बिवादमा घिउ नथपौं : परराष्ट्रमन्त्री ज्ञवाली

गुल्मी । परराष्ट्रमन्त्री प्रदीपकुमार ज्ञवालीले पार्टीमा देखिएको बिवादमा घिउ नथप्न आग्रह गरेका छन् । गुल्मीको नयाँगाउँमा नेपाल कम्युनिष्ट पार्टीका नेता बोमबहादुर खड्काकोे शोक सभामा बोल्दै मन्त्री ज्ञवालीले सो कुरा बताएका हुन् । ‘सके बिबादमा पानी राखौं नसके घ्यू पनि नराखौं ।’–ज्ञवालीले भने । नेता तथा कार्यकर्ताहरुलाई पार्टीमा गुट उपगुट बनाएर अनावश्यक रुपमा फेसबुक र सामाजिक संजालहरु नरङ्ग्याउन उनको सुझाब छ । पार्टीमा देखिएको बिबाद बैठकको माध्यमबाट समाधान हुने बताए ।

यसैगरी सरकारले भ्रष्ट्रचारीहरुलाई पाताफर्काएर जेल हाल्ने मन्त्री ज्ञवालीले बताएका छन् । वर्तमान सरकारले भ्रष्ट्रचार गर्ने आफना वा अरु जो कोहीलाई पनि जेल हाल्ने चेतावनी दिए । सरकारले भ्रष्ट्रचारीहरुलाई कारबाही गरेको देखेर देशमा भ्रष्ट्रचारीहरु अताल्लिएको उनले बताए । ‘सुनकाण्ड, ललिता निवास काण्ड होस या भ्याट छली गर्ने काण्डहरु,’-मन्त्री ज्ञवालीले भने ठूला-ठूला व्यक्तिहरु पनि जेलमा रहेका छन् ।

सोही कार्यक्रममा बोल्दै नेकपा स्थायी कमिटी सदस्य तथा पुर्व मन्त्री गोकर्ण बिष्टले कुनै सीमित नेताहरुको चाहानामा पार्टी बिभाजन नहुने बताए । पार्टीमा देखिएको बिवाद समधान भई एक ढिक्का भएर अगाडी बढ््ने बताएका छन् ।