भैरहवा । खुम्बु क्षेत्रको वातावरण संरक्षणमा उत्कृष्ट काम गर्न सफल भएका व्यक्ति, समुह, संघ संस्था, गाउंपालिका लाई प्रदान गर्ने गरि औतारी लामा रिन्पोछे श्री नावाङ्ग तेन्जिङ्ग जाङ्गबु वातावरण संरक्षण पुरस्कार" घोषणा गरिएको छ ।
एक कार्यक्रमका बिच आइतबार राष्ट्रिय सभा सदस्य सोनाम ग्याल्जेङ्ग शेर्पा एवम हिमालय एक्सपिडिसन्सका संस्थापक अध्यक्ष बिक्रम पाँडे काजीले नाम्चेमा संयुक्त रुपमा उक्त पुरस्कारको घोषणा गरेका छन । प्रत्येक दुई वर्षमा एक पल्ट ३ लाख ७ हजार ७ सय ७७ रुपैयाको पुरस्कार प्रदान गरिनेछ । तेन्जिङ-हिलारी एभरेष्ट म्याराथनको अवसर पारेर उक्त पुरस्कार प्रदान गरिने हिमालय एक्सपिडिसन्सका संस्थापक अध्यक्ष बिक्रम पाँडे काजीले बताए ।
"करिव ४८-५० वर्ष अगाडि देखि म नाम्चे बजार र खुम्बु क्षेत्रमा विदेशी ग्रुपहरुसंगै ट्रेकिङ आउने गर्थे, सोही अवसरमा तेङ्गवोचे गुम्बाका औतारी लामा नावाङ्ग तेन्जिङ्ग सँग पटक पटक दशर्न भेट हुने गर्दथ्यो ।" पाँडेले भने "दर्शन भेटको समयमा औतारीले मलाइ र सँगै आएका पर्यटकलाई खुम्बु क्षेत्रको वातावरण बचाउँन, फोहोर नफाल्न, जथाभावी आगो नबाल्न, चराचुरुङ्गी, जनावर र वनस्पती फुल र वोट विरुवाहरुलाई कुनैक्षति नपुर्याउन आज्ञा गर्ने गर्नु हुन्थ्यो ।" यसबाट आफ्नो अल्लारे विद्यार्थी जीवनमा संरक्षण जस्तो नौलो विषयमा औतारीको आदेश र औतारीको आज्ञाले ठूलो प्रभाव पारेको उनको भनाइ छ ।
औतारी लामाको यही आशीर्वाद, आज्ञा र औतारी आदेशना को पालना गर्दै आएको ५०औं वर्ष को यो पवित्र अवसरमा पुरस्कारको स्थापना गरेको पाँडेले बताए । " यसले वातावरण प्रेमी, संरक्षण प्रेमी र यस क्षेत्रमा काम गर्नेलाइ उत्साहित गर्नेछ भन्ने मेरो अपेक्षा हो ।" उनले भने पुरस्कार स्थापना गर्दै यस क्षेत्रबाट राष्ट्रिय सभामा प्रतिनिधित्व गर्नुहुने राष्ट्रिय सभा सदस्य सोनाम ग्याल्जेङ्ग शेर्पाले नेपाललाइ लुम्बिनी र सगरमाथाले पहिचान दिलाएको बताए । अहिले नाम्चेमा भैरहेको तेन्जिङ-हिलारी एभरेस्ट म्याराथनले लुम्बिनी र सगरमाथालाई जोडेको उनको भनाइ थियो ।" यसले बौद्ध धर्मको प्रचार मात्र नभइ यस क्षेत्रमा पर्यटकिय सम्भावनाको पनि अवसर खोलेको छ ।" उनले भने
युनिकोड
मिति रूपान्तरण
ग्लोबल आवाज
प्रतिक्रिया