१३ आश्विन २०७९, बिहीबार

Sep 29, 2022

दाङ । घोराही उपमहानगरपालिका-८ दुन्द्राका ३८ वर्षिय चन्द्रप्रसाद वली बोनम्यारोको समस्याले तीन वर्षदेखी विरामी छन् । निम्न वर्गीय परीवारका चन्द्रप्रसादको आर्थिक अभावका कारण उपचार सम्भव भएन । आफूसँग भएको सम्पत्ति बेचेर उपचार गराउँदा-गराउँदै हैरान भएका वलीले जीवन बचाँइदिन सञ्चार माध्यम तथा सामाजीक सञ्जालमा अनुरोध गरे । सहयोगी हातहरुको सहयोगले अहिले काठमाण्डौको सिभिल हस्पिटलमा उनको उपचार भइरहेको छ । अस्पतालमा भर्नाहुँदा विल तिर्न नसक्ने भएपछि चन्द्रप्रसाद अहिले घरमै बसेका छन् । उनकी बहिनीले सामाजीक सञ्जाल मार्फत सहयोगको अपिल गरेपछि धेरथोर रकम जम्मा भइरहेको छ ।

Advertisement

आर्थिक अवस्था कमजोर भएका चन्द्रप्रसादले भारतको पञ्जावमा रहेको एक होटेलमा काम गर्थे । २०७३ सालमा कामगर्ने शिलसिलामै ग्राहकले मेवाईलमा बजाएको गीतको ठूलो आवाजले उनलाई चक्कर लाग्यो र वेहोस भए । होटलकै अर्को सहकर्मीको सहायताले उनलाई अस्पताल भर्नागरी होटेलकै मालीकले उपचार गरेको चन्द्रप्रसादले बताए ।

“पञ्जाबका विभिन्न अस्पतालमा जाँचगर्दा रोग पत्ता नलागेपछि होटल मालीकले फरिदकोट मेडिकल कलेजमा लग्यो त्यहाँ जाँच गर्दा बोनम्यारोमा समस्या देखीएकोले ट्रान्सप्लान्ट गर्नुपर्ने सुझाव दियो”-चन्द्रप्रसादले भने । ४९ दिन उपचार गर्दापनि स्वास्थ्यमा सुधार नआएपछि २ वटा औषधि दिएर अस्पतालले विदा दियो ।

अस्पतालले विदा दिएपछि चन्द्रप्रसाद घर फर्किए । घर फर्किएपछि केही समय बस्दा स्टिम खाना खाँदा स्वास्थ्यमा केही सुधार भयो । ढाडदेखी केहितल घाँउ थियो त्यो घाउको अप्रेशन भएपछि शरीरमा केही आराम भएको महशुस गरी उनी फेरी पुरानै काममा फर्किए । २०७६ सालको असार महिनामा कोरोनाको संक्रमणका कारण गाडि रिजर्व गरी चन्द्रप्रसाद दाङ आए । १४ दिन क्वारेन्टिनमा बस्दा उनलाई फेरी समस्या देखियो । घोराहीमा रहेका अस्पतालमा उपचार गरी लकडाउनकै बीचमा उनलाई असार २४ गते काठमाण्डौको सिभिल अस्पतालमा भर्ना गरि उपचार सुरुभयो । त्यतीवेलासम्म उनको पिसावबाट रगत आउन थालीसकेको थियो ।

“डाक्टरले भारतमा जाँच गरेका सबै रीपोर्ट हेरेपनि विश्वास नगरेका कारण पुनः सबै परीक्षण गरी चन्द्रप्रसाद अहिले घरमा बसीरहेका छन् । बोनम्यारोको रीपोर्ट भदौ महिनामा आउने जानकारी पाएपछि अस्पतालमा बसीरहन पैसा भएन र घर आयौ”-चन्द्रप्रसादले भने । उनका ९ र ६ वर्षका २ छोरासहित श्रीमती छन् । “गरीव हुनु पनि पनि पिडा नै रहेछ आफूसँग उपचार गर्ने पैसा नभएपछि हामीजस्ताको उपचार कसले गरीदिने ?”-पिडाबाट भावुक हुँदै चन्द्रप्रसादले भने ।

