‘संघीयताले बिकास निर्माणमा तीब्रता ल्यायो’

नवलपरासी । विकास निमार्णका कामले तीब्रता पाएसँगै नागरिकमा संघीयताको अनुभूति बढेको रामग्राम नगरपालिका प्रमुख नरेन्द्र कुमार गुप्ताले दाबी गरेका छन् । नेपाल पत्रकार महासंघ नवलपरासी शाखाले परासीमा आयोजना गरेको पत्रकार क्षमता अभिवृद्धि एवम् जनप्रतिनिधि बीचको अन्तरक्रियामा प्रमुख गुप्ताले सो कुरा बताएका हुन् ।

संघीयतासँगै बनेको संघ, प्रदेश र स्थानीय सरकारका कारण ग्रामिण क्षेत्रमा बिकासले गती लिएको उनले बताए । यसैबीच जिल्लाको सदरमुकाममै राम्रो र ठूलो सभाहल अभाव रहेको बताउँदै उनले त्यसका लागि सिटिहल निर्माणको योजना अघि सारिएको जानकारी गराए । यसैगरी नगर उप प्रमुख रम्भाकुवंरले रामग्राममा तीब्रताका साथ भएका विकास निर्माणका कार्यहरुलाई प्रभावकारी रुपमा अध्ययन अनुगमनलाई पनि प्राथमिकता दिइएको बइन् ।

नगरपालिकाको न्यायिक समितिले गरेका न्याय सम्पादनका कार्यहरुका बारेमा जानकारी गाउँदै उनले सार्वजनिक सुनुवाईगरी अहिलेसम्म एका कार्यहरु बारे सबै जनतालाई जानकारी गराउने गरिएको बताइन् । नेपाल पत्रकार महासंघ नवलपरासी शाखा अध्यक्ष हरि शर्माको अध्यक्षता र सचिव राजु रश्मीको संचालनमा भएको कार्यक्रममा रामग्राम नगरपालिकाका वडाध्यक्षहरुले आफ्नो वडाले गरेका कार्यहरुका वारेमाा जानकारी गराएका थिए ।