मृगौला प्रत्यारोपणपछि प्रधानमन्त्री ओलीलाई आईसीयूमा सारियो

काठमाडौं । दोस्रोपटक सफलतापूर्वक मृगौला प्रत्यारोपण सम्पन्नभएसँगै प्रधानमन्त्री केपी शर्मा ओलीलाई आईसीयूमा सारिएको उपचारमा संलग्न चिकित्सकहरुले जानकारी दिएका छन् ।

बुधबार महाराजगन्जस्थित त्रिवि शिक्षण अस्पतालमा प्रधानमन्त्री ओलीको मिर्गौला सफल रुपमा प्रत्यारोपण गरिएको थियो । चिकित्सकहरुका अनुसार प्रधानमन्त्रीको नयाँ मिर्गौलाले काम गर्न थालेको छ ।

उपचारमा संलग्न एक चिकित्सकका अनुसार मिर्गौला प्रत्यारोपण भएपछि पिसाब पनि भएको छ । पिसाब आउनु भनेको नयाँ मिर्गौलाले काम गर्नु हो ।