माघ १०,
काठमाण्डौं । सरकारले डाक्टर गोविन्द केसीका सबै माग पूरा भएको भन्दै आन्दोलनको कुनै अर्थ नभएको जनाएको छ । मन्त्रिपरिषदको बैठक सार्वजनिक गर्न भएको पत्रकार सम्मेलनमा सरकारका प्रवक्ता तथा सूचना तथा सञ्चार प्रविधिमन्त्री गोकुल बाँस्कोटाले सरकारले नागरिकमुखी चिकित्सा शिक्षा विधेयक संसदमा पेश गरेको भन्दै आन्दोलनको अर्थ नभएको बताएका हुन् ।
संसदबाट अब विधेयक फिर्ता हुने कल्पना पनि गर्न नसकिने भन्दै उनले विधेयक पास हुने ठोकुवा गरे । लोकतन्त्रमा संसदको बहुमतको सम्मान हुने भन्दै चिकित्सा शिक्षा विधेयकको टुंगो संसदले लगाउने पनि उनले बताए । डाक्टर केसीले नै विधेयक नपढेको हुनसक्ने भन्दै उनले विधेयक पूरै पढ्न पनि डा केसीलाई आग्रह गरे ।
‘डाक्टर केसीलाई हामीले संसदमा पेश भएकोभन्दा अर्कै विधेयक पो दिइएको छ कि भन्ने लागेको छ, डाक्टर सापलाई अनुरोध छ, कृपया विधेयक पढिदिनुस्, तपाइँले उठाएका सबै माग पूरा भएका छन’ प्रवक्ता बाँस्कोटाले भने ।
केसीको अनसनलाई कांग्रेसले राजनीतिकरण गरेको भन्दै उनले संसदमा हुलहुज्जत गर्ने र सभामुखलाई घेराबन्दी गर्नु लोकतान्त्रिक चरित्र नभएको बताए ।
युनिकोड
मिति रूपान्तरण
ग्लोबल आवाज
प्रतिक्रिया