गायिका मञ्जुको ‘तीजैमा’ (भिडियोसहित)

गुल्मी । हिन्दु महिलाहरुको महान पर्व तीज आउन झण्डै आधा महिना बाँकी छ । कलाकारहरुलाई भने तीज पर्व लागि सकेको छ । कलाकारहरु तीज सम्बन्धी गीत सार्बजनिक गरि रहेका छन् । तीज गीतमा प्राय नारि बेदाना तथा नारि भावको कथा बस्तु समेटिएको हुन्छ ।

पछिल्लो समय बजारमा आधुनिकताका नाममा मौलिकता र परम्परालाई नै ख्याल नराखी तीज भाकाहरु सार्वजनिक भएपनि केही कलाकारहरुले भने मौलिकतालाई भुलेका छैनन् । मौलिकता बचाउनेतर्फको लाइनमा यो वर्ष गायीका मञ्जु पौडेल पनि परेकी छन् । गायिका पौडेलले नारि भावलाई समेटेर तयार पारिएको ‘तीजैमा’ बोलको तीज सार्वजनिक भएको छ । तीजको बेला दिदी बहिनी जम्माभएर आफ्ना मन भित्रका पिडा पोखेर गाउँने नारी भावनालाई समेटेर आफनो गीतमा समाबेश गरिएको पौडेलको भनाई छ । गीतमा गायिका मञ्जु पौडेल र गायिका मीना निरौलाको स्वर रहेको छ ।

आफ्नै संगीत एवं दिग्गज द्यौरालीको शब्दमा रहेको गीतको संगीत संयोजन निरज श्रेष्ठले गरेको उनले बताइन् । गीतको म्युजिक भिडियो छायांकन तथा निर्देशन दुर्गा पौडेलको रहेको छ । गीतमा गायिका मञ्जु पौडेल र मीना निरौला सहित इन्दु, रश्मी र भावना लगाएतको अभिनय रहेको छ । गित बीएमएस फिल्म्स को युट्युब च्यानल मार्फत सार्वजनिक गरिएको छ ।

गीतको पुरा भिडियो