१३ आश्विन २०७९, बिहीबार

Sep 29, 2022

बेनी । हिमालपारीको जिल्ला मुस्ताङको लोमान्थाङ गाउँपालिका–१ छोसेरको नेचुङमा सशस्त्र प्रहरी बलको बोर्डर आउट पोस्ट (बीओपी) निर्माण कार्य तीव्र गतिमा अगाडि बढेको छ । निर्माण थालिएको बिओपी निर्माण कार्य ५० प्रतिशत भौतिक प्रगति भएको छ ।

Advertisement

नेपाल सरकारले २०७७ साल जेठमा मुस्ताङको उत्तरी कोरलाको नेचुङ भन्सार कार्यालयको क्वारेन्टिन भवनमा बोर्डर आउट पोस्ट ९बीओपी० स्थापना गरेको थियो । नेपाल र चीनको बोर्डर कोरलाको नेचुङमा सशस्त्र प्रहरीको बोर्डर आउट पोस्ट स्थापना भएपछि सरकारले बीओपी बस्ने भौतिक पूर्वाधार निर्माण सुरु गरेको थियो । सशस्त्रका पूर्व अतिरिक्त महानिरीक्षक नारायणबाबु थापाको पालामा मुस्ताङको नेचुङमा बीओपी स्थापना भएको थियो । नेपाल सरकारबाट भवन निर्माणका लागि ६ करोड ३९ लाख रुपैयाँ बजेट विनियोजन भएको थियो । सरकारबाट बजेट प्राप्त भएपछि सशस्त्र प्रहरीले भवन निर्माणका लागि आवश्यक प्रक्रिया पुरा गरेर ठेक्का सम्झौता गरेको थियो ।

समुन्द्री सतहदेखि ४ हजार ५ सय मिटर उचाइमा रहेको नेचुङमा बाह्रै महिना सशस्त्र प्रहरी बलका जवान बस्न सक्ने मौसम अनुकूलित दुई तलाको ५५ कोठे भौतिक संरचनाको निर्माण सुरु गरिएको हो । वातवरण अनुकूलित भवन निर्माण गरी बीओपीको जवान बस्ने सक्ने पूर्वाधार निर्माणका लागि राज्यको पोलिसि अनुरूपकै भवन निर्माणको चरणमा अहिले रहेको छ । बीओपी भवन निर्माणका लागि नापी कन्ट्रक्सनलाई ठेक्का परको थियो । हिमपात, लकडाउन र बाढी–पहिरोले सडक अवरुद्ध हुँदा संरचना निर्माणको काम सोचे जस्तो छिटो हुन नसकेको भए पनि सम्झौता अनुसारकै समयमा निर्माण सम्पन्न गर्ने नापी कन्स्ट्रक्सनका ज्ञानेश महर्जनले बताए ।

कन्स्ट्रक्सनका महर्जन अनुसार सडक अवरुद्धले निर्माण सामाग्री ढुवानी गर्न समस्या भएको हुँदा तोकिए अनुरूप काम हुन नसके पनि करिब ५० प्रतिशत भौतिक प्रगति भएको छ । नागरिकलाई सुरक्षाको प्रत्याभूति दिलाउनका साथै सीमा सुरक्षाको हेतुले नेचुङमा बीओपी स्थापना गरिएपछि सशस्त्र प्रहरी बलको टोलीले नेपाल चीन सिमास्तभको १८ देखि ३३ नम्बरसम्मको सीमा स्तम्भको अनुगमन गर्ने गरेको छ । उत्तरी सीमा नेचुङमा सशस्त्र प्रहरी निरीक्षकको कमाण्डमा अहिले टोली खटिएको छ । हाल नेचुङ भन्सार कार्यालयको क्वारेन्टाइन भवनमा सशस्त्र प्रहरीको टोली बसेको छ ।

मुस्ताङको उत्तरी कोरला नाका खोल्ने दीर्घकालीन लक्ष्य अनुसार २०७४ सालमा उपल्लो मुस्ताङमा भन्सार, अध्यागमन, सुरक्षा निकाय लगायत सरकारी कार्यालय निर्माणका लागि जग्गा प्राप्ति गरी सकिएको छ । लोमान्थाङ गाउँपालिका–१ नेचुङमा सशस्त्र प्रहरीलाई ३३ रोपनी, नेपाल प्रहरीलाई १३ रोपनी, अध्यागमनलाई १२ रोपनी, भन्सार कार्यालयलाई १ सय ९ रोपनी र नेपाली सेनालाई १ हजार २ सय ७१ रोपनी गरी कुल १ हजार ४ सय ३६ रोपनी जग्गा ५ सरकारी कार्यालयलाई उपलब्ध गराइएको थियो ।-गोरखापत्र

प्रतिकृया दिनुहोस्

Flash News

डेंगुबाट थप दुई जनाको मृत्यु वनको संरक्षण र विकासमा चारपाला बुटवलमा सडकमा खुल्ला दुध बेच्न रोक ‘चाडपर्वको बेला सवारी दुर्घटना रोक्नको लागि सबै पक्ष सचेत हुनु पर्छ’ बुटवलका ५२ जना किसानलाई प्रोत्साहन अनुदान दिने निर्णय कबीर अटो मोबाइल्सको चाड–पर्व अफर : ‘स्वदेशी उत्पादन प्रयोग गरौं, नगद सस्तोमा किनौं’ यु-१७ पुरुष फुटबल टिम घोषणा लुम्बिनीसम्मको धम्म यात्राले रामग्रामबासी हर्षित बुटल बजारको मुख्य समस्या पार्किङ, खस्किँदै ब्यापार बुटवलमा डेङ्गु संक्रमण बढ्दै गएपछि रगत अभाव रोक्न रक्तदान पैदल यात्राकाे सुरक्षा महानगरकाे जिम्मेवारी हो, फुटपाथ व्यापारीमाथि लचिलो हुँदैनौं: बालेन देउवाप्रति गोकुल बास्कोटाको कटाक्ष– सरकार चलाउन सिकाउनेलाई देउवाले उल्टै तोरीको फूल देखाई दिए नवौं राष्ट्रिय खेलकुदको समापनमा प्रमुख अतिथि बन्न प्रधानमन्त्री देउवालाई निम्तो प्रहरी सहायता कक्षकै अगाडि यात्रुको तानातान लुम्बिनीका विद्युतीय बस सूचारु, चाड पर्वको अवधिभर नि:शुल्क दसैं लागेसँगै हरेक दिन एक लाखले छाड्दैछन् काठमाडौं रामग्राम नगरपालिकाले सुरु गर्यो वडाबाटै सामाजिक सुरक्षा भत्ता वितरण दुई महिनामा ५११ केजी सुन नेपाल भित्रियो, साढे तीन अर्ब बढी रकम बाहिरियो आज कति छ सुनचाँदीको मूल्य ? गठबन्धनको भागबन्डा टुंगियो, कुन दलले कुन क्षेत्र पाए ? (सूचीसहित)