१३ आश्विन २०७९, बिहीबार

Sep 29, 2022

गुल्मी । रोजगारीको शिलसिलामा युवा विदेश पलायन हुने क्रम रोकिएको छैन । तर गुल्मीमा केही यस्ता युवा पनि छन् जो स्वदेशमै राम्रो आम्दानी गर्न सकिन्छ भनेर कम्मर कसेर लागि परेका छन् । स्वदेशभित्रै पनि अथाह सम्भावना छ भनेर केही युवा अहिले समाजमा उदाहरणीय पात्र बन्न थालेका छन् । यस्तै मध्ये गुल्मीको रेसुङ्गा नगरपालिका वडा नम्बर-४ का तोयनारायण पाण्डे उदाहरणीय पात्र हुन् ।

Advertisement

वैदेशीक रोजगारिको शिलसिलामा पाण्डे १४ वर्षको उमेरमा भारत गएका थिए । भारतमा पनि कमाई नभएपछि मलेसिया र कतारमा ९ वर्ष जति बसेर फर्किएका हुन् । उमेरको झण्डै २५ वर्ष प्रदेशमा बिताएका पाण्डेले कुनै प्रगति नभएपछि कृषि पेशामा हात हालेका हुन् । प्रदेशको कमाइले कुनै प्रगति नभएपछि कृषि पेसातर्फ लागेको उनले बताए । निर्वाहमुखी कृषिलाई व्यवसायिक तरिकाले गर्ने सोँचले भैँसी पालनबाट पेशालाई व्यावस्थित गर्दै आएका छन् ।

पाण्डेले विदेशबाट फर्केपछि शुरु गरेको व्यवसायिक भैँसीपालनबाट मनग्य आम्दानी गर्न थालेका छन् । विदेशमा धेरै दुखः कष्ट गरेको कमाइले कुनै प्रगति गर्न नसकेपछि पाण्डेले आफ्नै घरमा २ वटा भैँसीबाट सुरु गरेको दुग्ध व्यवसाय भैँसीपालनबाट मासिक ५० हजार रुपैयाँ भन्दा बढि आम्दानी हुन थालेको छ ।

पाण्डेको फर्ममा ४ वटा दुध दिने भैँसी छन् । एउटा भैँसीले कम्तिमा पाँच लिटर भन्दा बढि दूध दिन्छन् । हाल दैनिक २० लिटर दुध उत्पादन हुन्छ । उक्त दूध तम्घास बजार लगेर आफैले बेच्ने गरेको उनको भनाई छ । भैँसीको दुधको प्रति लिटर ९० रुपैयाँ पर्दछ भने माग पनि बजारमा धेरै छ । थोरै लगानीबाट व्यावसायिक भैँसीपालन शुरु गरेका तोयनारायण पाण्डेले एक वर्ष भित्र १० वटा भैँसी पुर्याउने लक्ष्य रहेको बताए । कतैबाट सहयोग नभएको र भैँसी थप्ने योजना भएपनि लगानीको समस्याका कारणले बिस्तारै बढाउने बताए ।

भैँसी पालनसँगै सुन्तला खेती पनि गरेका छन् । उनले सुन्तला मात्रै बेचेर बार्षिक डेढलाख कमाई गर्ने गरेको बताए । कृषि पेशाबाट भएको आम्दानीबाट ३ जना छोराछोरीलाई पढाउन र घर खर्च गर्न समस्या नपरेको उनको भनाई छ । प्रदेशमा गर्ने मेहनतले घरमै भैँसी पालेर दैनिक दूध, दही खान पाइने र राम्रो आम्दानी पनि गर्न पाइने भएकाले यो पेशा तर्फ आर्कर्षित छन् ।

प्रतिकृया दिनुहोस्

Flash News

कबीर अटो मोबाइल्सको चाड–पर्व अफर : ‘स्वदेशी उत्पादन प्रयोग गरौं, नगद सस्तोमा किनौं’ यु-१७ पुरुष फुटबल टिम घोषणा लुम्बिनीसम्मको धम्म यात्राले रामग्रामबासी हर्षित बुटल बजारको मुख्य समस्या पार्किङ, खस्किँदै ब्यापार बुटवलमा डेङ्गु संक्रमण बढ्दै गएपछि रगत अभाव रोक्न रक्तदान पैदल यात्राकाे सुरक्षा महानगरकाे जिम्मेवारी हो, फुटपाथ व्यापारीमाथि लचिलो हुँदैनौं: बालेन देउवाप्रति गोकुल बास्कोटाको कटाक्ष– सरकार चलाउन सिकाउनेलाई देउवाले उल्टै तोरीको फूल देखाई दिए नवौं राष्ट्रिय खेलकुदको समापनमा प्रमुख अतिथि बन्न प्रधानमन्त्री देउवालाई निम्तो प्रहरी सहायता कक्षकै अगाडि यात्रुको तानातान लुम्बिनीका विद्युतीय बस सूचारु, चाड पर्वको अवधिभर नि:शुल्क दसैं लागेसँगै हरेक दिन एक लाखले छाड्दैछन् काठमाडौं रामग्राम नगरपालिकाले सुरु गर्यो वडाबाटै सामाजिक सुरक्षा भत्ता वितरण दुई महिनामा ५११ केजी सुन नेपाल भित्रियो, साढे तीन अर्ब बढी रकम बाहिरियो आज कति छ सुनचाँदीको मूल्य ? गठबन्धनको भागबन्डा टुंगियो, कुन दलले कुन क्षेत्र पाए ? (सूचीसहित) त्रिभुवन विमानस्थल वरपर चङ्गा उडाए कारबाही हुने रेस्टुरेन्टमा आगलागी हुँदा कम्तीमा १७ जनाको मृत्यु एमाले सचिवालय बैठक बस्दै, उम्मेदवार टुंग्याउने चटारो दसैंको मुखमा चामल बिक्री बन्द भारतमा पनि आईफोन १४ उत्पादन सुरु