कैलालीमा होम-क्वारेन्टिनमा बसेकी एक महिलाको मृत्यु

काठमाडौं । कैलालीमा होम क्वारेन्टिनमा बसेकी एक महिलाको मृत्यु भएको छ । जिल्लाको गोदावरी नगरपालिका-१० मा होम क्वारेन्टिनमा बसेकी ४८ वर्षीया महिलाको मृत्यु भएको हो ।

जेठ २६ गते भारतबाट फर्केकी ती महिलामा प्यारालाइसिस र रक्तचापको समस्या पनि भएकोले स्थानीय तहले तयार गरेको क्वारेन्टिनबाट वडा अध्यक्षको निगरानीमा होम क्वारेन्टिनमा राखिएको थियो । ती महिलाको घरमा गएको एक सातापछि मृत्यु भएको हो ।

उनको कोरोना परीक्षणका लागि स्वाब संकलन गरि धनगढी पठाइएको र रिर्पोट आएपछि शव व्यवस्थापन गर्ने बताइएको छ ।