२९ श्रावण २०७९, आईतवार

Aug 14, 2022

दाङ । सरकारले लामो दुरीका सवारीका साधन असोज १ गतेबाट मात्रै सञ्चालन गर्न दिए पनि छोटोदुरीका सार्वजनिक सवारीका साधन गत गत साउन ८ गतेदेखि पचास प्रतिशत बढि भाडा लिन पाउने गरी सन्चालन गर्न दिएको हो । साथै सवारी साधनको सिट क्षमताको आधा यात्रु राख्ने, सामाजिक दुरी कायम गर्ने र मास्क प्रयोग गर्ने सर्तमा गाडी सन्चालन गर्न दिईएको थियो ।

Advertisement

तर छोटो दुरीमा चल्ने सवारी साधनले भने दाङमा कुनै स्वास्थ्य मापदण्ड पूरा गरेको देखिदैन । असोज १ गते सन्चालनमा आएका लामो दुरीका सार्वजनिक सवारीका साधनले स्वास्थ्य मापदण्ड पालना गरे पनि छोटो दुरीका सवारी साधनले स्वास्थ्य मापदण्ड उल्लङ्घन गदै आएको पाइएको हो । कोरोना भाइरसको संक्रमणबाट बच्न सरकारले दुई जनाको सिटमा एकजना मात्रै यात्रु राखेर सवारी चलाउन भने पनि व्यवहारमा त्यसो भएको पाइदैन ।

छोटो दुरीका सवारीका साधनमा यात्रा गर्दा भौतिक दुरी र भाडा लिने विषयमा सरकारको निर्णय कार्यन्वयन नभएको भन्दै गुनासो गर्ने यात्रुहरुको संख्या बढ्दो छ । दाङमा पछिल्लो पटक २ साताको निषेधाज्ञा खुकुलो भएसँगै छोटो दुरीका सवारी साधन जोर बिजोर नम्बरका अधारमा सञ्चालनमा आए, तर पनि स्वास्थ्य सजकता भने शुन्य देखिएको छ । यसको नियमक निकायहरुको मौनताले गर्दा अहिले आधिकांश यात्रुले कोरोनाको जोखिम मोल्दै महङ्गो भाडा तिर्न बाध्य भएका छन् ।

यस्तै तुलसीपुरबाट घोराहीसम्मको यात्रा गरेर बसबाट ओर्लिदै गरेकी श्रृजना घर्ति मगरले निकै जोखिमपूर्ण यात्रा भएको बताइन् । ‘बसमा नागरिकको निकै घुइचो छ, दोब्वर सिटमा १ जना बस्ने नियम बने पनि कुनै सिटमा ३ जनासम्म बसेका हुन्छन् ।’–उनले भनीन् । बसको कन्ट्याक्टरलाई भाडा बढि लिएर पनि किन कोचाकोच यात्रु हालेको भनेर प्रश्न गर्दा खासै जिम्मेवार जवाफ नपाएपछि आफू जोखिम मोलेरै यात्रा गर्न बाध्य भएको श्रृजना घर्ति मगरले बताइन् ।

यात्रुहरुको खचाखच भीडका कारण कोरोना संक्रमणको जोखिम बढेको छ भने कोचिएरै यात्रा गर्ने यात्रुहरुले अनावश्यक रुपमा महङ्गो भाडा तिर्न बाध्य छन् । शुक्रबार घोराही चोकको दृष्य हेर्दा यात्रुको पर्खाईमा रहेका बसका चालक तथा सहचालक यात्रु खोज्न तुलसीपुर–तुलसीपुर भन्दै यात्रु बलाइरहेका थिए । बसमा यात्रुहरु ५० प्रतिशतभन्दा धेरै देखिन्थे तर सहचालक भने यात्रु खोज्ने काममा लागीरहेका थिए ।

यस्तै अर्का यात्रु सुनिल श्रेष्ठको पनि दुःखेसो यस्तै छ । यात्रु किन धेरै छन्, यसले कोरोनाको जोखिम बढाउने भयो भन्दा उनलाई सहचालकबाट जोरबिजोर अनुसार गाडी चलेकाले थोरै गाडीमात्र सञ्चालनमा आउँदा धेरै यात्रु राख्नु परेको जबाफ मिल्यो । गाडीमा खचाखच यात्रु कोच्दा संक्रमणको जोखिममात्रै होइन, ओभरलोडका कारण सवारी दुर्घटनाको सम्भावना पनि बढेको छ । त्यसैले सरकारको नियम लागू नगर्ने सवारी साधनका चालकलाई कडा कारवाही गर्नुपर्ने श्रेष्ठको माग छ ।

