बुटवलको कालिकापथ वाइपास सडक : आधा अवधि सकिँदा २० प्रतिशत प्रगति तिलोत्तमाको डिङ्गरनगर र हरिहरपुरलाई जोड्न तिनाउ नदीमा पुल नेपालमा तीन करोड डोज खोप लगाइयो दिल्लीमा सप्ताहन्तको कर्फ्यू र जोरबिजोर व्यवस्था हट्यो थप ८ हजार १७ जनामा कोरोना संक्रमण, १५ जनाको मृत्यु कोरोना संक्रमणबाट मृत्यु हुनेको संख्या तीन पुग्यो काेराेना न्यूनीकरणका लागि जुम्लामा एकीकृत हेल्प डेस्क स्थापना स्थानीय तहको निर्वाचन : आयोग पदाधिकारीपछि कांग्रेसमा छलफल गर्दै प्रधानमन्त्री देउवा मन्त्री रेणु यादवविरुद्ध कारबाही गर्न कांग्रेस नेताको उजुरी सेजमा ‘शक्ति’ प्रर्दशन, कानून पालना गर्न नसके पछि मुद्दा लासमा पनि दलालको नङ्ग्राः एउटै मृतकको १० लाख झ्याम् विपद्का विभिन्न घटनामा परी २४ घण्टामा दुई जनाको मृत्यु, १० जना घाइते मृतकका परिवारलाई साढे चार लाख बीमा रकम जिप दुर्घटनामा दुई जनाको मृत्यु, एक घाइते कोभिड खोप नलगाएको भन्दै अस्पतालद्वारा विरामीको मुटु प्रत्यारोपण गर्न अस्वीकार जोर-विजोर प्रणालीले झन् सास्ती