मोराटाको दुई गोलमा एट्लेटिकोको सहज जित

काठमाडौं । अल्भारो मोराटाको उत्कृष्ट प्रर्दशनमा एट्लेटिको मड्रिडले स्पेनिस ला लिगा फुटबलमा सहज जित निकालेको छ । गएराति घरेलु मैदानमा भएको खेलमा एट्लेटिकोले मोलार्कालाई ३–० गोल अन्तरले हराएको हो ।

एट्लेटिकोको जितमा मोराटाले दुई तथा कोकीले एक गोल गरे । खेलको २९ औँ मिनेटमा मोराटाले पेनाल्टीमार्फत् गोल गर्दै टोलीलाई अग्रता दिलाए । पहिलो हाफको अन्तिम मिनेटमा व्यक्तिगत दोस्रो गोल गर्दै मोरोटाले एट्लेटिकोलाई २–० को स्थितिमा पुर्याए ।

कोकीले ७९ औं मिनेटमा गोल गर्दै टोलीको जित सुनिश्चित गरे । जितसँगै एट्लेटिकोले शिर्ष तीनमा रहने आफ्नो सम्भावनालाई बलियो बनाएको छ । तेस्रो स्थानमा रहेको एट्लेटिकोले ३३ खेलबाट ६२ अंक जोडेको छ भने मोलार्का रेलिगेशन जोन नजिक छ ।