२१ मंसिर २०७८, मंगलवार

Dec 7, 2021

टाइफाइड भएपनि कोरोनाको आशंकामा स्याहार नपाई मृत्यु भएका स्वर्गिय युवराज नेपाली

गुल्मी । जन्मेपछि एक दिन मृत्यु स्वभाविक ठानिन्छ । तर, कोरोना संक्रमणबाट वा आशंकामा बिरामी परेर मृत्यु हुने कतिपय मानिसहरुको मृत्यु अत्यन्तै अस्वभाविक र हृदयविदारक हुने गरेको भारतमा मृत्यु भएका एक जना गुल्मेली युवाको मृत्युले पनि स्पष्ट पारेको छ । ती हुन् गुल्मीको इस्मा गाउँपालिका –१ साविक हस्तीचौर गाविस उजुङ्ग गाउँका ३४ वर्षिय राज भनेर चिनिने युवराज नेपाली । जसले भारतमा एक साता अगाडि अन्तिम साससम्म पानी…,पानी … भनेर चिच्चाएर माग्दा पनि एक मुठी पानी दिने मान्छे कोही नभएर तड्पिएर भारतामा ज्यान गुमाए ।

Advertisement

भारतको नयाँदिल्ली स्थित बसन्तकुञ्जको एक होटलमा कुकको काम गर्ने राज करिब १५ दिन अघि सात दिनसम्म ज्वरोले सिकिस्त परेर कोठामा सुतेका थिए । उनले अस्पतालमा गएर जचाएको रिर्पोट साथी भाइलाई देखाएनन । उनले रिर्पोट नदेखाएपछि कोठामासँगै बस्ने साथीहरुले उनमा कोरोनो संक्रमणको शंका गरेर त्यहाँ बस्नै छाडेर अन्यत्रै बसे । उनले एक हप्तासम्म कोठामा खान पनि पाएनन् । खान माग्दा कतिपयले टाढैबाट ढोकामा रोटी फालि दिने गरेको र अक्सिजन नपाई तडपिएर मृत्यु भएको गुल्मीको मरभुङ्ग स्थित उनका जेठान खड्क नेपाली बताउँछन् । शुक्रवार हामी उनको घर उजुङ्ग पुग्दा उनका कान्छा बाबु र उनकी २८ वर्षीया श्रीमती आठौ दिनको काज किरियाको कुनोमा बसीरहेका थिए । १० वर्षीया छोरी र ६ ६ वर्षीया छोरीसँगै सेतो पहिरनमा बसेकी सिर्जना भन्दै थिइन् मृत्यु हुनको केहि समय अघि मैले यहाँबाट फोन गर्दा एक आखर ‘हई ’ भन्नुभयो त्यसपछि बोलाचाल भन्द भयो ।

उनले भनिन–‘ बैशाखमा घर आएपछि क्वारेन्टाईनमा बस्नु भयो । त्यसपछि आमा बिरामी पर्नु भयो । पाल्पा लगायतका अस्पतालमा लगेर उपचार गर्दा लाखौं खर्च भयो । तर आमाको मृत्यु भयो । त्यस पछि घर बनाईयो । झण्डै ५ ÷ ६ लाख ऋण छ । दोकानमा राशन खाएको उधारो थियो । गएर पठाउँछु भन्नु भएको थियो । गएको एक डेढ महिनामा ऋण काढेर ७० हजार रुपैयाँ पठाउनु भएको पनि थियो । ससुरा बुवा हुनुहुन्न । अब यो घर ऋण र छोरा–छोरी पालन पोषण भारी मेरै काँधमा हुने भयो । खै कसरी चलाउने हो ।’ श्रीमती सिर्जना भन्छिन्,‘ पछि रिपोर्ट नेगेटिभ देखियो रे । टाइफाइडको उपचार बेलैमा नपाउँदा उहाँको ज्यान गयो । तर, कोरोना लागेको आशंकामा नजिकका मान्छे पनि टाढा भए भन्ने सुनिन्छ । जब उहाँ पल्लो डिउ भएपछि भने केही आफन्तले हेरबिचार गरे भन्ने सुन्छु ।’