सरकारले जिल्ला भित्र चल्ने सार्वजनिक सवारीका साधन सञ्चालनका लागि तोकेको मापदण्ड घोराही तुलसीपुरमा चल्ने सवारी साधन मात्रै हैन, घोराही-लमहीसँगै अन्य रुटमा चल्ने छोटो दुरीका सवारी साधनहरुले पनि उल्लंघन गरिरहेकै छन् ।

यस्तै जिल्ला ट्राफिक प्रहरी कार्यालय दाङका प्रमुख प्रेम रेग्मीले यातायातका साधनहरुले मनोमानी रुपमा यात्रुहरु चढाउने गरेको र त्यसको नियन्त्रणका लागि आँफूहरु लागि परेको बताए । भदौमा मात्रै धेरै यात्रु बोक्ने ६८ वटा बसका चालकलाई नियन्त्रणमा लिएर कार्वाही गर्दा ४१ हजार ५ सय रुपैया जरिवाना स्वरुप राजस्व संकलन भएको ट्राफिक कार्यालयले जनाएको छ ।

ट्राफिकको तर्फबाट यातायात सञ्चालनका लागि सरकारले लागू गरेको मापदण्ड पूरा भए नभएको बारेमा जाँँचलाई प्रभाकारी रुपमा अगाडी बढाएको रेग्मीको दाबी छ । खचाखच यात्रु भरिनुमा सवारी साधनका सञ्चालकको मात्रै दोष छैन्, यसमा यात्रुहरु पनि स्वयम जिम्मेवार हुनुपर्छ । यात्रुहरुले पनि सरकारले निर्धारण गरेको मापदण्डसँगै संक्रमणलाई ध्यान नदिई आँफै कोचिएरै यात्रा गर्न राजी देखिने गरेकाले पनि यस्को कार्यान्वयनमा समस्या देखिएको ट्राफिक प्रहरी प्रमुख रेग्मीले बताए । प्रत्येक नागरिक स्वविवेकी बन्दै खवरदारी गर्न सक्ने हो भने नियमको पालनामात्रै होईन, सवारी दुर्घटनाका घटनामा पनि कमी आउने उनको धारणा छ ।

प्रतिकृया दिनुहोस्

Flash News

आत्मनिर्भर हजुरआमाहरू संघीय सरकारविरुद्ध मधेश प्रदेशका मुख्यमन्त्री र मन्त्रीहरू नै धर्नामा गणपूरक संख्या नपुगेपछि दोस्रो पटक पनि संसद बैठक स्थगित प्रचण्ड-बाबुरामबीच एउटै चुनाव चिन्हमा लड्ने सहमति एमालेले अर्थमन्त्री शर्मालाई स्वीकार्‍यो विद्यालयमा बहुउपयोगी शैक्षिक सामग्री र दृश्टिविहिन विद्यार्थीहरुलाई भोजन पहिरोले एक्स्काभेटर पुर्दा चालकको घटनास्थलमै मृत्यु रोट्रयाक्ट क्लब अफ बुटबल रामापिथेकसको अध्यक्षमा घिमिरे कर्णाली प्रदेशका उद्योगमन्त्री शाहीले लिए सपथ विवेकशील साझा पार्टी पुनर्गठन गर्ने मिलन पाण्डेको घोषणा कहिले पुग्छ कर्णालीका विद्यार्थीको हातमा पाठ्यपुस्तक ? बुटवलमा नेपाल रक्तदाता संघको केन्द्रिय कार्यालय उद्घाटन ‘मिस्टर एन्ड मिस थारु’ प्रतियोगितामा ५१ प्रतिस्पर्धी लमजुङमा एक वर्षमा २० वर्ष नपुग्दै एक सय ५५ जना आमा दागबत्ती दिन पाँच लाख माग गठबन्धन कर र डर दुवै हो: रामचन्द्र पौडेल भेन्टिलेटरमा रहेका राजु श्रीवास्तवलाई सुनाइँदैछ अमिताभको अडियो ट्रयाक्टर दुर्घटना हुँदा एक जनाको मृत्यु पौडी खेल्ने क्रममा डुबेर २६ वर्षीय निराजन पोख्रेलको मृत्यु शिक्षकका लागि राखेको पानी पिएको आरोपमा कुटिएका दलित विद्यार्थीको मृत्यु