बुछवल । रुपन्देहीको बुटवल उपमहानगरपालिका-१० कालिकानगरमा मोटरसाइकलको ठक्करबाट एक पुरुषको ज्यान गएको छ । सिद्धार्थ राजमार्ग अन्तरगत भैरहवाबाट बुटवलतर्फ आउँदै गरेको मोटरसाइकलको ठक्करबाट शुक्रबार राती स्थानी बुटवल-१० का ७२ वर्षीय पशुपति भट्टराइको मृत्यु भएको हो ।
ईलाका प्रहरी कार्यालय बुटवलले दिएको जानकारी अनुसार पैदलयात्री भट्टराईलाई लु ५४ प ७३०७ नम्बरको मोटरसाइकलले ठक्कर दिएको थियो । घटना लगत्तै उद्दार गरि उपचारका लागि स्थानीय चौराह हस्पिटलमा लगिएपनि चिकित्सकले उनलाई मृत घोषणा गरेको थियो । मोटरसाइकल चालक बुटवल- ४ आदर्शनगर बस्ने २४ वर्षीय बिरेन थापाको अस्पतालमा उपचार भइरहेको प्रहरीले जनाएको छ ।
प्रतिक्रिया