उनले १६ वर्षको उमेरदेखि नै श्रीमान भारतमा गएर नोकरी गरेको र आफू पनि केहि वर्षसम्म भारत मै बसेर फर्किएर घर सम्हाल्न फर्किएको बताइन् । दिल्लीमै रहेकी त्यस उजुङ्ग गाउँकी भारती सुनारसँग हामीले त्यहीबाट टेलिफोनमा सम्पर्क राख्दा उनले राजले कसैलाई केहि नभनेका कारण कोठा मै तड्पिएर ८ दिन अघिको शुक्रवार मृत्यु भएको बताइन् । ईस्मा गाउँपालिका –१ का वडाध्यक्ष चुराबहादुर खत्रीले उनको भारतमा मृत्यु भएपछि परिवारजनको बिचल्ली भएकोले आफूले ब्यक्तिगत रुपमा ११ हजार ५ सय ५५ रुपैयाँ सहयोग रकम घोषणा गर्दै अरु सबैसँग सहयोगको अपिल गरे ।

सूर्ती,चूरोट,जाँड रक्सी कहिल्लै सेवन नगर्ने राज त्यस गाउँको होनहार युवा भएको भन्दै ईस्मा गाउँपालिका अध्यक्ष लक्ष्मण बिष्ट , उनका भाई पूर्वमन्त्री गोकर्ण बिष्ट घर मै पुगेर सोकाकुल परिवारलाई सन्त्वना दिएका थिए । गत वर्ष कोरोनाबाट बच्न घर फर्किएका राज आमाको उपचार पछि ऋण तिर्ने सपना बोकेर ५ महिना अघि फेरी भारत गएर अल्पआयुमै ज्यान गुमाए । अन्तिमा प्रहरमा श्रीमतीसँंग केहि बेर बोल्न पनि नसकी तड्पिँदै ज्यान गुमाए । उनका जेठान उनको दर्दनाक मृत्युको खबर र दृश्यहरु तस्वीरमा हेरेर यस्तो हृदयविदारक मृत्यु कुनै नेपालीले भोग्न नपरोस् भनेर कामना गर्छन ।

प्रतिकृया दिनुहोस्

Flash News

‘नो लालपुर्जा, नो भोट’ भन्दै रत्ननगरमा सुकुम्बासीको प्रदर्शन प्रधानन्यायाधीश जबरालाई महाअभियोग लगाउन केपी ओलीलाई बारको ज्ञापनपत्र यसवर्ष ढोरपाटनमा चुके सिकारी बुटवलको दीप बोर्डिङ्ग स्कूलमा ‘दीप स्वाट’ सैनामैनामा कर्मचारी संगठनको नयाँ नेतृत्व रुपन्देहीमा ‘ओमिक्रोन’ भित्रिन नदिन उच्च सतर्कता काँग्रेस केन्द्रिय सदस्यमा लुम्बिनीका ऊर्जा, जलस्रोत मन्त्री रानाको उमेद्वारी झापामा वर्षमा आठ सय बढी हराउँछन्, मान्छे हराउँदा आधा मात्र भेटिन्छन् राष्ट्रियसभा निर्वाचन कार्यतालिका : २० पुसमा मनोनयन, ५ दिनपछि अन्तिम नामावली, ६ घण्टा मतदान सभापतिको साझा उम्मेदवार चयन गर्न चाक्सीबारीमा पौडेल-कोइराला समूहको बैठक सुरु इन्डोनेसियामा ज्वालामुखी विस्फोटमा परी ३४ को मृत्यु सीमा नाकामा ओमिक्रोनको त्रास : भारतबाट भित्रिनेहरू विशेष निगरानीमा ओमिक्राेन बिरामीले भरिए अस्पताल मालीमा भएको आतङ्कवादी हमलाको संयुक्त राष्ट्रसंघको सुरक्षा परिषदद्वारा निन्दा राप्रपालाई ज्ञानेन्द्र शाहको भजनमण्डली बनाउन दिन्नँ : कमल थापा तीन जोनका लागि रु पाँच करोड विनियोजन न्यानो घर निर्माणमा आर्थिक अभाव कमल थापालाई पार्टी फुटाउन पाथीभारा देवीको कसम बाधक ! कांग्रेस महाधिवेशन : १३ पदाधिकारीसहित एक सय ३४ जना निर्वाचनबाट चुनिँदै नारायणी नदी तटबन्धनका लागि पाँच अर्ब जुटाइँदै, भरतपुर महानगरको सक्रियता