काठमाडौं । नेपाल राष्ट्र बैंकका नवनियुक्त गभर्नर डा। विश्वनाथ पौडेलले जिम्मेवारी सम्हालेका छन् । बालुवाटारस्थित राष्ट्र बैंकको कार्यालयमा पदभार ग्रहण गर्दै ५ सय र एक हजारका नयाँ नोट छाप्ने पहिलो निर्णयमा हस्ताक्षर गरे ।बैंक तथा वित्तीय संस्थाको सुपरीवेक्षणलाई प्राथमिकता दिएर अघि बढ्ने उनको भनाइ छ ।
पौडेलले भने, ‘हामीले केबल नियम बनाएर मात्र हुँदैन सुपरीवेक्षणलाई पनि बढाउनुपर्छ । त्यस्तै कर्जाको गुणस्तर बढाउने कुरालाई पनि जोड दिनेछौँ ।’
त्यस्तै, सरकारको वित्त नीतिलाई सघाउने गरी मौद्रिक नीतिका व्यवस्था अवलम्बन गर्ने उनको भनाइ छ । मुलुकको आर्थिक गतिविधिलाई चलायमान बनाउन सबैसँग समन्वय गरेर अघि बढ्ने पौडेलले प्रतिवद्धता जनाए ।
कार्यकारी निर्देशक गुणाकर भट्टले दिएको राजीनामाबारे सोधिएको प्रश्नमा उनले आफूकहाँ फाइल आइनसकेको र यो आन्तरिक विषय भएको बताए ।
युनिकोड
मिति रूपान्तरण
ग्लोबल आवाज
प्रतिक्रिया