गुल्मी । गुल्मीको स्ववियु निर्वाचनमा वामगठन्धनका विद्यार्थीहरुको वर्चश्व देखिएको छ । जिल्लाका ११ वटा क्याम्पस मध्ये ९ वटा क्याम्पसमा बामगठन्धनले जितेर उनिहरुको बर्चश्व देखिएको हो । स्ववियु निर्वाचनमा रानीवासको श्रृंगेश्वर बाहेक अन्य क्याम्पसमा नेकपा एमाले निकट अनेरास्ववियु र नेकपा माओवादी केन्द्र निकट अखिल क्रान्तिकारीले संयुक्त प्यानल बनाएका थिए । फलस्वरुप ५ वटा क्याम्स जितेर अनेरास्ववियु पहिलो संगठन बनेको छ । चार वटा क्याम्पस जितेर अखिल क्रान्तिकारी दोश्रो र दुई वटा क्याम्स जितेर नेवि संघ तेश्रो संगठन बनेको छ ।

अनेरास्ववियु र क्रान्तिकारीले जितेका क्याम्पस मध्ये अधिकांसमा सहमतिका आधारमा स्ववियुको नेतृत्व चयन भएको हो । जम्मा ३ वटा क्याम्पसमा चुनाव भएको थियो । सहमतिका आधारमा अनेरास्ववियुबाट मानका टिकराम क्याम्पसमा आकाश खरेल, सत्यवती क्याम्पसमा अस्मीता भण्डारी, दिगाम आदर्श क्याम्पसमा श्रीधर अर्जेल, रुद्रावती बहुमुखी क्याम्पसमा अनिश पाठक र रिडी क्याम्पसमा गंगा कुँवर सभापतिमा निर्वाचित भएका छन् । यी मध्ये रुद्रावतीमा मात्र निर्वाचनबाट नेतृत्व चयन भएको हो । रिडी र दिगामबाहेक अन्य सबै क्याम्पसमा अन्य विद्यार्थी संगठनसँग गठबन्धन छ ।

त्यस्तै अखिल क्रान्तिकारीबाट चन्द्रकोट बहुमुखी क्याम्पसमा प्रभा पौडेल, धुर्कोट परमानन्द भण्डारी बहुमुखी क्याम्पसमा ईन्द्र पोखरेल, जनज्योति क्याम्पसमा जीवन पौड्याल र श्रृङ्गेश्वर बहुमुखि क्याम्पसमा विशाल थापा सभापतिमा निर्वाचित भएका छन । क्रान्तिकारीले जितेका मध्ये श्रृङ्गेश्वरमा मात्र निर्वाचन भएको हो । अन्यमा विभिन्न संगठनसँग गठबन्धन छ । नेविसंघले जिल्ला सदरमुकामको रेसुङ्गा बहुमुखी क्याम्पस र रुरु संस्कृत विद्यापिठमा सभापति जितेको छ । जिल्लाको सबै भन्दा ठुलो र प्रतिस्ठाको बिषय बन्ने सदरमुकाम तम्घासकोा रेसुङ्गामा बहुमुखी क्याम्पसमा भने अनेरास्ववियुको संयुक्त गठबन्धनलाई ढलाउँदै नेवि संघको प्यानलले विजयीको झण्डा फराएको छ ।

सभापतिमा नेवि संघका पुनाराम घिमिरे भारी मतान्तरले विजयी भएका छन । घिमिरेले ३९५ मत पाएका छन भने उनका निकटतम प्रतिद्धन्द्धी अनेरास्वुवियु संयुक्तका नविन अर्यालले २६८ मत प्राप्त गरेका थिए । यति धेरै मतान्तर होला भनेर स्वयम नेवि संघका नेताहरुले समेत अनुमान नगरेको बताउँछन । सो प्यानलका सचिव पदका उमेदवार सुदिप खत्रीले पनि ३८७ मत ल्याएर बिजयी भएका छन । उनका प्रतिद्धन्द्धी हुमाकान्त पोखरेलले २७३ मत प्राप्त गरेका थिए । कोषाध्यक्षमा नेवि संघकी यमुना सेनले ३८५ मत ल्याएर विजयी भएकी छन । उनका निकटतम प्रतिद्धन्धी सिर्जना गिरिले २७५ मत प्राप्त गरेकी थिईन । लोकप्रिय मत ल्याउने नेवि संघ विजयी सदूय अनिष पन्थी रहेका छन । उनले ४१० मत प्राप्त गरेका थिए । त्यस्तै सोही प्यानका अनु्प सुनारले ३८६ मत, अलिशा पाण्डेले ३८९ मत , किरण थापाले ३८४ मत र कमल कुवरले ३४६ मत प्राप्त गरि कार्य समिति सदस्यमा निर्वाचित भएका छन । त्यस क्याम्पसमा कुल मतदाता ७६२ रहेकोमा ६७१ मत खसेको निर्वाचन अधिकृत यमबहादु्र थापाले बताए ।

१४ बर्षपछि नेविसंघले विरासत फर्कायो
२०६५ साल अघि सम्म नेवि संघको एकलौटी किल्ला भनिएको त्यस क्याम्पसलाई एमाले र माओवादी निकट विद्यार्थीहरुको संयुक्त प्यानलले निर्वाचनबाट किल्ला भत्काएको थियो । त्यति बेला अनेरास्ववियुका ज्ञानबहादुर महतराले सभापति जितेका थिए । सोही प्यानलले २०७३ सालमा पनि श्रीराम महत सभापति सहितले विजय हाँसिल गरेका थिए । अहिले १४ बर्ष पछि नेवि संघले आफ्नो विरासत भारी मतान्तरले फर्काएको छ ।
अन्यत्र बामगठबन्धन भनिए पनि श्रृंगेश्वर क्याम्पसमा नेवि संघको सहयोगमा अखिल क्रान्तिकारीको प्यानल विजयी भएको हो । त्यस्तै रुरु संस्कृति विद्यापिठमा फेरी क्रान्तिकारीको सहयोगमा नेवि संघका नारायण पन्थीको सभापतित्वमा स्ववियु गठन भएको छ ।