कपिलवस्तु दुर्घटना अपडेट : गम्भीर घाइते एक जनाको बुटवलमा मृत्यु

बुटवल । कपिलबस्तुमा भएको सवारी दुर्घटनामा परी गम्भीर घाइते भएका एक जनाको मृत्यु भएको छ । जिल्लाको वाणगंगा नगरपालिका–२ का २७ वर्षीय कृष्ण कुवँरको उपचारको क्रममा बुटवलको चौराहा हस्पिटलमा मृत्यु भएको जिल्ला ट्राफिक प्रहरी कार्यालय कपिलबस्तुले जनाएको छ ।

दुर्घटनामा परी गम्भीर घाइते भएका अन्य ५ जनाको बुटवलमा उपचार भइरहेको छ । बुटवलबाट कृष्णनगर तर्फ जाँदै गरेको लु १ ख ५६८४ नम्वरको यात्रुवाहक वस र विपरीत दिशाबाट आउँदै गरेको ना ४ ख ३०१२ नम्वरको मालबाहक ट्रक मंगलवार कपिलवस्तुको बुद्धभुमी ९ सुरगरवरवा नजिक ठक्कर खाँदा २४ जना घाइते भएका थिए ।