ग्लोबल आवाजAdvertisement
काठमाठमाडौं । नेकपा एमालेको मधेश प्रदेश अधिवेशन आज सुरु हुँदैछ । अधिवेशनको उद्घाटन गर्न एमाले अध्यक्ष केपी शर्मा ओली जनकपुरधाम जाँदै छन्। जनकपुरधामस्थित महेन्द्र नारायण निधि मिथिला संस्कृति भवनमा अधिवेशनको तयारी गरिएको छ । अधिवेशन उद्घाटन गर्न अध्यक्ष ओली मध्यान्ह जनकपुरधाम पुग्ने बुझिएको छ । उनले सामाजिक सञ्जालमा लेखेका छन् ‘शभ प्रभात १ आइ जनकपुर मे भेंट करी, हम आबी रहल छी । ‘
मधेशका आठ जिल्लामा एमालेका करिब ६३ हजार सक्रिय छन् । जसमध्ये एक हजार अधिवेशन प्रतिनिधि चयन गरिएको छ । भोलीसम्म चल्ने अधिवेशनबाट एमालेले प्रदेशमा नयाँ नेतृत्व चयन गर्नेछ । अधिवेशनमा करिब ४० लाख रुपैयाँ खर्च हुने अनुमान गरिएको छ । अधिवेशनको आर्थिक श्रोत मुख्य रूपमा पार्टीको आन्तरिक श्रोतबाट नै व्यवस्थापन गरिएको छ ।
प्रतिनिधिहरूको शुल्क, पार्टी सदस्यले प्रदान गर्ने लेवि, पार्टी शुभेच्छुकको सहयोग वाट अधिवेशन व्यवस्थापन हुनेछ । सबै जिल्लाबाट आफ्नै श्रोत साधनमा कार्यकर्ताहरू जनकपुरधाम आउने एमालेले जनाएको छ । एमाले मधेश प्रदेश अध्यक्षका लागि अहिलेसम्म कुनै नेता खुलेका छैनन् । तर आधा दर्जन बढी नेता प्रदेश अध्यक्षका आकांक्षी छन् ।
प्रतिकृया दिनुहोस्