भैरहवा । जिल्ला ट्राफिक कार्यालय रुपन्देहीमा प्रमुखमा बजिर सिंह बिष्ट आएका छन् । नव आगन्तुक ट्राफिक प्रहरी बिष्टले ट्राफिकलाई सहज, सुलभ र सुदृण बनाउनका लागि कार्ययोजना बनाएर अघि बढ्ने बताएका छन् ।

सोमबार भैरहवामा पत्रकारहरुसंग कुरा गर्दै विष्टले ट्राफिक ब्यवस्थापन एवम कानून कार्यान्वयनमा समन्वय गरि अगाडी बढने समेत बताए । दुर्घटना न्यूनिकरणमा कार्यवाही संगै सचेतनाको बिषयमा सामान्तर रुपमा लाग्ने उनले बताए । अहिले प्रविधिको कारण ट्राफिक प्रहरीमा समस्या रहेको बताउदै उनले यसको सहजीकरणमा पनि अघि बढने बताए ।

यस्तै भैरहवा क्षेत्रमा पार्किङ्ग, ई–रिक्सा लगायतको समस्या पनि रहेको हुदा सरोकारवालासंग छलफल गरि यसलाई ब्यवस्थापन तर्फ लाग्ने उनले बताए । उनले रुपनदेहीमा बिगतका तथ्यांकहरु हेर्दा अधिकतम दुर्घटना तिव्र गतिका कारण हुने देखिएकोले उमेरलाई दृष्टिगत गरि न्यूनिकरणमा जाने बताए । “अधिकतम युवा समूहमा बिशेष गरि मोटरसाईकल द्रुत गतिमा चलाउने गरेका कारण यस्तालाई निगरानी गरिनेछ ।” उनले भने “भैरहवा, बेथरी, तिलोत्तमा लगायतका क्षेत्रमा अटोमेटिक नम्बर प्लेट रिडिङ्ग मेशीन जडान गर्ने योजना पनि रहेको छ ।”

कार्यक्रममा भैरहवाका पत्रकारहरुले ट्राफिक प्रहरीले कार्यवाही र सचेतनालाई संगै लैजान सुझाव दिएका थिए । यस्तै भारतीय गाडीलाई हेर्ने प्रहरीको नजरमा परिवर्तन ल्याउन पनि उनिहरुको सुझाव रहेको थियो । नागरिक संग प्रहरीले गर्ने ब्यवहार, पार्किङ्ग लगायतको समस्या रहेको बताउदै पत्रकारहरुले यसको न्यूनिकरणको प्रयास थाल्न ट्राफिक प्रहरीलाई सुझाव दिएका थिए ।