तिलोत्तमाको जानकीनगरमा डाँफे इलेक्ट्रोनिक्स हाउस

बुटवल । उपभोक्तालाई एउटै छानोमुनी सम्पूर्ण इलेक्ट्रोनिक्सका सामान उपलब्ध गराउने गरी रूपन्देहीको तिलोत्तमा(३ जानकीनगरमा डाँफे इलेक्ट्रोनिक्स हाउस सञ्चालनमा आएको छ ।

यस क्षेत्रमा ५ जना युवा उद्यमीले संयुक्त लगानी गरी सबै कम्पनीमा इलेक्ट्रोनिक्स सामान उपलब्ध गराउने गरी आइतबारदेखि सञ्चालनमा आउन लागेको हो । डाँफे इलेक्ट्रोनिक्सले शनिबार बुटवलमा पत्रकार सम्मेलन गरी सात करोड रुपैयाँको लगानीमा हाउस सञ्चालनमा ल्याएको बताएको हो । हाउसमा नेपालसहित विश्वबजारमा प्रख्याती कमाएका इलेक्ट्रोनिक्स ब्राण्ड पाइनेछन ।

हाउसका अध्यक्ष डम्बरदेव अर्यालले घरमा प्रयोग हुने सबै इलेक्ट्रोनिक्स सामान खोज्न अनयन्त्र धाइरहनुपर्ने बाध्यता हटाउने गरी सञ्चालन गरिएको बताए । हाउसका सञ्चालक बाशुदेश शर्माले उद्घाटन सत्रमा २० देखि ४० प्रतिशतसम्म छुटको व्यवस्था गरिएको बताए ।

इलेक्ट्रोनिक्स हाउसमा एलजी, सिजी, पानासोनिक्स, सामसुङ, स्टेला, बल्याक डेका कम्पनीका उत्पादन होलसेल र रिटेल गरी छुटै(छुट्टै युनिटबाट विक्री हुनेछ । सञ्चालकमा डम्बरदेव अर्याल, बाशुदेव शर्मा, विजय पाण्डे, सुवास नेपाल र गोपाल शर्मा रहेका छन । हाउसबाट सेवा लिएकाहरुलाई विक्रीपछिको सेवा समेत उपलब्ध हुनेछ । हाउसमा १२ जनाले रोजगारी पाएका छन् ।