भारतमा जाँच गर्दा बोनम्यारो प्रत्यारोपण नै अन्तीम विकल्प भएको डाक्टरले बताएका थिए । प्रत्यारोपण गर्न २५ लाख लाग्ने डाक्टरहरुको अनुमान रहेको चन्द्रप्रसादकी बहिनि सुनिताले जानकारी दिईन् । आर्थिक अवस्था कमजोर भएका कारण सहयोगको याचना गर्नु परेको सुनिताले बताइन् । “अहिलेसम्म देश-विदेशमा रहेकाहरुले कुनै न कुनै माध्यमबाट सहयोग गरीरहनुभएको छ ।”-सुनिताले भनिन् ।

सबैले सहयोग गरे दाइलाई बचाउन सकिन्छ की भनेर सहयोगको याचना गर्दा अहिलेसम्म ५ लाख रुपैयाँ सहयोग मिलेको सुनिताले बताईन् । चन्द्रप्रसादको दुःख देखेर जापानमा रहेका नेपाली तथा नेपालमै रहेका सहयोगी हातहरु जुट्न थालेका छन् । गरिबले उपचार गर्न कठिन रहेको चन्द्रप्रसादले बताए । “गरिवलाई बाँच्नै गाह्रो रैछ, ठूलो रोग लागे कसरी उपचार गर्नु, कसैले सहयोग नगरे उपचार नपाएरै मर्ने हो । आफ्नो सम्पत्तीले ज्यान बचाउन सकिदोरहेन छ ।” चन्द्रप्रसादकी बहिनि सुनिताले भनिन् ।

सरकारले गरिव र असहायलाई निःशुल्क उपचारको व्यवस्था गरेको कुरा खुब सुनिन्छ तर चन्द्रप्रसादको जीवनमा भने यो सुबिधाले कतै पनि छुन सकेको छैन । असहाय वापत पाउनुपर्ने सुबिधा कसले पाइरहेको छ भन्ने कुरा उनलाई थाहा छैन । उनको समस्याबारे जिल्लाका स्वास्थ्य सरोकारवाला जानकार नै छन् तर अहिलेसम्म कसैले पनि सहयोगको प्रयाससम्म गरेका छैनन् । “आफ्ना दुःख आफैसँग छन्, दुःखी गरिवलाई कसैले हेर्ने रहेनछ, सबै हुनेका पछि लाग्छन्” वोनम्यारो पिडित चन्द्रप्रसादले भने ।

प्रतिकृया दिनुहोस्

Flash News

कबीर अटो मोबाइल्सको चाड–पर्व अफर : ‘स्वदेशी उत्पादन प्रयोग गरौं, नगद सस्तोमा किनौं’ यु-१७ पुरुष फुटबल टिम घोषणा लुम्बिनीसम्मको धम्म यात्राले रामग्रामबासी हर्षित बुटल बजारको मुख्य समस्या पार्किङ, खस्किँदै ब्यापार बुटवलमा डेङ्गु संक्रमण बढ्दै गएपछि रगत अभाव रोक्न रक्तदान पैदल यात्राकाे सुरक्षा महानगरकाे जिम्मेवारी हो, फुटपाथ व्यापारीमाथि लचिलो हुँदैनौं: बालेन देउवाप्रति गोकुल बास्कोटाको कटाक्ष– सरकार चलाउन सिकाउनेलाई देउवाले उल्टै तोरीको फूल देखाई दिए नवौं राष्ट्रिय खेलकुदको समापनमा प्रमुख अतिथि बन्न प्रधानमन्त्री देउवालाई निम्तो प्रहरी सहायता कक्षकै अगाडि यात्रुको तानातान लुम्बिनीका विद्युतीय बस सूचारु, चाड पर्वको अवधिभर नि:शुल्क दसैं लागेसँगै हरेक दिन एक लाखले छाड्दैछन् काठमाडौं रामग्राम नगरपालिकाले सुरु गर्यो वडाबाटै सामाजिक सुरक्षा भत्ता वितरण दुई महिनामा ५११ केजी सुन नेपाल भित्रियो, साढे तीन अर्ब बढी रकम बाहिरियो आज कति छ सुनचाँदीको मूल्य ? गठबन्धनको भागबन्डा टुंगियो, कुन दलले कुन क्षेत्र पाए ? (सूचीसहित) त्रिभुवन विमानस्थल वरपर चङ्गा उडाए कारबाही हुने रेस्टुरेन्टमा आगलागी हुँदा कम्तीमा १७ जनाको मृत्यु एमाले सचिवालय बैठक बस्दै, उम्मेदवार टुंग्याउने चटारो दसैंको मुखमा चामल बिक्री बन्द भारतमा पनि आईफोन १४ उत्पादन सुरु