बुटवल । पाल्पाको रिप्दिकोटबाट चुनढुङ्गा बोकेर बुटवलतर्फ आउँदै गरेको टिपरको ठक्करले आइतबार दिउँसो एक पुरुषको मृत्यु भएको छ । जिल्ला प्रहरी कार्यालय पाल्पाले दिएको जानकारी अनुसार रिप्दिकोट-२ मसारस्थित हार्थोक-सर्वेदाको भित्रि कच्चि सडकमा टिपरको ठक्करबाट सोही वडाका ६९ वर्षीय होमबहादुर लाम्टाङ्गेले ज्यान गुमाएका हुन् ।

रिप्दिकोटको सिद्देश्वर खानीबाट चुनढुङ्गा बोकेर बुटवलतर्फ आउँदै गरेको लु २ ख २४४६ नम्बरको टिपरले ठक्कर दिएको हो । घटना बारे जानकारी लगत्तै प्रहरी चौकी हार्थोकबाट गएको प्रहरी टोलीले गाडी र चालकलाई तत्काल नियन्त्रणमा लिएर थप अनुसन्धान अघि बढाइएको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक विरेन्द्र थापाले जानकारी दिए ।