सुखी नेपाली, समृद्ध नेपालका लागि ‘एक घर एक स्काउट’, ‘एक विद्यालय एक युनिट’

बुटवल । लुम्बिनी प्रदेशका निवर्तमान मुख्यमन्त्री लिला गिरीले संघीयता स्थापना भएपछि लुम्बिनी प्रदेशमा स्काउटका गतिबिधि अगाडि बढेको बताए । बुधवार नेपाल स्काउट लुम्बिनी प्रदेश कार्यालयको ५४ औं पुरुष तथा ४५ औं महिला एडभान्स तालिमको सुभारम्भ गर्दै गिरीले स्काउटले नेतृत्व तालिमहरु संचालन गरि युवाहरुको क्षमता बिस्तार गरेको बताए ।

स्काउटलाई आगामी दिनमा थप चलायमान बनाउन प्रदेश सरकारले सहयोग गर्ने बताए । कार्यक्रममा बोल्दै नेपाल स्काउट लुम्बिनी प्रदेश संयोजक दिनानाथ भट्टराईले नेपाल स्काउटलाई प्रदेश भरी बिस्तार गर्ने बताए । शारिरिक मानसिक र बौद्धिक रुपमा बालबालिकालाई राष्ट्रको सचरित्रवान नागरिक बनाउने उद्देश्यले लागिपरेको बताए । सुखी नेपाली समृद्ध नेपाललाई साकार पार्न नेपाल स्काउट निरन्तर लागेको उनले बताए । स्काउटले आगामी वर्ष सन् २०३२ सम्म १ लाख ३८ हजार सदस्य बृद्धि गरि एक घर एक स्काउट एक विद्यालय एक युनिटको लक्ष्य लिइएको उनले उल्लेख गरे ।

कार्यक्रममा बुटवल उपमहानगरपालिका–११ का वडा अध्यक्ष रामचन्द्र खनाल, नहरपुर माविका प्रधानाध्यापक धनिश्वर गौतम, वडा सदस्य नहकुल शाहि ठकुरी, नेपाल स्काउट रुपन्देही इन्चार्ज भरत अर्याल, नविन औद्योगिक कदर बहादुर रिता माविका प्रधानाध्यापक प्रेम बस्नेत, उपमहानगरपालिकाका नगर प्रबक्ता शिब राना, नेपाल स्काउट राष्ट्रिय समिति सदस्य विजेन्द्र ध्वजु, प्याब्सन प्रदेश अध्यक्ष लालहरी पाण्डे लगायतले बोलेका थिए । कार्यक्रम नेपाल स्काउट लुम्बिनी प्रदेश कार्यालय प्रमुख तारा पुरीको संचालनमा सम्पन्न भएको थियो ।

Advertisement